Vajna33

U Aŭstralii pradstavili samuju mocnuju ŭ śviecie partatyŭnuju łaziernuju zbroju suprać dronaŭ

Minabarony Aŭstralii spravazdačyłasia ab paśpiachovym vyprabavańni partatyŭnaj łaziernaj ustanoŭki Fractl, jakaja moža chutka, tanna i z vysokaj dakładnaściu źniščać šmatlikija varožyja drony na kiłamietrovaj adlehłaści. U viedamstvie namiaknuli, što mohuć pieradać zbroju Ukrainie.

Vysokadakładnaja partatyŭnaja łaziernaja ŭstanoŭka Fractl. Fota: Minabarony Aŭstralii

Aŭstralijskija vajskoŭcy aprabavali samuju mahutnuju ŭ śviecie partatyŭnuju łaziernuju ŭstanoŭku, jakaja za niekalki siekund prapalvaje stal i psuje elektroniku bieśpiłotnikaŭ na adlehłaści adnaho kiłamietra i bolš, pieradaje partał New Atlas sa spasyłkaj na Minabarony krainy.

Novaja łaziernaja sistema Fractl, pa słovach raspracoŭščykaŭ, moža «z chirurhičnaj dakładnaściu» źbivać drony, jakija laciać z chutkaściu da 100 kiłamietraŭ u hadzinu na adlehłaści da 1 kiłamietra, a taksama škodzić ich datčyki, kamiery i ruchaviki na adlehłaści da 1,5 kiłamietra.

Ustanoŭka całkam biasšumnaja, važyć kala 50 kiłahram, a pa pamiery ŭ dziesiać razoŭ mienšaja za anałahičnyja isnujučyja łaziernyja sistemy i ŭ stolki ž razoŭ tańniejšaja. Luby sałdat moža navučycca joj karystacca za niekalki chvilin, i kirujecca jana dystancyjna i lohka, «jak u videahulni», piša New Atlas.

«Fractl moža prapalić dron naskroź, vykarystoŭvajučy pry hetym mienš enierhii, čym treba na zvyčajnuju zavarku vady ŭ čajniku. Ustanoŭka moža fiksavać adrazu niekalki celaŭ adnačasova i adbivać rojevyja ataki dronaŭ. 

Košt adnaho łaziernaha strełu Fractl kaštuje amal dalar, a jaho mahutnaść i bojezapas abmiažoŭvajecca tolki krynicaj siłkavańnia (ustanoŭka pracuje jak na zvyčajnych batarejkach, tak na paŭnavartasnaj enerhasietcy). Inšymi słovami, zbroja moža stralać biaskonca, pakul joj pastupaje enierhija», — paviedamiła Minabarony Aŭstralii.

Momant trapleńnia łaziernaha strełu Fractl pa FPV-dronie padčas vyprabavańniaŭ. Fota: Minabarony Aŭstralii

U viedamstvie taksama adznačyli, što novaja partatyŭnaja łaziernaja zbroja stvarałasia z ulikam vajennych realij va Ukrainie, i asobna źviarnuli ŭvahu na toj fakt, što abaronnyja pradpryjemstvy Aŭstralii ŭžo pastaŭlajuć ukrainskaj armii peŭnyja antrydronavyja sistemy.

«Fractl taksama moža stać adnym z mnohich novych vidaŭ zbroi na palach bitvaŭ. Uroki Ukrainy pakazvajuć, što bieśpiłotniki — heta sapraŭdnaja prablema, i kali my ničoha nie zrobim z hetym, to ŭ budučych vojnach sami sutykniemsia z surjoznymi niepryjemnaściami», — zajaviŭ adzin z aŭstralijskich aficeraŭ, adkaznych za vyprabavańnie Fractl.

Kamientary3

  • 24.06.2024
    Kab paškodzić vidieamatricu na kamiary drona dastatkova i łaziernaha dijedu z pryvadu CD/DVD - RW . Ale kab nacieliť treba mieť duža razumny soft dziela apracoŭki vidiea z boku zbroi + dobry miechaničny pryvad . Usia sprava ŭ matzabiaśpiačeńni .
  • RŁB
    24.06.2024
    Očieriednoje natovskoje vundiervaffie, kotoroje niepriemienno pieriełomit chod vojny i priniesiot pieriemohu. 
  • Voj na bałotach
    24.06.2024
    RŁB, vo jak u ciabie padharaje tolki ad adnoj naviny, a što budzie kali łazier pačnie palić rašysckija drony?

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →