Navuka i technałohii44

Turma budučyni. Navukoviec prapanavaŭ chutki sposab pieravychavańnia złačyncaŭ — dać adčuć pakuty ich achviar

Niamiecki bijatechnołah i papularyzatar navuki Chašam Al-Hajli pradstaviŭ kancepcyju turmy budučyni, jakaja, jak jon śćviardžaje, zmoža ŭździejničać na złačyncaŭ, prymušajučy ich adčuć pakuty ich achviar. Miarkujecca, što taki sposab zmoža paskoryć ich pieravychavańnie i vyzvaleńnie z turmaŭ, piša telegraf.news sa spasyłkaju na Daily Mail.

Turma budučyni. Fota: Hashem Al-Ghaili

Prajekt pad nazvaj Cogniify praduhledžvaje ŭžyŭleńnie sintetyčnych uspaminaŭ ab złačynstvie čałavieka ŭ jaho mozh, ale z punktu hledžańnia jaho achviary. Sistema moža ŭklučać u siabie pryładu, padobnuju na virtualnuju realnaść, jakaja budzie adlustroŭvać kadry złačynstva, stvoranyja štučnym intelektam, i mazhavy impłant, jaki budzie vyklikać emacyjnyja stany, takija jak raskajańnie ci škadavańnie. 

Miarkujecca, što kancepcyja, raspracavanaja bierlinskim malekularnym bijatechnołaham Chašemam Al-Hajli, zabiaśpiečyć doŭhaterminovy efiekt sieansu terapii, zrabiŭšy ŭspaminy stałymi. 

Tak, naprykład, u ZŠA zaraz u źniavoleńni znachodziacca bolš za 1,7 miljona čałaviek. Chacia ŭłady zajaŭlajuć, što turma ŭtrymlivaje pravaparušalnikaŭ ad budučych złačynstvaŭ, bolš za 100 daśledavańniaŭ, praviedzienych u 2021 hodzie, pakazali, što jana nie pieraduchilaje paŭtornyja złačynstvy. 

Z ulikam hetych faktaŭ Al-Hajli stvaryŭ kancept turmy budučyni, jakaja, jak jon śćviardžaje, dapamoža złačyncam atrymać uroki sa svajho minułaha. 

«Kali-niebudź Cogniify zmoža stvaryć i ŭkaranić štučnyja ŭspaminy prosta ŭ mozh źniavolenaha. Hetyja składanyja, jarkija i realistyčnyja ŭspaminy buduć hienieravacca ŭ realnym časie z vykarystańniem kantentu, stvoranaha štučnym intelektam. Choć reabilitacyja praciahniecca niekalki chvilin, złačyncu jana zdasca hadami, bo ŭ śviadomaści złačyncaŭ čas ciače pavolniej, čym u realnym žyćci, što prymušaje ich pieražyć hady», — raspaviali ŭ prezientacyjnym roliku prajektu na YouTube. 

U zaležnaści ad surjoznaści złačynstva i pryhavoru, sistema adaptuje ŭspaminy z ulikam patrebaŭ dla reabilitacyi kožnaha subjekta. Mozh źniavolenych budzie praskanavany ŭ vysokim dazvole, što dazvolić stvaryć padrabiaznuju kartu ich niervovych šlachoŭ. Hetyja danyja dazvolać pryładzie Cogniify uździejničać na peŭnyja vobłaści mozhu, jakija adkazvajuć za pamiać, razvažańnie i łahičnaje myśleńnie. 

Pryłada budzie pracavać, pakazvajučy źniavolenym uspaminy ab ich złačynstvach, jakija buduć stvorany ŠI. Heta moža być chatniaje nasille, złačynstvy na hlebie nianaviści abo dyskryminacyi, niezakonny handal, kradziažy i machlarstva.

Aproč vizualnych efiektaŭ, technałohija zmoža taksama stymulavać fizičnuju reakcyju, dazvalajučy złačyncu adčuć bol i pakuty, jakija pieraniesła jaho achviara.

