Usiaho patrochu11

Jeŭropu pačała zavajoŭvać novaja harodnina — cukijoła. Što heta takoje i kali čakać u Biełarusi?

Cukijoła — heta vyviedzieny ispanskimi sielekcyjanierami hibryd kabačka i ahurka, jaki pačaŭ zavajoŭvać suśvietny rynak. Vonkava padobny na maleńki harbuz, cukijoła ŭžo źjaviŭsia na pryłaŭkach navat u Polščy, piša Telegraf.news.

Bijatechnołahi z hrupy Beyond Seeds i Instytuta daśledavańniaŭ i adukacyi ŭ halinie sielskaj haspadarki i rybałoŭstva ŭ Ispanii viali pracu nad stvareńniem novaj harodniny ciaham piaci hadoŭ.

Ciapier užo isnuje try sarty cukijoła, jakija možna adroźnić pa kolerach: zialonym, śvietła-zialonym i žoŭtym. Žoŭty, pa vodhukach spažyŭcoŭ, samy sałodki.

Kamuści moža zdacca, što heta novaja raznavidnaść cukini, ale ŭsiaredzinie hetaja harodnina bolš padobnaja da ahurka.

Pa słovach sielekcyjanieraŭ, jany skryžavali madyfikavanuju viersiju kabačka z ahurkom, kab stvaryć bolš duchmiany płod sa smakavymi jakaściami ahurka, jaki byŭ by bolš ustojlivy da zachoŭvańnia. I ŭ ich atrymałasia. Cukijoła možna zachoŭvać ad 3 da 4 tydniaŭ biez chaładzilnika.

Za svaju inavacyjnuju harodninu ispanskaja kampanija Unica Fresh navat atrymała ŭznaharodu na najbujniejšaj suśvietnaj płodaaharodninnaj vystavie Fruit Logistica-2024 u Bierlinie. Navinka, jak i kłasičny kabačok, prydatnaja dla vyroščvańnia ŭ krainach z umierana ciopłym klimatam, što daje joj pierśpiektyvy zavajavać sercy dačnikaŭ i fiermieraŭ.

Jak adznačyli stvaralniki, cukijoła možna jość u syrym i hatavanym vyhladzie. Łupiny płodu taksama prydatnyja ŭ ježu. Harodnina bahataja klatčatkaj, vitaminami A, B i C i antyaksidantami. Taksama cukijoła źmiaščaje mnostva roznych minierałaŭ. Jon bahaty kalcyjem, žalezam, jodam, mahnijem, fosfaram, natryjem i asabliva kalijem.

Cukijoła lohkazasvajalny, maje lohkuju i dalikatnuju teksturu, što siarod inšaha robić jaho vydatnaj krynicaj charčavańnia dla dziaciej i pažyłych ludziej.

Hety płod źjaŭlajecca całkam novaj harodninaj na suśvietnym rynku, ale jaho ŭžo možna kupić u niekatorych kramach susiedniaj Polščy.

Naprykład, jon byŭ zaŭvažany ŭ papularnaj sietcy kram «Biedronka». Tam za aharodninnuju navinku prosiać 3,99 złotych za štuku, što ekvivalentna 3,23 biełaruskim rublam. Vyroščvaje i pastaŭlaje cukijoła ispanskaja kampanija Beyond Seeds.

Što da Biełarusi, to z 2022 hoda ŭ joj dziejničaje embarha na ŭvoz pradukcyi z «niedružalubnych» krain. U liku takich praduktaŭ siarod inšaha spačatku apynulisia sadavina i harodnina z krain ES. Paźniej, adnak, śpis padkarektavali, i ciapier biełarusy mohuć bačyć na pryłaŭkach ajčynnych kram sadavinu i harodninu ź Ispanii, naprykład, brokali, avakada, klemienciny i navat kumkvat.

Tym nie mienš raźličvać na chutkaje źjaŭleńnie cukijoła ŭ Biełarusi, vidać, nie varta. Harodnina tolki-tolki pačała zavajoŭvać rynak u Jeŭropie, a pradukcyja Beyond Seeds u Biełaruś pakul nie pastaŭlajecca. Adnak z rostam papularnaści cukijoła ŭ budučyni jon, napeŭna, budzie dasiažnym i dla biełarusaŭ.

Kamientary1

  • čakajcie
    22.06.2024
    a ja jašče barščavik nie dajeła

Stryžak raskazaŭ, jak jaho vierbavali śpiecsłužby13

Stryžak raskazaŭ, jak jaho vierbavali śpiecsłužby

Usie naviny →
Usie naviny

«Pa kodavym słovie «Barysaŭna» vykinuła ŭ akno €760 tysiač». 16-hadovy kurjer zabraŭ u dvaich piensijanieraŭ 2,7 młn rubloŭ14

Što adbudziecca, kali Bajden vyjdzie z prezidenckaj honki?1

Ukrainski front na Danbasie pasypaŭsia ŭ niekalkich miescach — analityk Bild10

Biełaruski ajcišnik pierajechaŭ u Aŭstraliju i trapiŭ pad skaračeńni. I zadaŭsia adviečnym pytańniem «Što rabić»?14

U Lidzie zatrymali ŭładalnika kaviarni «Tutaka»

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby13

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →