Hramadstva22

Jakimi kvaterami i aŭto vałodaje biznesmien Alaksiej Aleksin, nabližany da Łukašenki

Biznesmiena Alaksieja Aleksina ličać hamancom Łukašenki. «Lusterka» z dapamohaj kamandy «Kibierpartyzany» pravieryła, jakaja majomaść ličyłasia za siamjoj Aleksina na siaredzinu 2021 hoda. 

Alaksiej Aleksin padčas pasiadžeńnia biełaruska-rasijskaha Dziełavoha savieta, Minsk, 18 studzienia 2019 hoda. Fota: TUT.BY

Siamji Aleksina naležać «Biełnaftahaz», «Enierha-Oił», jakaja pracuje ŭ hatelna-restarannym biznesie, aptovym i razdrobnym handli tytuniovych vyrabaŭ. U 2018 hodzie jaho kampanii «inter Tabaka» byŭ vydzieleny ŭčastak ziamli pad Minskam dla budaŭnictva tytuniovaj fabryki, dla hetaha Łukašenka asabista zahadaŭ pierasunuć miažu stalicy. Kampanii biznesmiena było pradastaŭlena manapolnaje prava na impart u Biełaruś tytuniovaj syraviny. Adzin z hučnych prajektaŭ biznesmiena — sietka «Tabakierka».

Aleksin źjaŭlajecca saŭładalnikam bujnoha łahistyčnaha apieratara Bremino Group, jaki patrapiŭ pad sankcyi.

Nieruchomaść siamji biznesmiena

Jak piša «Lusterka», Alaksiej Aleksin vałodaŭ i byŭ zarehistravany ŭ Minsku, u domie №43 pa vulicy Łyńkova, u kvatery płoščaj 67 m². Heta ničym nie charakternaja panelnaja dzieviacipaviarchoŭka, pabudavanaja ŭ 1978 hodzie. Sumnieŭna, što ŭ hetaj kvatery pražyvaje biznesmien, mabyć, tam jon prosta ličycca.

Niepadalok ad hetaha doma, na vulicy Masiukoŭščyna, 56B, raźmiaščajecca haraž ź jamaj i sklepam, jaho płošča — 23 m². Budynak taksama «visić» na Aleksinie. U hetych dvuch abjektaŭ jość jašče adzin saŭładalnik — 61-hadovaja Śviatłana Hierasim.

Na imia Aleksina taksama była zarehistravanaja kvatera ŭ Drazdach, na vulicy Pijanierskaj, 32. Žyllo zajmaje płošču 119 «kvadrataŭ». U hetym ža domie za biznesmienam ličycca «pamiaškańnie transpartnaha pryznačeńnia» № 3N. Mabyć, heta parkinh, ahulnaja jaho płošča amal 1300 «kvadrataŭ», akramia biznesmiena, adznačany jašče 13 uładalnikaŭ hetaha pamiaškańnia.

Dom 32 na vulicy Pijanierskaj u Minsku. Fota: Jandeks. Karty

Na praśpiekcie Pieramožcaŭ, 133, u Aleksina miełasia kvatera ŭ 173 «kvadraty», a taksama dva mašyna-miescy ŭ padziemnym parkinhu. Hety dom byŭ pabudavany ŭ 2015 hodzie, jon raźmieščany nasuprać vadaschovišča Drazdy. Ciapier tam pradajuć 15 kvater roznaj płoščy, ich košt u zaležnaści ad stanu varjirujecca ad 86 000 dalaraŭ (heta adnapakajoŭka płoščaj 39,4 m²) da 350 000 dalaraŭ (trochpakajovaja kvatera płoščaj 111,2 m²).

Dom № 133 na praśpiekcie Pieramožcaŭ u Minsku. Fota: Jandeks. Karty

Aleksin — uładalnik kvatery ŭ pryvatnym domie № 40 na vulicy Ratamskaj u Minsku — heta pobač z praśpiektam Pieramožcaŭ, terytoryja ŭčastka ŭščylnuju prymykaje da zakaźnika «Lebiadziny». Nieruchomaść zajmaje płošču ŭ 276 m², a ŭčastak pad im — 0, 0649 ha.

Vid na nievialikuju katedžnych zabudovu na vulicy Ratamskaj, dzie znachodzicca žyllo Aleksina. Fota: realt.by
A voś dom z kvateraj Aleksina na etapie budaŭnictva. Fota: ksexpert.by

Za ŭpłyvovym biznesmienam taksama ličyŭsia ŭčastak płoščaj 3,8006 ha ŭ ahraharadku Siomkava kala Minska, jaki raźmieščany na bierazie Minskaha mora. Jon pryznačany dla budaŭnictva siadziby «Radavoje hniazdo».