«Niekatoryja ŭspaminy buduć stvoranyja dla taho, kab vyklikać nastupstvy i traŭmy. Takija ŭspaminy mohuć madelavać doŭhaterminovyja nastupstvy hvałtoŭnych dziejańniaŭ, takija jak hora siamji achviary abo fizičnyja i emacyjnyja traŭmy, pieraniesienyja achviaraj», — raspaviali ŭ videaroliku.

Šaścichvilinny rolik pačynajecca z ahladu biełaha pakoju z 19 kapsułami kala ściany. Unutry kožnaj ź ich stajać mužčyny z pryładaj Cogniify na hałavie, z čymści nakštałt dyspleja na vačach i navušnikami na vušach, apuskajučy ich va ŭspaminy, stvoranyja ŠI. 

«Štučnyja ŭspaminy, impłantavanyja z dapamohaj Cogniify, buduć lohka intehravanyja ŭ isnujučyja niejronavyja sietki mozhu, pieraduchilajučy kahnityŭny dysanans i harantujučy, što subjekt usprymie ŭspaminy tak, jak jany b byli realnymi», — havorycca ŭ videa.

 

Pakul źniavolenyja pieražyvajuć jarkija ŭspaminy ab svaich złačynstvach, centralny kamputar źbiraje danyja, kab zrazumieć, što prymušaje ludziej ździajśniać takija złačynstvy. U videa adznačajecca, što Cogniify «budzie mieć zašyfravanaje schovišča dla kanfidencyjnaj infarmacyi ab źniavolenych i danych ab reabilitacyi». 

«Kancepcyja Cogniify moža zrabić revalucyju ŭ sistemie kryminalnaha pravasudździa, značna skaraciŭšy nieabchodnaść praciahłaha turemnaha źniavoleńnia i źviazanyja z hetym vydatki.

Tradycyjnyja turmy patrabujuć značnych biudžetaŭ na budaŭnictva, utrymańnie, ukamplektavańnie piersanałam i dohlad za źniavolenymi, uklučajučy charčavańnie, achovu zdaroŭja i prahramy reabilitacyi. Zamianiŭšy praciahłyja terminy turemnaha źniavoleńnia karotkaj intensiŭnaj reabilitacyjaj z dapamohaj impłantacyi štučnaj pamiaci, možna značna źnizić vydatki na ŭtrymańnie turmaŭ i padtrymku źniavolenych», — raspaviali pra prajekt u aznajamlenčym videa.

Kamientary4

  • virtualny sekas
    25.06.2024
    Mańjakam-hvałtaŭnikam i piedafiłam tolki kajf
  • Feminist
    25.06.2024
    A hdie złodiejki? Počiemu snova narušajutsia prava žienŝin? V rolikie niet žienŝin-priestupnic! Ili my nie sovieršajem priestuplenij?
  • Vy ku-ku?
    26.06.2024
    Reparciory-pierapisčyki vy zusim ku-ku na prŭnym surjozie hetuju łuchtu pisać. Daviedalisia b spačatku pra hetaha navukoŭcu-vynachodnika. Čeł prosta dziela prykołu i chajpu renderyć navukova-fantastyčnyja roliki, a vy tut apisvajecie niby heta niejkaja pradumanaja navukovaja kancepcyja. Pahladzicie papiapedni kantent hetaha fajetasta-humarysta - pra pierasadku hałavy.

Rabotnicy suda pahražaje da 12 hadoŭ za «zakliki da sankcyj i abrazu Łukašenki»3

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Usie naviny →
Usie naviny

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ3

Zamach na Donalda Trampa płanavaŭ Iran — CNN12

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami31

bolš čytanych navin
bolš łajkanych navin

Rabotnicy suda pahražaje da 12 hadoŭ za «zakliki da sankcyj i abrazu Łukašenki»3

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Hałoŭnaje
Usie naviny →