Hramadstva99

Davydźka, Ananič, Pinievič. Dzie ciapier źbityja lotčyki łukašenkaŭskaj namienkłatury?

Jašče zusim niadaŭna jany zajmali kamandnyja vysoty ŭ sistemie, jak raptam trapili ŭ karjernyja jamy, ź jakich nijak nie mohuć vybracca.

Lilija Ananič

Lilija Ananič — niekali vidnaja asoba sistemy Łukašenki, adkaznaja za ideałahičny front, ministr infarmacyi z 2014 pa 2017 hod. Niekatoryja pradkazvali joj karjerny ŭzdym i navat pasadu vice-premjera.

Lilija Ananič. Fota: «Naša Niva»

Ale zakat ministarskaj karjery supaŭ z naboram vahi Natallaj Kačanavaj, jakaja, pa čutkach 2017 hoda, i prykłała ruku da vykidvańnia pa siońniašnich mierkach libierałki Ananič.

Užo tady zdavałasia, što heta kaniec — paśla jaje vyšyń Ananič prapanavali nizkastatusnuju pracu na fakultecie žurnalistyki BDU, ad jakoj jana admoviłasia. U vyniku zastałasia na małachlebnaj, pradstaŭničaj pasadzie načalnicy Biełaruskaha sajuza vydaŭcoŭ i raspaŭsiudžvalnikaŭ druku.

Ale ŭ 2019-m pra jaje ŭspomnili i znajšli prymianieńnie, adpraviŭšy ŭ Pałatu pradstaŭnikoŭ. Tam Ananič sa skury lezła, demanstrujučy svaju łajalnaść. Uznosiła mieniedžarski talent Łukašenki, nachvalvała madel i pahadžałasia z represijami. 

Ale heta nie dapamahło. U novy skład parłamienta Ananič nie paklikali.

Baromietr čynoŭnickaj važnaści — BiełTA — apošni raz cytavaŭ Ananič jašče ŭ 2023. A ŭ sakaviku 2024 Ananič atrymała apošni znak uvahi ad dziaržavy — miedal «Za biezdakornuju słužbu» III stupieni z ruk Łukašenki. Bolš BiełTA Liliju Ananič nie zhadvała. 

Prahladzieŭšy sacyjalnyja sietki byłoj ministarki, možna zrabić vysnovu, što Ananič pieratvaryłasia ŭ viasielnaha hienierała dla masoŭki na treciaradnych padziejach.

Jaje zaprašajuć hościem tudy, kudy salidnyja pradstaŭniki dziaržavy nie chodziać: na pryjom mufcija z nahody Kurban-Bajram, pasiedžańni «rady maralnaści» i tamu padobnaje. 

Pamiž spravazdačami Ananič uspaminaje minułaje i repościć padziei minułych dzion, kali była zapatrabavanaja ŭ kołach vyšejšaj namienkłatury. 

Dźmitryj Pinievič

U Pinieviču, jaki z 2020 pa 2024 byŭ ministram achovy zdaroŭja, biurakrata-karjerysta bolš, čym doktara.

Jon pracavaŭ u Dziaržkantroli, uznačalvaŭ kamitet pa achovie zdaroŭja Minharvykankama, dublavaŭ ministraŭ Vasila Žarko i Uładzimira Karanika.

Dźmitryj Pinievič. Fota: Tut.by

Być pryznačanym ministram u kancy 2020-ha — aznačaje prajści strohi kadravy adbor. I Pinievič prajšoŭ jaho: praciahnuŭ liniju Karanika na zamoŭčvańnie niebiaśpieki karanavirusa, spryčyniŭsia da tysiač nieabaviazkovych śmierciaŭ, prykłaŭ ruku da palityčnych čystak. Dziejničaŭ roŭna tak, jak patrabavała ŭłada. 

Zvalniajučy Pinieviča, Łukašenka kazaŭ, što «choča, kab ludzi viedali, što havorka nie ab niejkim vyzvaleńni Pinieviča ad pasady. Prosta ja jaho baču na inšaj pasadzie. Jon budzie pracavać na inšaj pasadzie».

