Abvinavačvańnie ŭ raspaŭsiudzie porna suprać dyrektara škoły z-pad Lozna rassypajecca?
U mai źjaviłasia infarmacyja, što ŭ Loźnienskim rajonie kiraŭnika Dabramyślinskaj škoły Ihara Atroščanku sudziać za vyrab abo raspaŭsiud porna (častka 1 artykuła 343 KK). Infarmacyi pra heta, akramia samoha fakta, amal nie było, ale ciapier telehram-kanał «Viciebsk, ja hulaju!» daviedaŭsia niekatoryja padrabiaznaści.
Aŭtar telehram-kanała śćviardžaje, što ŭ Ihara Atroščanki znajšłosia šmat abaroncaŭ — i, padobna, ludzi ščyra apraŭdvajuć maładoha mužčynu.
Pavodle infarmacyi ad krynic kanała, padziei raźvivalisia prykładna tak. Šaścikłaśniki ŭ škole znajšli dziŭnuju zabavu ŭ vyhladzie fatahrafavańnia svaich pryčynnych orhanaŭ. Ale hetaja sumnieŭnaja hulnia chutka vyjšła z-pad kantrolu, i zroblenyja fotazdymki raźlacielisia ŭ roznyja baki — nakolki šyroka, nieviadoma. A dyrektar, jaki pra heta daviedaŭsia, nibyta pasprabavaŭ usio heta spynić dy zhasić ažyjataž vakoł situacyi.
Takoje raźvićcio situacyi nie spadabałasia maci adnaho z padletkaŭ, jakaja raniej pracavała ŭ toj samaj škole. Jak śćviardžajuć vidavočcy, zvalniałasia jana sa skandałam i mieła zub na kiraŭnictva. Hetuju ž situacyju jana vykarystała dla šantažu dyrektara.
Paśla jaje zajavy siłaviki ŭziali ŭ abarot Atroščanku, u telefonie jakoha znajšli i asabistyja «nieprystojnyja» zdymki ŭ pryvatnaj pierapiscy z asobaj, ź jakoj jon znachodziŭsia ŭ adnosinach. Heta i stała padstavaj dla pryciahnieńnia jaho pa artykule ab vyrabie i/abo raspaŭsiudzie parnahrafii.
Padazreńnie va ŭtojvańni razbeščvańnia padletkaŭ pakul nibyta nie atrymała praciah. Prykmiet składu hetaha złačynstva ŭ siłavikoŭ na hety momant niama.
Paśla padklučeńnia da internetu karennyja žychary Amazonki trapili ŭ pornazaležnaść
Sudziać 50-hadovaha nastaŭnika sa Śvietłahorska. Siarod artykułaŭ — zhvałtavańnie padletka i stvareńnie porna
Žycharka Baranavičaŭ uziała na vučobie akademičny adpačynak, kab zarabić na porna
Minskija školniki zdymali i pradavali porna
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary