Ekanomika44

Kitaj zaciahvaje pastaŭki novych ciahnikoŭ u Biełaruś, bo baicca trapić pad sankcyi

Praktyčna ŭsio vysokatechnałahičnaje abstalavańnie hetych elektravozaŭ vyrablajecca ŭ Jeŭropie ci ZŠA. 

Elektravoz sieryi BKH2. Fota: «Supolnaść čyhunačnikaŭ Biełarusi».

Detali apisvaje «Supolnaść čyhunačnikaŭ Biełarusi».

Biełaruskaja čyhunka musiła atrymać 15 novych hruzavych elektravozaŭ BKH2 u kancy 2023 hoda. Taki kantrakt jana zaklučyła z Kitajskaj kampanijaj pa eksparcie i imparcie elektraabstalavańnia i CRRC Datunskaj elektravozabudaŭničaj kampanijaj.

Ale pastaŭka adkłałasia. Novy termin — 2025-2026 hady. Košt novaha kantraktu ŭžo składaje 57,7 młn dalaraŭ.

Kitajskija partniory aścierahajucca nastupstvaŭ za parušeńnie nakładzienych na biełaruski režym sankcyj — u vytvorčaści elektravozaŭ vykarystoŭvajucca jeŭrapiejskija i amierykanskija kamplektujučyja. Praktyčna ŭsio vysokatechnałahičnaje abstalavańnie — impartnaje. 

Da takoha abstalavańnia adnosiacca siłavyja transfarmatary, ciahavyja elektraruchaviki i pieraŭtvaralniki, a taksama amal usie sistemy kiravańnia, dyjahnostyki i manitorynhu. Prymianiajucca pry vyrabie elektravozaŭ raspracoŭki viadučych u śviecie kampanij transpartnaha mašynabudavańnia: «Alstom» (Francyja), «Bombardier» (Kanada), «AVV» (Šviecyja), «Knorr-Bremse» (Hiermanija).

Kitaj šukaje varyjanty vyjścia.

Adnym ź ich Ministerstva kamiercyi Kitaja bačyć arhanizavać vytvorčaść elektravozaŭ sieryi BKH2 dla BČ biez vykarystańnia padsankcyjnaha abstalavańnia, zapčastak i kamplektujučych. Ale, z ulikam doli ich prymianieńnia ŭ kančatkovym pradukcie, realizavać takoje faktyčna nie realna. Heta pryznaje i sam vytvorca, nie bieručysia dakładna acanić pierśpiektyvu i terminy realizacyi takoj idei, akuratna zajaŭlajučy, što heta moža raściahnucca na doŭhija hady biez harantyi pośpiechu.

Druhi varyjant, bolš realny — pačać «vydalać ślady» vykarystańnia ŭsiaho, što moža adnosicca da jeŭrapiejskich i amierykanskich kampanij, jakija nie vitajuć adkryty prodaž svajoj pradukcyi padsankcyjnym krainam i arhanizacyjam.

Hetyja pytańni razhladalisia i ŭ čas rabočaj sustrečy pradstaŭnikoŭ Biełarusbanka i Eksimbanka 24 krasavika 2024 u Piekinie ŭ chodzie abmierkavańnia lhotnaha kredytavańnia prajekta zakupki 15 elektravozaŭ dla BČ. U vyniku Minkamiercyi Kitaja prainfarmavała ab hatoŭnaści šukać sposaby paźbiahać sankcyjnych ryzyk, a taksama ab mahčymych dziejańniach pa vyrašeńni hetaj prablemy. Adnak dla hetaha kitajski bok patrabuje padpisać adpaviedny doŭhaterminovy miemarandum pamiž BČ i CRRC, zabiaśpiečvajučy takim čynam sabie abaronu finansavych vydatkaŭ na raźviazańnie zadač abychodu sankcyj.

Kamientary4

  • * * * * * *
    23.06.2024
    Praktyčna ŭsio vysokatechnałahičnaje abstalavańnie — impartnaje.Da takoha abstalavańnia adnosiacca siłavyja transfarmatary, ciahavyja elektraruchaviki i pieraŭtvaralniki, a taksama amal usie sistemy kiravańnia, dyjahnostyki i manitorynhu.
    Jeśli vsie pieriečiślennoje śniať, v ostavšujusia kołymahu možno zapriač tabun koniej ili jabatiek. Etoho dołžno chvatiť čtoby voziť navoz na arbuznoje pole. A jeśli obšiť fanieroj, vyjdiet chorošij broniepojezd dla ..... Anhłosaksy, vaša karta bita, obojdiemsia my biez vašich tiechnołohijev!
  • Žora
    23.06.2024
    Značyć, praz znošanaść abstalavańnia nieŭzabavie nas čakajuć technałahičnyja katastrofy na čyhuncy. Napeŭna, ź ludskimi achviarami. Što tady skažuć tyja, chto ŭvieś čas zaklikaŭ i zaklikaje dahetul "uraŭniać sankcyi"?
  • Chachacha
    24.06.2024
    “ Kitajskija partniory aścierahajucca nastupstvaŭ za parušeńnie nakładzienych na biełaruski režym sankcyj — u vytvorčaści elektravozaŭ vykarystoŭvajucca jeŭrapiejskija i amierykanskija kamplektujučyja”. — Tut ža niadaŭna byŭ artykuł pra “dasahhieńni i suśvietny ŭzrovień kitajčkaj navuki”.

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom3

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom

Usie naviny →
Usie naviny

Łukašenka prapanavaŭ adsiakać ruki tym, chto kradzie ŭ sielskaj haspadarcy6

Akademija navuk raspracavała instrukcyju pa źniščeńni «ekstremisckich» knih u biblijatekach11

«Zasnuli na Kalinoŭskaha, pračnulisia na Mašerava». U Kobrynie za noč prybrali pakazalniki z proźviščam Kalinoŭski VIDEA2

Hramadzianina Hiermanii prysudzili ŭ Biełarusi da rasstrełu15

Źnikłaha ŭ Polščy biełarusa znajšli ŭ Varšavie źbitym i biez dakumientaŭ10

«Vada pranikła ŭnutr, zapoŭniła sałon mnie pa pojas, ruki treślisia». Chto taja dziaŭčyna z zapaminalnaha fota minskaha patopu3

U Biełarusi pačałasia pieradvybarčaja ahitacyja za Łukašenku FOTAFAKT32

Suśvietnyja ceny na kavu bjuć rekordy. Košt vašaha łate pad pahrozaj5

Vatykan pryznačyŭ lidskaha ksiandza Andreja Znoska biskupam. Roŭna hod tamu jaho zatrymlivali siłaviki

bolš čytanych navin
bolš łajkanych navin

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom3

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom

Hałoŭnaje
Usie naviny →