Śviet2626

Daradcy Trampa padali płan spynieńnia vajny Rasii suprać Ukrainy

Dva klučavyja daradcy Donalda Trampa padali jamu płan spynieńnia vajny Rasii va Ukrainie, kali jon pieramoža na prezidenckich vybarach, piša Reuters.

Uładzimir Zialenski i Donald Tramp padčas Hienasamblei AAN u Ńju-Jorku ŭ vieraśni 2019 hoda. Fota: Evan Vucci / AP

Płan raspracoŭvali Kit Kiełah i Fred Flajc, jakija zajmali pasady kiraŭnikoŭ aparata Savieta nacyjanalnaj biaśpieki Trampa padčas jaho prezidenctva ŭ 2017-2021 hadach. 

Płan praduhledžvaje, što ŭ vypadku abrańnia prezidentam ZŠA Tramp moža spynić pastaŭki vajennaj dapamohi Ukrainie, kali taja admovicca ad mirnych pieramovaŭ, a Maskvu papiaredziać, što lubaja admova ad pieramovaŭ pryviadzie da ŭzmacnieńnia padtrymki Kijeva. 

«My havorym ukraincam: «Vy pavinny sieści za stoł pieramovaŭ, i kali vy nie siadziecie za stoł pieramovaŭ, padtrymka z boku Złučanych Štataŭ spynicca. A Pucinu vy kažacie: «Jon pavinien sieści za stoł pieramovaŭ, a kali vy nie siadziecie za stoł, to my damo ŭkraincam usio nieabchodnaje, kab zabić vas na poli boju», — raspavioŭ Kiełah. 

Zhodna ź ich prapanovaj, Maskvu taksama možna było b prymusić sieści za stoł pieramovaŭ, adkłaŭšy na praciahły čas abiacańnie siabroŭstva Ukrainy ŭ NATA. 

Flajc skazaŭ, što Ukrainie nie treba farmalna sastupać terytoryju Rasii zhodna ź ich płanam. Adnak, pavodle jaho słoŭ, Ukraina naŭrad ci zmoža adnavić kantrol nad usioj svajoj terytoryjaj u bližejšaj pierśpiektyvie. 

Pa słovach Kiełaha i Flajca, dla dasiahnieńnia praciahłaha miru va Ukrainie patrebny dadatkovyja harantyi biaśpieki dla Ukrainy. Flajc dadaŭ, što «ŭzbrajeńnie Ukrainy da zuboŭ», vierahodna, budzie klučavym elemientam hetaha. 

Flajc raskazaŭ, što Tramp aznajomiŭsia ź ich stratehijaj i adreahavaŭ na jaje stanoŭča. 

«Ja nie śćviardžaju, što jon pahadziŭsia ź joj ci pahadziŭsia z kožnym słovam, ale my byli rady atrymać zvarotnuju suviaź», — skazaŭ jon. 

Adnak pradstaŭnik Trampa Styvien Čunh zajaviŭ, što aficyjnymi varta ličyć tolki zajavy, zroblenyja samim eks-prezidentam abo ŭpaŭnavažanymi členami jaho pieradvybarnaj kampanii. 

U ŚMI raniej zjaŭlalisia paviedamleńni, što Tramp nibyta choča padšturchoŭvać Ukrainu da terytaryjalnych sastupak RF dla spynieńnia vajny. 

Sam Tramp časta vychvalaŭsia tym, što moh by damovicca ab mirnym pahadnieńni pamiž Rasijaj i Ukrainaj na praciahu 24 hadzin, kali stanie prezidentam. Ale jon nieadnarazova admaŭlaŭsia publična ŭdakładnić, jak jon zmoh by heta zrabić.

Kamientary26

  • Sakavik
    25.06.2024
    Ich hienijalny płan...
  • Tak
    25.06.2024
    Z ulikam šmatlikich artykułaŭ, chutčej za ŭsio, kali b havorka była pra inšaha kandydata, apanienta, u zahałoŭku była b cytatat pra "ŭzbrajeńnie Ukrainy da zuboŭ" ( ͡° ͜ʖ ͡°)
  • Kastuś
    25.06.2024
    eto choť pochožie na płan. A to u Bajdiena i takoho nietu

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta17

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →