Zatrymali piensijanierku, jakaja stała achviaraj machlaroŭ, a paśla stała im dapamahać
72-hadovaja žycharka Minska, vykonvajučy zahady afierystaŭ, zabirała hrošy ŭ padmanutych imi i praź infakijosk pieravodziła ich na adpaviednyja rachunki. Pry hetym raniej ź jaje samoj tyja ž machlary vyciahnuli bolš za 30000 rubloŭ.
U Pieršamajskaje RUUS Minska źviarnułasia 76-hadovaja piensijanierka, jakaja addała ašukancam bolš za 3,5 tysiač jeŭra. Pierad tym žančynie patelefanavali nieviadomyja i paviedamili, što jaje pašpartnymi danymi skarystalisia afierysty, jakija ad jaje imia vykrali hrošy z čužoha rachunku.
Ašukancy pierakanali zajaŭnicu zadekłaravać najaŭnyja doma hrošy, kab paćvierdzić krynica dachodu. Tady žančyna addała hrošy kurjeru, jaki pavinien byŭ ich viarnuć paśla praviadzieńnia pracedury.
Kazus, adnak, u tym, što kurjeram była 72-hadovaja piensijanierka, jakoj, jak jana sama śćviardžaje, raniej taksama patelefanavali nieviadomyja i prapanavali zadekłaravać ułasnyja aščadžeńni. U vyniku minčanka pieraviała na rachunak afierystaŭ bolš za 30 000 rubloŭ, a jany prapanavali joj dapamahać inšym piensijanieram «dekłaravać» ich hrošy.
Pahadziŭšysia na prapanovu, piensijanierka pa navodcy kuratara naviedała try adrasy, dzie zabrała ŭ padmanutych ludziej bolš za 86 000 rubloŭ u ekvivalencie, jakija pieraličyła ašukancam.
«Biełpošta» papiaredziła pra novuju schiemu machlarstva ad jaje imia
Minčuk dumaŭ, što ratuje hrošy, a straciŭ amal 200 tysiač rubloŭ. Jak tak vyjšła?
U Maładziečnie čałaviek dvojčy prynios u kramu zamiest rubloŭ «dubli». I ŭ jaho atrymałasia
Telefonnyja machlary reanimavali staruju schiemu padmanu. Jak ni dziŭna, jana pracuje
«Siarhiej» nie adzin. Voś jak KDB prapanuje zarabić na sačeńni za biełaruskimi emihrantami2
Kamientary
Žarty? Ale karystajucca ašukancy (kali, viadoma, vieryć milicejskaj spravazdačy) mienavita ź dziaržaŭnaha vybryku viedać ŭsio pra ŭsich, bačyć krvnicu hrašej, z prezumpcyi vinavataści, jak maješ hrošy - musiš davieści, adkul ŭziaŭ