Aŭto44

Pišuć listy aŭtavytvorcam i ŭ litoŭskuju mytniu. Sotni biełarusaŭ čakajuć padsankcyjnyja aŭto z ZŠA

Užo dvaccać dzion, jak ź Jeŭrasajuza ŭ Biełaruś nie prapuskajuć aŭtamabili z abjomam ruchavika, bolšym za 1,9 litra, elektramabili i hibrydy, maładziejšyja za 5 hadoŭ. Ludzi, jakija raniej nabyli padsankcyjnyja aŭto ŭ ZŠA, pišuć listy nie tolki ŭ mytniu Litvy, ale i aŭtavytvorcam. Voś jakija adkazy jany atrymali. 

Ilustracyjny zdymak. Fota: «Naša Niva»

Chočaš zabrać aŭtamabil — zrabi niemahčymaje

Tyja, chto zamoviŭ aŭto ŭ Štatach i ciapier nie viedaje, jak pa novych praviłach jaho ŭvieźci, abo cikavicca takoj pakupkaj, abjadnoŭvajucca ŭ admysłovym čacie ŭ telehramie. U im užo bolš za 1100 udzielnikaŭ.

Biełarusam, jakija pisali listy ŭ litoŭskuju mytniu, adkazvali, što Litva nie zabaraniaje ekspart lehkavych aŭto ŭ Biełaruś, a tolki kantraluje, kab nie abychodzili sankcyi, i patrabuje pakazvać adpaviednyja dakumienty.

Niekatoryja dzialilisia adkazami, u jakich było napisana, što padača dekłaracyi vytvorcy nibyta nie źjaŭlajecca novym patrabavańniem, a prymianiajecca pry eksparcie tavaraŭ, jakija padpadajuć pad mižnarodnyja sankcyi ź lipienia 2023 hoda.

Z takich adkazaŭ vynikaje, što dla taho, kab zabrać aŭtamabil i pieravieźci jaho ŭ Biełaruś, treba prosta vykanać usie patrabavańni.

Dakumientam, u jaki ŭsio ŭpirajecca, źjaŭlajecca dekłaracyja ad vytvorcy transpartnaha srodku, jaki paćvierdzić, što jon nie suprać taho, što niekali vypuščany zavodam aŭtamabil ciapier nakiroŭvajecca ŭ Biełaruś.

Jak vyhladaje dekłaracyja ad vytvorcy?

Niekatoryja ŭdzielniki čata dzialilisia adkazami, dzie było paznačana, što heta za dakumient, jaki patrabujecca ad vytvorcaŭ dla paśpiachovaha ekspartu/tranzitu padsankcyjnaha ŭ Rasii aŭto ŭ Biełaruś.

Ilustracyjny zdymak. Fota: «Naša Niva»

«Dekłaracyja vytvorcy — heta dakumient u volnaj formie ad vytvorcy tavaru (nie aficyjnaha pradstaŭnika), jaki vyrabiŭ aŭtamabil, jakim paćviardžajecca, što jamu viadomy pradaviec tavaraŭ, vyrablenych im, i ich pakupnik u treciaj krainie, i zaklučanaja imi ździełka nie vyklikajuć u jaho sumnieńniaŭ u tym, što pry jaje vykanańni mohuć nie vykonvacca ŭmovy prymianieńnia mižnarodnych sankcyj»

— havorycca ŭ adkazach ad mytni Litvy, jakimi dzielacca karystalniki admysłovaha čatu.

Što adkazvajuć aŭtavytvorcy?

Niekatoryja ŭžo napisali listy aŭtavytvorcam i navat padzialilisia adkazami ź inšymi ŭdzielnikami čata.

Voś što adkazali ŭ BMW of North America, LLC čałavieku, jaki nabyŭ u ZŠA aŭtamabil BMW X3 sDrive30i 2020 hoda vypusku.

«Usie aŭtamabili hrupy BMW, vyrablenyja dla prodažu ŭ ZŠA, raspracavany i vyrableny ŭ adpaviednaści z patrabavańniami fiederalnych standartaŭ pa vykidach u ZŠA. Transpartnyja srodki, jakija adpaviadajuć śpiecyfikacyjam ZŠA, nie prajektujucca i nie testujucca na adpaviednaść patrabavańniam jeŭrapiejskaha zakanadaŭstva. Pa hetaj pryčynie my nie možam dać vam zapytanyja dakumienty na vaš aŭtamabil», — havorycca ŭ paviedamleńni.

Jašče adzin pakupnik aŭtamabila marki BMW padzialiŭsia nastupnym adkazam ad aŭtavytvorcy, jaki pryjšoŭ ź Miunchiena.

«Z 1 studzienia 2016 hoda BMW Group bolš nie publikuje dekłaracyi vytvorcy», — havaryłasia ŭ adkazie.

Taksama jamu paraili źviartacca naŭprost u mytnyja orhany, pakolki dekłaracyi vytvorcaŭ praviarajucca tolki imi. Sama dekłaracyi pastaŭščyka vydajecca na płatnaj asnovie. 

Z hetaha adkazu padobna, što słužbie padtrymki klijentaŭ BMW nie zusim zrazumieła, što ad ich prosiać. Ale ŭ lubym vypadku sproba atrymać ad aŭtavytvorcy zhodu na ekspart u Biełaruś aŭtamabila, jaki kancern niekali pradaŭ u inšaj krainie, nie ŭviančałasia pośpiecham.

Inšy pakupnik padsankcyjnaha aŭto padzialiŭsia adkazam ad Tesla, u jakim havaryłasia pra toje, što Tesla nie ŭchvalaje vyvad transpartnych srodkaŭ z rynku, dla jakoha jany byli stvoranyja.

Kamientary4

  • Aŭtavytvorcy
    25.06.2024
    Našaja mara - całkavitaje źniknieńnie druhasnaha rynku aŭtamabilaŭ. Kab ŭsie kuplali vyklučna novyja ŭ nas
  • Y
    25.06.2024
    Baryhiiii iditie rabotať na zavod
  • 007
    25.06.2024
    a čieho "hnili" nie chotiat pokupať?

Rabotnicy suda pahražaje da 12 hadoŭ za «zakliki da sankcyj i abrazu Łukašenki»3

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Usie naviny →
Usie naviny

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ3

Zamach na Donalda Trampa płanavaŭ Iran — CNN12

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami31

bolš čytanych navin
bolš łajkanych navin

Rabotnicy suda pahražaje da 12 hadoŭ za «zakliki da sankcyj i abrazu Łukašenki»3

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Hałoŭnaje
Usie naviny →