Ale z tych časoŭ były ministr nidzie na značnaj dziaržaŭnaj rabocie tak i nie ŭspłyŭ, što ŭžo vyhladaje jak plama na prafiesijnaj bijahrafii — na piensiju 56-hadovamu Pinieviču jašče rana. 

Hienadź Davydźka 

Davydźka — važnaja postać u sistemie Łukašenki. Zvonku časta kamičny i niepaśladoŭny, hety akcior razmoŭnaha žanru zrabiŭ dobruju karjeru, nie daŭšy nahody ŭ sabie sumniavacca: načalnik BT, kiraŭnik «Biełaj Rusi», sienatar. 

Hienadź Davydźka. Fota: «Naša Niva»

Davydźka pa-roznamu vykazvaŭ svaje hłybokija pačućci da ŭłady, navat hulaŭsia z ryfmami ŭ aŭtabijahrafičnych vieršach.

Čytajcie taksama: «Čiełoviek — pi…iec prirody»: vyjšła kniha prozy i paezii staršyni BTRK Hienadzia Davydźki

Ale paśla skančeńnia deputackaj kadencyi Davydźka źnik. Jaho možna było b čakać na kanale ANT, ale toj addali nie jamu, a Iharu Łuckamu.

BiełTA apošni raz uspaminała pra Davydźku ažno ŭ kastryčniku 2023-ha. 

Tam ža možna ŭbačyć namiok na mahčymuju dalejšuju karjeru Davydźki, jakuju jon prakładvaŭ sabie ź sienatarskaha kresła: «Sajuznyja parłamientaryi ŭkazali na nieabchodnaść paskoryć vykanańnie daručeńnia Łukašenki ab miedyjachołdynhu sajuznaj dziaržavy», — pieradapošniaje paviedamleńnie sa zhadkaj Davydźki. 

Jasna, kudy celiŭ Davydźka — zaniać pasadu ŭ novaj, vialikaj prapahandysckaj siniekury. Tam ža mahła b, darečy, atabarycca i Ananič — heta była b łahičnaja trajektoryja praciahu karjer abaich źbitych miedyjalotčykaŭ.

Ale pa niejkich pryčynach hetaha dahetul nie adbyłosia. Mahčyma, nie apošniuju rolu tut hraje mierkavańnie sakratara hetak zvanaj «sajuznaj dziaržavy» Dźmitryja Mieziencava, jaki adnačasova moža mieć svaich favarytaŭ na chlebnaje miesca ŭ Rasii.

Kamientary9

  • SHOS
    24.06.2024
    [Red. vydalena]
  • Paŭluk
    24.06.2024
    Ananič - sapraŭdny seks-simvał łukašyzmu. Nie chudyja biespryncypovyja i biassoramnyja dziaŭčynki-karjerystki z eskortu łukašenki, a mienavita jana. Jaje adbudavany bahatavuhlavodnaj dyjetaj mahutny korpus, tradycyjna zapakavany ŭ sukienku-bałachon - uvasableńnie bieznadziejnaj i biezhustoŭnaj zakamianiełaści saŭka, hałoŭnaja meta jakoha - brutalnaje ściśnieńnie lubych parastkoŭ ŭsiaho volnaha i prahresiŭnaha, čym jana doŭhija hady aktyŭna zajmałasia na pasadzie hałoŭnaha cenzara krainy.
    Padajecca, što pieršaje, što zrobiać ułady Novaj Biełarusi - heta mocna parežuć piensii ŭsim padobnym słužkam režymu da ŭzroŭniu, jaki tyja sapraŭdy zasłužyli. A astatniaje zrobiać hramadzianskija pazovy ad dziejačoŭ kultury Biełarusi, jakim Ananič i joj padobnyja naŭmysna zabaraniali pracavać.
  • Andruś
    24.06.2024
    Jany zvyčajnyja chałopy - prykarytniki, jakich ad karyta Łukašenka adciahnuŭ

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

Biez elektryčnaści zastajecca 851 nasieleny punkt Homielskaj vobłaści. U Mazyry niama śviatła, vady, nie pracujuć pradpryjemstvy

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy20

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel3

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask32

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →