Śviet

Džulijana Asanža vyzvalili z turmy ŭ Łondanie, u jakoj jon adbyŭ piać hadoŭ

Jon rychtujecca zaklučyć uhodu z ZŠA, kab nie trapić u turmu tam.

Wikileaks

Zasnavalnik WikiLeaks Džulijan Asanž rychtujecca da ŭhody z amierykanskim pravasudździem, u ramkach jakoha jon pryznaje siabie vinavatym u razhałošvańni vajskovych tajamnic i vyjdzie na volu, vynikaje z sudovych dakumientaŭ, apublikavanych u noč na aŭtorak, piša Bi-bi-si.

U adpaviednaści sa ździełkaj, 52-hadovamu Asanžu buduć vystaŭlenyja abvinavačvańni ŭ zmovie z metaj atrymańnia i raskryćcia źviestak pra nacyjanalnuju abaronu.

Čakajecca, što Asanž budzie prysudžany da 62 miesiacaŭ turemnaha źniavoleńnia z zalikam piaci hadoŭ, jakija jon užo pravioŭ u brytanskaj turmie, asprečvajučy ekstradycyju ŭ ZŠA, paśla čaho budzie vyzvaleny i zmoža viarnucca na radzimu ŭ Aŭstraliju.

Spačataku zasnavalnika WikiLeaks abvinavačvali pa 18 punktach, u asnoŭnym — pa zakonie ab špijanažy, u suviazi z apublikavańniem kanfidencyjnych vajskovych dakumientaŭ i dypłamatyčnych depieš, jakija tyčacca vojnaŭ u Afhanistanie i Iraku.

Čakajecca, što ŭhoda, u ramkach jakoj jon pryznaje siabie vinavatym pa adnym punkcie, budzie aformlenaja ŭ sieradu ŭ sudzie Paŭnočnych Maryjanskich astravoŭ — terytoryi ZŠA ŭ zachodniaj častcy Cichaha akijana.

U WikiLeaks paviedamili, što ŭ paniadziełak Asanž byŭ vyzvaleny z turmy «Biełmarš» na paŭdniovym uschodzie Łondana i pakinuŭ Brytaniju.

«Džulijan Asanž na voli. Jon pakinuŭ turmu strohaha režymu «Biełmarš» ranicaj 24 červienia, pravioŭšy ŭ joj 1901 dzień. Vysoki sud Łondana vyzvaliŭ jaho pad zakład, i dniom jon byŭ adpuščany ŭ aeraport «Stansted», dzie sieŭ na samalot i palacieŭ ź Vialikabrytanii», — napisali jaho paplečniki ŭ sacsietcy X.

Jany adznačyli, što ŭhoda stała mahčymaja dziakujučy hłabalnaj kampanii padtrymki paśla praciahłych pieramoŭ ź Ministerstvam justycyi ZŠA, i dadali, što aficyjna pracedura jašče nie zavieršanaja.

Jak paviedamlaje CNN sa spasyłkaj na krynicy, pradstaŭniki FBR i Miniusta ZŠA vystupali suprać luboj uhody, jakaja nie ŭklučaje pryznańnie Asanžam svajoj viny ŭ kryminalnym złačynstvie.

Z Łondana samalot z Asanžam nakiravaŭsia ŭ Banhkok. Vysokapastaŭleny tajłandski čynoŭnik paviedamiŭ AFP, što biznes-džet spynicca ŭ mižnarodnym aeraporcie «Donmyanh» dla dazapraŭki i ŭviečary vylecić na vostraŭ Sajpan.

Pasiadžeńnie ŭ Fiederalnym akruhovym sudzie Paŭnočnych Maryjanskich astravoŭ na Sajpanie pryznačana na 9-ju ranicy sierady (01:00 sierady pa Minsku).

Ministerstva justycyi ZŠA paprasiła pravieści słuchańni pa spravie ŭ toj ža dzień, vynikaje ź lista prakuroraŭ.

Jak čakajecca, paśla słuchańniaŭ i prysudu Asanž budzie vyzvaleny i adpravicca ŭ Aŭstraliju.

Asanž siem hadoŭ chavaŭsia ŭ pasolstvie Ekvadora ŭ Łondanie, sprabujučy paźbiehnuć ekstradycyi ŭ Šviecyju pa abvinavačvańni ŭ seksualnym hvałcie.

Paźniej hetaje abvinavačvańnie było źniata. Sam Asanž admaŭlaŭ vinu i śćviardžaŭ, što abvinavačvańni šviedskich uładaŭ — tolki padstava dla jaho ekstradycyi ŭ ZŠA.

U 2019 hodzie Asanža vysielili z ambasady, patłumačyŭšy heta parušeńniami ŭmoŭ davańnia prytułku ź jaho boku, i pazbavili ekvadorskaha hramadzianstva.

Brytanskija ŭłady aryštavali Asanža i źmiaścili ŭ turmu strohaha režymu «Biełmarš», paśla čaho pačaŭsia sudovy praces ab jaho ekstradycyi ŭ ZŠA.

Zasnavany Asanžam u 2006 hodzie sajt Wikileaks pačaŭ publikavać sotni tysiač amierykanskich sakretnych dakumientaŭ i dypłamatyčnuju pierapisku ŭ 2010 hodzie.

Amierykanskija ŭłady nazyvali publikacyju adnoj z najbujniejšych uciečak sakretnaj infarmacyi ŭ historyi krainy.

U 2010 hodzie na sajcie byŭ apublikavany videazapis z amierykanskaha vajskovaha viertalota, na jakim vidać, jak u Bahdadzie zabivajuć bolš za dziasiatak irakskich mirnych žycharoŭ, a taksama dvuch reparcioraŭ Reuters.

ZŠA śćviardžali, što svaimi publikacyjami Asanž pastaviŭ pad pahrozu žyćci sotniaŭ amierykanskich hramadzian.

Kamientary

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Čarha lehkavych aŭto na ŭjezd u Polšču ź Biełarusi pavialičyłasia ŭ čatyry razy5

Juryj Čyž pajšoŭ u rasijski sud, kab pazmahacca za svoj małakazavod u Hielendžyku

Jak transhiendar abvaliŭ prodažy samaha papularnaha amierykanskaha piva15

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam23

Nie rabicie hetuju pamyłku ŭ zachoŭvańni chleba5

Nazirajecca maštabny zboj elektroniki pa ŭsim śviecie. Aeraporty admianiajuć paloty13

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →