Śviet

Polšča rychtujecca da chvali rasijskich kibieratak

Rasijanie ździajśniali sproby kibieratak ciaham apošnich šaści miesiacaŭ, a nadoječy dla atak na krytyčna važnuju dziaržaŭnuju infrastrukturu byli delehavanyja dźvie admysłovyja hrupy, stvoranyja rasiejskimi śpiecsłužbami, zajaviŭ u efiry «TVN24» vice-premjer i ministr dyhitalizacyi Kšyštaf Haŭkoŭski, piša Biełsat.

«Ciaham niekalkich dzion užo viedajem, što vyznačanyja dźvie śpiecyjalnyja hrupy, stvoranyja rasiejskaj śpiecsłužbaj HRU. Adnaja z hrupaŭ skiravanaja na toje, kab siejać dezynfarmacyju, a druhaja, kab najbližejšymi tydniami i vakacyjnymi miesiacami paralizavać krytyčnuju infrastrukturu. Užo viedajem heta, našyja słužby heta znajšli. Ministerstva dyhitalizacyi i padnačalenyja słužby dziejničajuć», — skazaŭ Haŭkoŭski.

Pavodle słoŭ ministra, kibierataki — heta «chałodnaja vajna, a ŭ niekatorych momantach užo i ciopłaja, takaja, da jakoj my dakranajemsia, adčuvajem i jakaja paŭpłyvaje na našaje žyćcio».

Na pytańnie žurnalista, da jakoha najhoršaha scenaru kibieratak treba rychtavacca Polščy, vice-premjer adkazaŭ:

«Krytyčnaja dziaržaŭnaja infrastruktura, naprykład, elektrastancyi, vodazabieśpiačeńnie i kanalizacyja pierastajuć pracavać. Realnyja ŭsie scenary, u jakich my siońnia vykarystoŭvajem roznaha kštałtu kampiu'tarnyja pryłady, prahramy, jakija možna ŭzłamać, vyklučyć, pierachapić kantrol i davieści da krytyčnaj situacyi».

Haŭkoŭski zhadaŭ ataku na polskaje infarmacyjnaje ahienctva RAR, u vyniku jakoj u stužcy navinaŭ źjaviłasia paviedamleńnie pra mabilizacyju. Vice-premjer raspavioŭ, što chakiery zdoleli ŭzłamać pryładu pracaŭnika ahienctva i skraści jahonyja ŭlikovyja dadzienyja dla dostupu da stužki ahienctva. Pavodle Haŭkoŭskaha, heta stała mahčymym, bo adzin z pracaŭnikoŭ davaŭ dostup da pracoŭnaj pryłady čalcu siamji, jaki i pastaviŭ na jaje prahramu sa škodnasnym kodam.

«Ja kažu ŭsim čynoŭnikam u Polščy padčas sustrečaŭ: słužbovaja pryłada — heta słužbovaja pryłada, nie dajem dzieciam, nie dajem blizkim, nie hladzim filmaŭ, nie robim roznaha kštałtu zdymkaŭ, nie łahinimsia ŭ 25 roznych aplikacyjach, bo nie viedajem, chto choča zachapić hetuju pryładu. A situacyja z RAR musić być prykładam dla ŭsioj Polščy: budź uvažlivy, bo tvaja ŭstanova moža być paralizavanaja», — zaznačyŭ ministr dyhitalizacyi.

U Polščy sapraŭdy mahčymyja dyviersii i akty sabatažu, ale polskija rataŭniki musiać dać rady im, kazaŭ raniej u intervju polskaj redakcyi «Biełsatu» pres-sakratar Hałoŭnaj dziaržaŭnaj pažarnaj słužby, staršy bryhadzir Karal Kiežkoŭski.

«Dumaju, što heta nie budzie padpał usioj krainy, ale asobnyja akty sabatažu i dyviersii mohuć być. Hledziačy na ​​apošnija padziei ŭ Polščy, niechta moža źviazać ich z dyviersijami. Na hetym i palahaje hibrydnaja vajna — u krainie moža adbycca niešta takoje, što vykliča tryvohu i napružańnie. I my heta ŭličvajem», — zajaviŭ Karal Kiežkoŭski.

Kamientary

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

Što aznačajuć sihnały Łukašenki Polščy i Ukrainie?15

Łamin Jamal vypadkova pakazaŭ na VIDEA svaich hołych kalehaŭ4

Biełaruski błohier u samy skvar pasprabavaŭ pasmažyć jajki prosta na asfalcie. Ci atrymałasia?3

Viačorka: Łukašenka abvieścić datu svaich vybaraŭ, tolki kali skončacca amierykanskija5

Pamior mastak Valeryj Čajka. Jon afarmlaŭ minskaje mietro

Zialenski pra zajavu Budanava pra nastup Rasii z poŭnačy: Jaho nie tak zrazumieli1

Ralf Šumachier ździejśniŭ kaminh-aŭt16

Jakimi buduć vybary 2025 hoda? Razvažajuć Viačorka, Łatuška i Šrajbman52

Jak vyhladaje čarha pa vadu ŭ Mazyry6

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →