Hramadstva66

U Homieli zvolnili dvuch ankołahaŭ paśla sutak za ekstremizm. Adzin ź ich — kandydat navuk, vydatnik achovy zdaroŭja Biełarusi

Dvuch daktaroŭ-ankołahaŭ, muža i žonku Ivanovych, zvolnili ź dziaržaŭnych ustanoŭ u Homieli. Pra heta stała viadoma «Fłahštoku» ad adnaho z pacyjentaŭ. Pa jahonych źviestkach, zvalnieńni adbylisia paśla taho, jak miedykaŭ zatrymali ŭ traŭni 2024 hoda i asudzili na administracyjny aryšt za padpiski na resursy, abvieščanyja ekstremisckimi.

Siarhiej i Volha Ivanovy

Adzin sa zvolnienych daktaroŭ, Siarhiej Ivanoŭ — viadomy i pavažany śpiecyjalist u halinie puchlin hałavy i šyi, kandydat miedycynskich navuk, aŭtar šmatlikich navukovych publikacyj, vučebna-mietadyčnych dapamožnikaŭ, patentaŭ na vynachodstva, maje zvańnie «Vydatnik achovy zdaroŭja Biełarusi». 

Doktar z 36-hadovym stažam (razam ź pieryjadam vučoby) pracavaŭ u abłasnym ankałahičnym dyspansiery i na kafiedry ankałohii Homielskaha mieduniviersiteta, vioŭ pryjom u prafiesarskim kansultatyŭnym centry VNU. «Fłahštok» patelefanavaŭ tudy, kab spytać, ci možna zapisacca na pryjom da śpiecyjalista. 

«Jon bolš u nas nie pracuje, kala miesiaca dakładna nie viadzie pryjom. Pasprabujcie ŭ pryvatnych centrach daviedacca», — adkazaŭ rehistratar.

Skrynšot sajta prafiesarskaha kansultatyŭnaha centra

U adras doktara, jaki vioŭ pryjom taksama ŭ pryvatnych miedcentrach, na siervisie 103.by niadaŭna pakidali takija vodhuki:

«Chaču vykazać vialikuju padziaku doktaru za prafiesijanalizm, staŭleńnie da pacyjentaŭ, za jaho razumnuju hałavu i załatyja ruki!» 

«Vialiki dziakuj za prafiesijanalizm! Doktar kvalifikavany, piśmienny, ź vialikim dośviedam pracy, sapraŭdy dapamoh mnie i ŭsio vielmi padrabiazna rastłumačyŭ». 

Akramia taho, Ivanoŭ vykładaŭ va ŭniviersitecie dla zamiežnych studentaŭ — jon byŭ adnym ź niamnohich supracoŭnikaŭ VNU, chto moh čytać lekcyi na anhlijskaj movie. 

Jahonaja žonka, radyjacyjny ankołah vyšejšaj katehoryi Volha Ivanova, taksama była zvolnienaja. Jana była supracoŭnicaj radyjełahičnaha adździaleńnia Homielskaha abłasnoha ankadyspansiera. 

«Jana ŭžo tut nie pracuje, dva tydni jak», — adkazali ŭ adździaleńni, kudy patelefanavaŭ «Fłahštok» ad imia pacyjenta.

Kamientary6

  • Vydatnik achovy zdaroŭja
    24.06.2024
    Jak vam moj tytuł?
  • Vład
    24.06.2024
    Odnoho nie pojmu - kak eti "podpiski" obnaruživajut?
  • Rzeczpospolita
    24.06.2024
    Witajcie w Polsce!)

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

«Vostraŭ čyścini» kančatkova likvidujecca1

Byłuju žonku śpievaka Rusłana Muśvidasa taksama sudzili za pratesty

Palitviazień Dzianis Ivašyn prysłaŭ baćkam parady, jak pieražyć śpioku: Nijakich vychadaŭ u ciaplicu

50 dzieciam admovili. U biełaruskamoŭnaj himnazii Vilni zamała miescaŭ, baćki prosiać nabirać bolš kłasaŭ11

Iłan Mask zajaviŭ, što zhubiŭ syna z-za błakataraŭ pałavoha vyśpiavańnia24

U Franciška Skaryny ŭ Prazie skrali piaro — heta zdaryłasia nie ŭpieršyniu3

Zamiežniki pišuć u sacsietkach, što źbirajucca ŭ Biełaruś pa biaźvizie. A ich uprošvajuć pieradumać11

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →