Zdaroŭje

Jakija zachvorvańni čaściej pieranosili klaščy ŭ Minsku

Statystyku pryvioŭ Minski haradski centr hihijeny i epidemijałohii. Śpiecyjalisty nahadvajuć, što rabić u pieršyja 72 hadziny paśla ŭkusu.

Za pieršyja piać miesiacaŭ 2024 hoda va ŭstanovy achovy zdaroŭja paśla ŭkusu klaščoŭ źviartałasia prykładna stolki ž ludziej, kolki i ŭ anałahičny pieryjad minułaha hoda. Čaściej klaščy kusali ŭ sielskaj miascovaści, na zaharadnych dačnych učastkach i ŭ lasach, pišuć «Minsk-Naviny».

Iksodavyja klaščy vilhacielubivyja, nasialajuć učastki z dobra raźvitym raślinnym pokryvam. Addajuć pieravahu umierana zacienienym terytoryjam z hustoj travoj i čaściej sustrakajucca na lasnych darožkach i ściežkach, parosłych pa abočynach travoj. Aktyŭnyja z sakavika pa listapad.

Jany pieranosčyki infiekcyjnych zachvorvańniaŭ, čaściej za ŭsio chvaroby Łajma, radziej — encefalitu. Jak pakazali łabaratornyja daśledavańni iksodavych klaščoŭ, praviedzienyja ŭ Minskim haradskim centry hihijeny i epidemijałohii za piać miesiacaŭ, infikavanaść klaščoŭ uzbudžalnikam chvaroby Łajma skłała 18,7%, anapłazmozam — 5,3%, erlichijami — 1,9%. Inficyravanaść virusam kleščavoha encefalitu nie vyjaŭlena.

Prafiłaktyka

U lesie treba maksimalna prykryvać cieła: apranać śvietłuju adnatonnuju vopratku (na joj lepš vidać nasiakomych) z doŭhimi rukavami, manžetami i kapiušonam, a štany zapraŭlać u škarpetki, nie zabyvać ab hałaŭnym ubory.

Na pryrodzie ruchacca lepš pa šyrokaj darozie, staracca nie zakranać pa abočynach travu i chmyźniaki. Rajać taksama ŭžyvać repielentnyja abo akarycydna-repielentnyja srodki ad klaščoŭ.

Akramia taho, treba ahladać vopratku i skurnyja pakrovy na najaŭnaść klaščoŭ kožnyja paŭtary-dźvie hadziny znachodžańnia ŭ lesie i paśla viartańnia. Pravieryć treba i chatnich hadavancaŭ, a taksama hryby, kvietki i ŭsio, što było pryvieziena ź lesu.

Dziejańni pry ŭkusie

Pierš za ŭsio treba vydalić klašča. Zrabić heta možna samastojna z dapamohaj śpiecyjalnych pryład (pradajucca ŭ aptekach), nicianoj piatli abo vuzkaha pinceta albo źviarnuŭšysia da śpiecyjalistaŭ ustanovy achovy zdaroŭja (infiekcyjanista, terapieŭta, piedyjatra, chirurha). Važna apracavać ranu śpirtavym rastvoram, jodam.

Dalej dla prafiłaktyki raźvićcia zachvorvańnia nieabchodna pryniać pryznačanyja lekaram preparaty. Śpiecyjalisty źviarnuli ŭvahu na toje, što maksimalny efiekt dasiahajecca ŭ pieršyja 72 hadziny z momantu, jak prysmaktaŭsia klešč.

Adznačana, što pry adsutnaści supraćpakazańniaŭ da pryjomu antybijotykaŭ dla darosłych prymianiajecca skaročanaja (adnadzionnaja) schiema prafiłaktyčnaha lačeńnia bakteryjalnych kleščavych infiekcyj, a dla dziaciej małodšaj 8 hadoŭ — standartnaja.

Kali jość supraćpakazańni da pryjomu lekaŭ, pryjdziecca łabaratorna daśledavać klašča (z nakiravańniem). U astatnich vypadkach pravieryć klašča možna płatna pa žadańni.

Simptomy, jakija pavinny naściarožyć

Kliničnyja prykmiety zachvorvańnia — pavyšeńnie tempieratury cieła, hałaŭnyja boli, pačyrvanieńnie skury, mihrujučyja boli ŭ bujnych sustavach i inš. Pry ich źjaŭleńni na praciahu miesiaca i bolš (da paŭhoda) paśla ŭkusu klašča varta źviarnucca da doktara-infiekcyjanista (terapieŭta, piedyjatra).

Klašča na skury časam možna nie zaŭvažyć. Tamu iści da doktara pry najaŭnaści simptomaŭ treba i tym, chto nie bačyŭ u siabie ukusaŭ, ale naviedvaŭ dačnyja ŭčastki, lesaparkavyja zony i lasnyja masivy, vyhulvaŭ chatnich žyvioł.

Kamientary

Masavyja čystki na biełaruskich abarončych pradpryjemstvach

Masavyja čystki na biełaruskich abarončych pradpryjemstvach

Usie naviny →
Usie naviny

U Dobrušskim rajonie aśviacili chleŭ z karovami FOTAFAKT7

Biełarus nakarmiŭ vuža rybaj i źniaŭ praces na VIDEA1

U Lachavickim rajonie mužčyna chacieŭ spalić susiedski chleŭ, dy pamyliŭsia budynkam1

U Italii zatrymali biełarusa, abjaŭlenaha ŭ vyšuk na radzimie3

U Biełarusi buduć budavać mienš novych daroh1

Šolc admoviŭsia kamientavać mahčymaść abmienu Ryka Kryhiera na Vadzima Krasikava7

U Turcyi zatrymali rasijanina, padazravanaha ŭ padryvie aŭtamabila aficera HRU ŭ Maskvie

Pamiatajecie biełarusa, jaki padčas ekstradycyi pierakryŭ most na miažy? Jaho ŭsio ž pasadzili na sutki7

U Pinsku prajšła mocnaja zaleva, zatapiła vulicy VIDEA

bolš čytanych navin
bolš łajkanych navin

Masavyja čystki na biełaruskich abarončych pradpryjemstvach

Masavyja čystki na biełaruskich abarončych pradpryjemstvach

Hałoŭnaje
Usie naviny →