Hramadstva44

Biełarusy stali mienš hladzieć televizar i słuchać radyjo

Bolš za pałovu nasielnictva Biełarusi štodnia hladziać televizar, i bolš za čverć słuchajuć radyjo. Ale hetyja pakazčyki źmianšajucca. Thinktanks.by praanalizavaŭ statystyku za viasnu 2024 hoda.

Pavodle danych mediameter.by, u mai 2024 hoda 52,84% biełarusaŭ hladzieli televizar kožny dzień. U paraŭnańni z papiarednimi miesiacami pakazčyk prykmietna ŭpaŭ. U krasaviku 2024 hoda siaredniesutačny achop aŭdytoryi skłaŭ 56,36%, u sakaviku — 58,33%.

Pa słuchačach radyjo niama statystyki za travień 2024 hoda. U krasaviku ž siaredniesutačny achop radyjosłuchańnia skłaŭ 27,2%, u sakaviku — 26,8%.

Aŭdytoryja telebačańnia

U siarednim viasnoj 2024 hoda kožny dzień televizar hladzieli 55,8% biełarusaŭ, viasnoj ža 2023 hoda telehledačoŭ naličvałasia 57,67%.

U traŭni 2024 hoda ŭ paraŭnańni ź minułym miesiacam skaraciŭsia siaredniesutačny čas prahladu TB siarod nasielnictva — minus 11,56%. Kali ŭ krasaviku ŭ dzień televizar u siarednim hladzieli 199 chvilin, to ŭ traŭni — 176 chvilin.

Maksimalny abjom aŭdytoryi ŭ traŭni byŭ zafiksavany i ŭ budni, i ŭ vychadnyja — z 18:30 pa 23:00.

U traŭni biahučaha hoda siarod telehledačoŭ dola žančyn była vyšejšaja, čym dola mužčyn — 62,8% suprać 37,2% adpaviedna.

Taksama ŭ traŭni skaraciłasia kolkaść telehledačoŭ va ŭzrostavych hrupach 55-64 i 65+ hadoŭ, a kolkaść hledačoŭ u hrupach 4-17, 18-34 i 35-54 hadoŭ pavialičyłasia.

Aŭdytoryja radyjo

U krasaviku 2024 hoda štodnia słuchali radyjo 728 tysiač biełarusaŭ. Pry hetym čaściej jaho słuchali ŭ Hrodzienskaj i Bresckaj abłaściach, radziej — u Minskaj.

U krasaviku siaredni čas słuchańnia radyjo skłaŭ: 62 chviliny ŭ dzień siarod usiaho nasielnictva, 228 chvilin u dzień siarod słuchačoŭ.

U adroźnieńnie ad televizara, słuchańniu radyjo addajuć pieravahu mužčyny. U krasaviku biahučaha hoda pałavaja struktura vyhladała nastupnym čynam: 53% mužčyn i 47% žančyn.

34% radyjosłuchačoŭ — heta ludzi va ŭzroście 35-44 hadoŭ.

Pieravahi biełaruskich telehledačoŭ i radyjosłuchačoŭ

U mai 2024 hoda samym papularnym žanram na telebačańni stali kinaprahramy, ich prahladu addajuć pieravahu 48% apytanych biełarusaŭ. Na druhim miescy zabaŭlalnyja prahramy z 17% aŭdytoryi.

Samymi papularnymi kanałami siarod nasielnictva Biełarusi stali: Rasija-Biełaruś, ANT, NTV-Biełaruś.

Radyjo biełarusy słuchajuć u asnoŭnym na pracy — 44%, ci ŭ mašynie — 36%. Samymi papularnymi radyjostancyjami stali: RadyjoROKS (šanson), Radyjo Junistar (pop), Novaje Radyjo (pop).

Kamientary4

  • Valera
    26.06.2024
    Na foto takoje oŝuŝienije, čto łukašienko iz tielevizora prihladyvajet, čto by ukrasť kakuju nibud́ vieŝ biez prismotra v komnatie u svojej zritielnicy.
  • Opyt
    26.06.2024
    Tak bt možno prosto otklučiť, napisav zajavlenije v Biełtielekom. Povieŕtie, srazu pojavlajetsia kakaja-to lohkosť i radosť v žiźni.
  • r e a l p o l i t i k
    26.06.2024
    Tak va usim śviecie, internet jeść dzie možna samomu vybirać toje što tabie padabajecca a nie toje jak ciabie durać

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku13

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku

Usie naviny →
Usie naviny

Biaźvizam u Biełaruś pieršym skarystaŭsia hramadzianin Hiermanii9

Zianon Paźniak vydaŭ čarhovuju knihu19

U čornych busłoŭ u Biełarusi stała vyvodzicca bolš ptušaniat. U čym pryčyna?

Stryžak raskazaŭ, jak zmoh tak pachudzieć8

Padrabiaznaści teraktu Kryhiera pad Aziaryščam — razburanyja špały i nivodnaha paranienaha10

Ryka Kryhier nie staŭ abskardžvać śmiarotny prysud — jon ustupiŭ u siłu2

Zavočna buduć sudzić Antona Matolku — jamu zakidajuć 17 artykułaŭ, u tym liku zdradu dziaržavie8

Źjaviłasia jašče niekalki FOTA z suda nad Ryka Kryhieram

Polski turyst pryjechaŭ u Biełaruś i raschvaliŭ jaje na ŭsie łady. Jon akazaŭsia nieanacystam14

bolš čytanych navin
bolš łajkanych navin

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku13

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku

Hałoŭnaje
Usie naviny →