Śviet44

Kolkaść zahinułych padčas chadžu pałomnikaŭ užo pieravysiła 1000 čałaviek

Sioletniaje pałomnictva musulman u Mieku ŭžo nazyvajuć adnym z samych śmiarotnych u historyi.

Musulmanskija pałomniki siadziać pad piaklivym soncam padčas chadžu ŭ Miecy. Fota: Rafiq Maqbool / AP

Jak paviedamlaje ahienctva Associated Press sa spasyłkaj na jehipieckich čynoŭnikaŭ, užo bolš za 1000 pałomnikaŭ zahinuli padčas chadžu ŭ Miecy z-za niečuvanaj śpioki. Jašče niekalki dzion tamu kolkaść zahinułych była na pałovu mienš.

Pavodle dvuch čynoŭnikaŭ u Kairy, jakija padzialilisia danymi na ŭmovach ananimnaści, bolšaść zahinułych pałomnikaŭ — heta jehipcianie, i pry hetym značnaja častka ź ich pajechała na chadž u Saudaŭskuju Araviju nielehalna praz šerah turystyčnych ahienctvaŭ.

Urad Jehipta ŭžo adklikaŭ licenzii 16 takich ahienctvaŭ, ale aficyjna nie pryznaje fakt vysokaj śmiarotnaści pałomnikaŭ. Takuju ž maŭklivuju pazicyju pa achviarach tradycyjna zajmaje i ŭrad Saudaŭskaj Aravii, kudy masava jeduć pałomniki, adznačaje Associated Press.

«Pa našaj infarmacyi, jakaja nie afišujecca publična, prynamsi 630 jehipcian zahinuli padčas sioletniaha chadžu i bolšaść ź ich užo pachavanyja ŭ Saudaŭskaj Aravii, jakaja, darečy, taksama zmahajecca ź nielehalnym prytokam pałomnikaŭ, vysyłajučy ich z krainy dziasiatkami tysiač», — zajaviŭ adzin ź jehipieckich dypłamataŭ na ŭmovach ananimnaści.

Usiaho, pa źviestkach Associated Press, u lik zahinułych taksama ŭvajšli 165 pałomnikaŭ ź Indanezii, 98 ź Indyi i jašče dziasiatki ź Iardanii, Tunisa, Maroka, Ałžyra i Małajzii. Taksama jość infarmacyja pra dvuch zahinułych pałomnikaŭ z ZŠA.

Ahienctva padkreślivaje, što pa kolkaści achviar sioletni chadž źjaŭlajecca adnym z samych śmiarotnych u historyi. Tak, u 2015 hodzie padčas chadžu ad śpioki i ciskaniny zahinuła bolš za 2400 pałomnikaŭ, a ŭ 1990 pa tym ža pryčynam zahinuli 1426 čałaviek. Aficyjna takija masavyja achviary ŭ Saudaŭskaj Aravii nikoli nie pryznavalisia.

***

Chadž — heta šaścidzionnaje pałomnictva ŭ Mieku i adzin ź piaci słupoŭ isłamu, i ŭsie musulmanie, u jakich jość srodki, pavodle dohmaŭ isłamu, pavinny ździejśnić jaho choć by adzin raz na žyćcio. Na pałomnictva štohod adpraŭlajucca bolš za 2 miljony čałaviek.

Zhodna z apublikavanym u minułym miesiacy daśledavańniem Saudaŭskaj Aravii, na praviadzieńnie chadžu ŭsio bolš upłyvaje źmianieńnie klimatu, u jakim havorycca, što tempieratura ŭ rajonie praviadzieńnia rytuałaŭ pavyšajecca na 0,4 hradusa pa Celsii kožnaje dziesiacihodździe.

Pa danych saudaŭskaha Nacyjanalnaha mietearałahičnaha centra, u pieryjad chadžu ŭ Miecy ŭ hetym hodzie štodzionnyja vysokija tempieratury varjiravalisia ad 46 da 49 hradusaŭ pa Celsii. U takich umovach mnostva pałomnikaŭ, asabliva nielehalnych, stračvajuć prytomnaść ź ciažkimi ciepłavymi ŭdarami i prystupami vanitaŭ, bo nie ŭ mnohich pryjezdžych jość mahčymaść chavacca ad piakielnaj śpioki ŭ hatelach.

Kamientary4

  • Vital
    23.06.2024
    Mahčya, Haspodź pakazvaje im, što ich viera - abłuda
  • Džyp
    23.06.2024
    Za ich pieražyvać nie treba. Dla ich tamaka pamierci - heta vielmi kłasna. Ja razmaŭlaŭ z muślimami, jany navat žadajuć hetaha.
  • Aleś Niazhoda
    23.06.2024
    Vital, jak i kožnaja inšaja

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»2

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»

Usie naviny →
Usie naviny

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ4

Čamu ŭ haračyja dni časta balić hałava i jak ad taho ŭbierahčysia

U miastečku Haradok na Biełastoččynie siońnia pačaŭsia fiestyval Tutaka

Milicyja stralała ŭ dvary minskaha šmatpaviarchovika. Što zdaryłasia?

U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?2

«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča

U jakich rajonach Biełarusi najnižejšyja zarobki?

Urahan udaryŭ pa vystavie MUS u centry Viciebska — viecier raskidaŭ namioty VIDEA4

«Kalektyŭny Zachad ciapier krepaść». Hihin davodzić, što «hłabalnaja bolšaść» adpraviła Zachad u izalacyju10

bolš čytanych navin
bolš łajkanych navin

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»2

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»

Hałoŭnaje
Usie naviny →