Za paŭhoda milicyjaniery «nakryli» 120 fłetaŭ, razahnaŭšy 400 padletkaŭ
Hetaja statystyka chvaluje Ministerstva adukacyi.
«Biełpoł» pieradaŭ «Našaj Nivie» śviežy ŭnutrany dakumient Minadukacyi, jaki ilustruje zvyčajna schavanuju ad vačej darosłych źjavu, na jakuju ŭ tym liku kinuty siły milicyi, — fłety.
«U biahučym hodzie supracoŭnikami inśpiekcyii pa spravach niepaŭnaletnich užo vyjaŭlena bolš za 120 pjanych viečarynak. U ich prymali ŭdzieł bolš za 400 dziaciej, jakich pieradali baćkam. Da administracyjnaj adkaznaści za raśpićcio z padletkami ałkaholu pryciahnuty 180 darosłych», — havorycca ŭ dakumiencie.
Pryvodziacca niekatoryja danyja ab tym, jak za raz «nakryvali» viečarynki ź dziasiatkami vučniaŭ škoł i kaledžaŭ, a ŭ niekatorych vypadkach znachodzili narkotyki.
U vyniku, dziaržava pierakładvaje abaviazak pa prafiłaktycy pavodzin školnikaŭ na ŭstanovy adukacyi, nastaŭnikaŭ. Im prapanujuć upłyvać na dziaciej i nie dapuskać takich aktyŭnaściaŭ.
U toj ža čas, nastaŭniki kažuć «Našaj Nivie», što, vykarystoŭvajučy tolki instrumient pierakanańniaŭ, niemahčyma dabicca vyniku, tamu što dastupnaść ałkaholu i narkotykaŭ razam z adsutnaściu prastory dla realnaj moładzievaj aktyŭnaści i samarealizacyi robiać zadaču nievykanalnaj, a zabavy moładzi — pradkazalnymi.
Dziaržava manapalizavała śfieru moładzievych arhanizacyj, vyniščyŭšy pryvatnyja ruchi, a svaje ŭłasnyja zrabiŭšy naftalinavymi i niepryvabnymi. Samaja vialikaja moładzievaja arhanizacyja BRSM z tysiačami «miortvych duš» maje asnoŭnaj zadačaj rabić vyhlad masavaj padtrymki Łukašenki moładździu.
Minčuki rasčaravanyja salutam na Dzień horada — šmat kamientaroŭ2
Kamientary