Historyja77

Archieołahi raskazali, ci ŭdałosia adšukać na dnie Biareziny skarb Napaleona

17 červienia skončylisia padvodnyja archieałahičnyja daśledavańni na Biarezinie, na miescy pierapravy armii Napaleona ŭ listapadzie 1812 hoda. Archieołah Vadzim Košman raskazaŭ «Minskaj praŭdzie», što ŭdałosia znajści na dnie Biareziny padčas hetaj ekśpiedycyi.

Ekśpiedycyja pracavała kala vioski Studzionka, a pravodziŭ daśledavańni Instytut historyi Nacyjanalnaj akademii navuk Biełarusi sumiesna z dajvinh-centram. Vadzim Košman raskazaŭ, jakim znachodkami ŭ vyniku ŭdałosia ŭzbahacić navuku:

«Častka ad posudu, zaklopki ad abozaŭ, šmat huzikaŭ… Apošnija jość vialikija i małyja. Jany šmat nam havorać, bo majuć identyfikacyjny numar, jaki dazvalaje łakalizavać pałki ŭ kankretnym miescy. Ich było kala 30-40 na mundziry. Voś hety adnosicca da 3-ha Partuhalskaha lehijonu, na im jość nadpis.

U nas jość huzički i 1-ha Lehijonu. Jany ŭdzielničali ŭ vajennych dziejańniach u hetym rajonie. Voś kicielny huzik Rasijskaj impieryi bolš poźniaha času, XIX stahodździa. Na im paznačany 1857 hod.

Huzik, znojdzieny padčas ekśpiedycyi. Fota: mlyn.by

A voś heta kuli sa śvincu, jakimi zabivali ludziej. Jość siarod ich i žavanaja kula. Jaje davali ŭ zuby čałavieku, kali rabili apieracyju. A heta kavałačak ad jadra paśla razryvu. Jany byli pustyja ŭsiaredzinie, kruhłyja.

Dastatkova šmat znajšli typovych spražak taho pieryjadu. Jany vykarystoŭvalisia na amunicyi, jak sałdackaj, tak i aficerskaj.

Znajšli i frahmienty słoika — hančarnaha posudu, jakim, chutčej za ŭsio, karystałasia miascovaje nasielnictva XVII — XVIII stahodździaŭ. Heta byŭ davoli vialiki posud. Vuški ad katła, na jakija čaplaŭsia abruč. Ścienka vinnaj butelki. U abozie znachodziłasia vialikaja kolkaść vina i šampanskaha, jakoje taksama vydavałasia aficeram i sałdatam — i dla suhrevu, i dla tradycyj.

U 2012 hodzie znajšli na bierazie Biareziny frahmient butelki z taŭrom i dataj 1809 hod».

Spražki, znojdzienyja padčas ekśpiedycyi. Fota: mlyn.by

Padčas ekśpiedycyi taksama vialisia zdymki, na materyjałach jakich płanujuć vypuścić dakumientalny film.

Sumiesnyja vyjezdy padvodnikaŭ i archieołahaŭ u roznyja miescy Biełarusi viaducca z 2015 hoda. Padčas hetych ekśpiedycyj byli siarod inšaha znojdzienyja daśpiechi rycara z raki Vichra, staražytny čovien ź Niomana, unikalnyja jadry kala zamka Žabier, barysaŭskija bajdaki (patanułyja karabli), šabla mamluka, vajara śpiecyjalnaha padraździaleńnia, i mnohaje inšaje.

Kamientary7

  • Acab
    22.06.2024
    I zastaŭsia ad ciabie tolki huzik. Praročyja słovy spadara Kulinkoviča pra papił biudžetaŭ na race Biarezinie. Viečny spakoj!
  • Acab
    22.06.2024
    Akabčyka Maleńkaha naviedali inšaplanecianie. Akabčyk nie razhubiŭsia i pytajecca: «Spadary inšaplanecianie, a ci historyja heta navuka?» «Historyja heta adhalinavańnie prapahandy, spadare Akabčyku!» – paśmichnulisia inšaplanecianie.
  • za try-četyre dnia
    22.06.2024
    I heta ŭsio, što vam pakinuli?! A zołata šalony zabraŭ sabie.

Stała viadoma pra aryšt historyka Ihara Mielnikava

Stała viadoma pra aryšt historyka Ihara Mielnikava

Usie naviny →
Usie naviny

Pucin zrabiŭ Z-śpievaka Šamana zasłužanym artystam Rasii5

Jeŭrasajuz pačynaje pieramovy pra biaźvizavy režym z Armienijaj3

Biaźvizam u Biełaruś pieršym skarystaŭsia hramadzianin Hiermanii9

Zianon Paźniak vydaŭ čarhovuju knihu19

U čornych busłoŭ u Biełarusi stała vyvodzicca bolš ptušaniat. U čym pryčyna?

Stryžak raskazaŭ, jak zmoh tak pachudzieć8

Padrabiaznaści teraktu Kryhiera pad Aziaryščam — razburanyja špały i nivodnaha paranienaha10

Ryka Kryhier nie staŭ abskardžvać śmiarotny prysud — jon ustupiŭ u siłu2

Zavočna buduć sudzić Antona Matolku — jamu zakidajuć 17 artykułaŭ, u tym liku zdradu dziaržavie8

bolš čytanych navin
bolš łajkanych navin

Stała viadoma pra aryšt historyka Ihara Mielnikava

Stała viadoma pra aryšt historyka Ihara Mielnikava

Hałoŭnaje
Usie naviny →