58-hadovaja rasijanka Ina Aleksina, žonka Alaksieja, taksama maje svaju nieruchomaść. Heta kvatera płoščaj u 123 m² u tym ža domie № 32 na vulicy Pijanierskaj u Minsku, dzie jość žyllo i ŭ jaje muža (nieruchomaść znachodzicca pobač).

Taksama za žančynaj ličyłasia kvatera va Uruččy, na vulicy Šuhajeva, 19 (tam ža byŭ prapisany małodšy syn Vital). Heta panelnaja dzieviacipaviarchoŭka, pabudavanaja ŭ 1987 hodzie.

Dzieci Aleksinych — 37-hadovy Dźmitryj i 26-hadovy Vital — vałodajuć adnakvaternym domam № 8 na vulicy Łuhavoj u ahraharadku Siomkava (tam ža, dzie baćka zadumaŭ pabudavać «Radavoje hniazdo»). Płošča žylla — 655 m².

Dom № 20 u zavułku Bałotnym, vioska Cnianka. Fota: Jandeks. Karty

Taksama Dźmitryju naležaŭ dom № 20 u zavułku Bałotnym u vioscy Cniancy, jaho płošča — 474 «kvadraty», a taksama mieŭsia ŭčastak 0,25 ha. Mužčyna byŭ uładalnikam administracyjnych i handlovych pamiaškańniaŭ u Hrodnie, na vulicy Lenina, 5.

A što pa transparcie?

Aleksin, zhodna z bazaj «Kibierpartyzanaŭ» źjaŭlajecca uładalnikam nastupnych aŭto: pazadarožnik Audi Q7 2019 h.v. (ciapier aŭto takoha hoda pradajuć ad 39 000 da 84 900 dalaraŭ), elektramabil Tesla Model X 2018 h.v. (košt na takuju madel dachodzić da 39 900 dalaraŭ). Taksama ŭ biznesmiena byli Miniven Mercedes-Benz V 250 2017 h.v., dva pazadarožniki Land Rover i Range Rover 2016 i 2017 h.v., pazadarožnik Cadillac Escalade 2002 h.v., matacykł Harley-Davidson 2015 h.v. Samy niezvyčajny i redki aŭtamabil — Ford Zimmer 1983 h.v.

Ford Zimmer 1983 h. v. Fota: classiccarsofsarasota.com

Starejšy syn biznesmiena, Dźmitryj Aleksin, mabyć, prychilnik brenda Mercedes-Benz. Jon byŭ paznačany jak uładalnik čatyroch madelaŭ hetaha aŭtabrenda: S 550 2011 h.v.i dvuch S 500 — 2016 i 2002 hadoŭ vypusku. Taksama ŭ jaho byŭ Mitsubishi Pajero 2002 h.v.

U małodšaha syna Aleha byŭ Mercedes AMG GT 43 2019 h.v. i Jeep Wrangler 2010 h.v.

Mabyć, u mužčyn ź siamji Aleksina jość ciaha da «pryhožych» numaroŭ z paŭtaralnymi ličbami, a taksama da nuloŭ i siamiorak: praktyčna na ŭsich ich aŭto byli rehistracyjnyja numary sa spałučeńniami hetych ličbaŭ. Naprykład, na transparcie Aleksina-starejšaha jany byli takija: 0007 CHN7, 0707 VA7, 0007 IT7, 0007 NN7, 0007 AI7 i inšyja anałahičnyja.

Kamientary2

  • Arlekino
    23.06.2024
    Bałdiejut, marodiery. A ryby mołčat.
  • Nie tak
    24.06.2024
    Arlekino, a ryby bałbočuć rasiejščynaj

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu9

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu

Usie naviny →
Usie naviny

Bajden vychodzić z prezidenckaj honki47

Fakielnaje šeście i bajkiery. Jak adśviatkavali ŭ Hudahai1

Łatuška: pryhavoranaha da rasstrełu Kryhiera mohuć abmianiać na supracoŭnika FSB Krasikava7

Prapahandysty pachvalilisia vandalizmam u Kurapatach FOTY21

MUS choča zabaranić «dubli», «cubli» i inšyja suvienirnyja hrošy

Na biełaruska-kitajskich vučeńniach pad Brestam adpracoŭvali zachop aeraporta11

Chusity abstralali izrailski kurort Ejłat 2

Stryžak pra Pratasieviča: Sa mnoj takoha adbycca nie mahło20

Bolš za sotniu viosak Homielščyny ŭsio jašče čakajuć adnaŭleńnia elektrazabieśpiačeńnia

bolš čytanych navin
bolš łajkanych navin

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu9

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu

Hałoŭnaje
Usie naviny →