Ministerstva adukacyi admoviła Taćcianie Šapućcy ŭ adnaŭleńni na vučobie, paviedamlaje pres‑słužba zarehistravanaj u Čechii arhanizacyi «Małady front».
Nahadajem, što dziaŭčyna była adličana z 2 kursa śpiecyjalnaści «palitałohija» jurydyčnaha fakulteta BDU paśla ŭdziełu, u składzie biełaruskaj delehacyi, u forumie Hramadzianskaj supolnaści «Uschodniaha Partniorstva», jaki prajšoŭ u Bruseli (Bielhija).
U admoŭnym adkazie za podpisam pieršaha namieśnika ministra A.I.Žuka paviedamlajecca, što «ŭsie dziejańni ździejśnienyja ŭ adpaviednaści z patrabavańniami zakanadaŭstva.
Pravavych padstaŭ dla admieny zahadu ab adličeńni nie majecca».
Dziaŭčyna ličyć, što Ministerstva adukacyi nie adreahavała na nivodny dovad, pryviedzieny ŭ jaje skarzie.
«Byli praihnaravanyja takija rečy, jak toje, što mierkavańnie fakulteta pry vyznačeńni dyscyplinarnaha spahnańnia pavinna być pryjarytetnym — u maim vypadku fakultet prasiŭ pra vymovu. Akramia taho, adkaz ministerstva nie tłumačyć, čamu ŭ maim vypadku była abrana samaja žorstkaja forma spahnańnia, jakaja absalutna nie adpaviadaje h.zv. pravaparušeńniu. List naŭprost źmiaščaje historyju majho zaličeńnia j adličeńnia z BDU, a taksama praceduru ŭžytku dyscyplinarnaha spahnańnia.
Z hledzišča źmiestu jon absalutna pusty, heta možna nazvać adpiskaju», — kaža Taćciana Šapućka.
Jana maje miesiac, kab abskardzić rašeńnie Ministerstva adukacyi ŭ sudzie. «Adnak, u stanoŭčaje vyrašeńnie majho pytanianie vieryć užo nie davodzicca», — miarkuje Taćciana.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary