Sport1515

Litoŭski barec vyjhraŭ boj na hulniach BRIKS, navat nie ŭdzielničajučy ŭ spabornictvach. Cudy na rasijskich hulniach

Na hulniach BRIKS u piatnicu prajšoŭ niezvyčajny boj u dyscyplinie «koreš» (baraćba na pajasach) — na jaho nie pryjšoŭ ni adzin sa spartsmienaŭ. Ale pieramohu atrymaŭ litoviec Andrus Mažejka, piša «Ahientstvo».

 Sudździa nie dačakaŭsia barcoŭ, ale pieramohu prysudziŭ litoŭcu

Jak pakazana na sajcie hulniaŭ BRIKS, Mažejka byŭ adzinym spartsmienam ź Litvy, vystupaŭ jon u vahavoj katehoryi da 85 kh. Pieršy boj na stadyi 1/4 finału jon prajhraŭ barcu z Kazachstana Adyletu Žanbyršy, pakolki nie zjaviŭsia na spabornictva, u vyniku čaho vylecieŭ u suciašalnuju sietku turniru. Zrešty, na videa boju Mažejki taksama niama. 

U suciašalnym pajadynku litoŭcu dastaŭsia rumyn Ściapan Karasieni, jaki taksama nie zjaviŭsia na spabornictvach. 

Sudździ prysudzili pieramohu Mažejku, dziakujučy čamu jon vyjšaŭ u finał, dzie zmahaŭsia za 3-5-je miescy. 

Tut litoviec prajhraŭ pradstaŭniku Kyrhyzstana Anvaru Muratbieku Uułu ź likam 0:5. «Ahienctvu» nie ŭdałosia znajści videa hetaha pajadynku, kab zrazumieć, ci byŭ na im Mažejka. 

Andrus Mažejka (Andrius Mažeika) — realny barec ź Litvy. Litoŭskaje vydańnie LRT sprabavała źviazacca ź im, kab daviedacca, ci ŭdzielničaŭ jon u hulniach BRIKS, adnak datelefanavacca nie zmahło. 

U fiederacyi baraćby Litvy vydańniu paviedamili, što nichto nie delehavaŭ spartsmiena na spabornictvy ŭ Rasiju. Bolš za toje, prezident Fiederacyi Hiedrus Dambraŭskas zajaviŭ, što apošni raz bačyŭ spartsmiena bolš za dva hady tamu i što toj z pačatku 2021 hoda nie zajmajecca sportam prafiesijna. 

Trenier spartoŭca ŭ Litvie Siarhiej Kasymaŭ taksama paviedamiŭ LRT, što Mažejka ŭžo try hady nie trenirujecca praz traŭmu śpiny i nie moh pajechać u Rasieju. 

«Moža być, jany falsifikujuć hetyja pratakoły, kab pakazać, što ŭ ich udzielničaje bolš krain. Na 99,9% upeŭnieny, što jon tudy nie chadziŭ, patelefanuju sam i daviedajusia, ci byŭ jon tam», — skazaŭ Kasymaŭ. 

U hutarcy z «Ahienctvam» Kasymaŭ skazaŭ, što pakul nie razabraŭsia ŭ situacyi. 

Hulni BRIKS pravodziacca ŭ Kazani. Prapahanda padaje ich jak alternatyvu Alimpijadzie ŭ Paryžy, dzie rasiejskija spartoŭcy vystupiać u abmiežavanaj kolkaści. 

Padčas adkryćcia hulniaŭ BRIKS było zajaŭlena, što ŭ ich voźmuć udzieł bolš za 90 krain. Adnak na sajcie hulniaŭ u 22 ź ich u hrafie ŭdzielniki nie paznačany nichto.

Kamientary15

  • Tam zmahar, tut zmahar...
    23.06.2024
    Redakcyja: Dziakuj za zaŭvahu
  • Janka
    23.06.2024
    Pravdorub , tak, nadyjšoŭ čas pravieści pieršuju miežhałaktyčnuju spartakijady. Pad ehidaj Kramla, zrazumieła. Dośvied arhanizataraŭ užo dazvalaje pravodzić spabornictvy bieź fizyčnaha ŭdziełu pieramožcaŭ.
  • Žmudas
    23.06.2024
    [Red. vydalena]

Stryžak raskazaŭ, jak jaho vierbavali śpiecsłužby18

Stryžak raskazaŭ, jak jaho vierbavali śpiecsłužby

Usie naviny →
Usie naviny

«Pa kodavym słovie «Barysaŭna» vykinuła ŭ akno €760 tysiač». 16-hadovy kurjer zabraŭ u dvaich piensijanieraŭ 2,7 młn rubloŭ14

Što adbudziecca, kali Bajden vyjdzie z prezidenckaj honki?1

Ukrainski front na Danbasie pasypaŭsia ŭ niekalkich miescach — analityk Bild10

Biełaruski ajcišnik pierajechaŭ u Aŭstraliju i trapiŭ pad skaračeńni. I zadaŭsia adviečnym pytańniem «Što rabić»?14

U Lidzie zatrymali ŭładalnika kaviarni «Tutaka»

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby18

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →