Śviet44

Napady ŭ Dahiestanie: prynamsi 20 zahinułych, 5 napadnikaŭ zabityja

U respublicy byŭ uviedzieny režym kontrterarystyčnaj apieracyi, bai ŭ abodvuch haradach praciahvalisia da poźniaha viečara.

Šturm carkvy ŭ Machačkale, 23 červienia 2024 hoda. Skryn videa z sacsietak

Prynamsi 20 čałaviek, u tym liku 17 siłavikoŭ, zahinuli ŭ vyniku napadu na pravasłaŭnyja chramy, sinahohi i post DPS u dahiestanskich Derbiencie i Machačkale ŭ niadzielu, piša Bi-bi-si.

Kala 23:00 Nacyjanalny antyterarystyčny kamitet paviedamiŭ, što ŭ Derbiencie aktyŭnaja faza śpiecapieracyi zavieršana. Unačy ŭ NAK zajavili, što padčas apieracyi byli zabityja piaciora napadnikaŭ.

«U vyniku praviedzienaha ŭ Derbiencie bajavoha mierapryjemstva niejtralizavanyja dvoje bandytaŭ, u Machačkale — troje bandytaŭ», — havorycca ŭ paviedamleńni.

Raniej paviedamlałasia pra zabojstva šaściarych bajevikoŭ — čatyroch u Machačkale, a taksama dvuch u Derbiencie. Kiraŭnik Dahiestana Siarhiej Mielikaŭ taksama paćvierdziŭ źviestki ab šaści zabitych napadnikach.

Pry hetym dakładnaja kolkaść napadnikaŭ pa-raniejšamu nieviadomaja. U NAK paviedamili, što šukajuć pamahatych bajevikoŭ.

Paviedamleńni ab stralbie ŭ Derbiencie i Machačkale pačali źjaŭlacca bližej da viečara niadzieli.

U Derbiencie nieviadomyja napali na chram Pakrova Praśviatoj Baharodzicy na vulicy Lenina i sinahohu Kiele-Numaz na vulicy Tahi-Zade.

Napadniki abstralali carkvu i sinahohu z aŭtamataŭ, paviedamili ŭ MUS. U sinahozie ŭ vyniku napadu pačaŭsia pažar.

U Rasijskim habrejskim kanhresie ŭdakładnili, što napad na sinahohu ŭ Derbiencie byŭ ździejśnieny niezadoŭha da viačerniaj malitvy.

Adnačasova nieviadomyja adkryli stralbu ŭ Machačkale. Tam abstrełu padvierhnuŭsia post DPS na vulicy Jarmoškina, a taksama sinahoha, jakaja znachodzicca niepadalok.

Taksama adbyłasia pierastrełka pobač sa Śviata-Uśpienskim kafiedralnym saboram na vulicy Ardžanikidze.

Padčas napadu ŭ carkvie zabarykadavalisia 19 čałaviek — śviatary i prychadžanie. Paźniej ich vyvieli supracoŭniki MUS.

Paviedamlałasia taksama ab stralbie ŭ siale Sierhakała, jakoje raźmieščana za 65 km na poŭdzień ad Machačkały.

Tam nieviadomyja abstralali palicejskuju mašynu, u vyniku ranieńnia atrymaŭ adzin z supracoŭnikaŭ.

MUS Rasii pieršapačatkova paviedamili pra hibiel prynamsi šaści palicejskich.

Paźniej stała viadoma, što ŭ Derbiencie taksama atrymaŭ ciažkija ranieńni načalnik adździeła palicyi horada dahiestanskija ahni, jaki prybyŭ na dapamohu kaleham. Paśla jon pamior.

U vyniku napadu na carkvu ŭ Derbiencie byŭ zabity protaijerej Mikałaj Kacielnikaŭ i vartaŭnik carkvy.

Pavodle źviestak RPC, Kacielnikaŭ słužyŭ bolš za 40 hadoŭ. U HNK Dahiestana paviedamili, što śviataru pierarezali horła.

Ab asobach zabitych napadnikaŭ aficyjna nie paviedamlajecca. Pa danych krynic rasijskich ŚMI, troje z čaćviarych zabitych bajevikoŭ byli apaznanyja jak syny i plamieńnik kiraŭnika Sierhakalinskaha rajona Dahiestana.

Kiraŭnik Sierhakalinskaha rajona Mahamied Amaraŭ byŭ zatrymany i adpraŭleny na dopyt, paviedamiła RIA Naviny krynica ŭ siłavych strukturach.

«Mahamied Amaraŭ zatrymany i znachodzicca na dopycie, papiarednie, siarod bajevikoŭ, jakija ŭčynili terakty, byli jaho syny», — skazaŭ surazmoŭca ahienctva.

U noč na paniadziełak stała viadoma, što Amarava vyklučyli z «Adzinaj Rasii».

Kamientary4

  • Mda...
    24.06.2024
    Rielihii niesut dobro. Tolko nikak nie dohovoriatsia, kakaja žie iz nich boleje dobraja. Musulmanie očieriednoj raz priedjavili viesomyj arhumient v svoju polzu.
    A jeŝie čto-to vspomniłoś: "oni-to prosto sdochnut, a my srazu v raj".
    Prodołžajtie v tom žie duchie.
  • Vachabajt
    24.06.2024
    maskovija - kraina cudaŭ.
  • svabodu narodam
    24.06.2024
    Mda..., nie treba tut, biełaruskija tatary nikoha nie rezali i nie ŭzryvali, mirna ŭžylisia sa svaim isłamam. A maskavity raspłačvajucca za akupacyju.

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Usie naviny →
Usie naviny

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ4

Čamu ŭ haračyja dni časta balić hałava i jak ad taho ŭbierahčysia

U miastečku Haradok na Biełastoččynie siońnia pačaŭsia fiestyval Tutaka

Milicyja stralała ŭ dvary minskaha šmatpaviarchovika. Što zdaryłasia?

U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?2

«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča

bolš čytanych navin
bolš łajkanych navin

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Hałoŭnaje
Usie naviny →