Vajna1919

Rakiety, jakija rasijanie ŭnačy zapuskali pa Ukrainie, pralatali cieraź Biełaruś

Pra incydent ź pierasiačeńniem rakiet ukrainska-biełaruskaj miažy paviedamili dva ŭkrainskija manitorynhavyja kanały, źviazanyja sa słužbami supraćpavietranaj abarony Ukrainy, zaŭvažyŭ «Fłahštok».

Schiema ruchu rasijskich rakiet i ŭdarnych BPŁA pa terytoryi Ukrainy nočču 22 červienia 2024 hoda. Krynica: telehram-kanał War monitor

Siońnia ŭnačy ŭ 4:12 telehram-kanał War monitor paviedamiŭ:

«Treciaja hrupa KR [kryłatych rakiet] pierasiekła miažu Biełarusi i nie nazirajecca». Praz 8 chvilin uśled pajšło ŭdakładnieńnie: «Treciaja hrupa rakiet abo rakieta źnikła na miažy ź Biełaruśsiu. My nie možam śćviardžać, što jana pierasiakała jaje i zajšła ŭ pavietranuju prastoru RB».

Paviedamleńni ab vykarystańni pavietranaj prastory Biełarusi źjavilisia ŭ telehram-kanale «Ukrajinśkij Jenot» 22 červienia ŭ 4:11:

«Novaja hrupa [rakiet] išła pa miažy ź Biełaruśsiu, pierasiakajučy jaje».

Paśla zaviaršeńnia ataki hety ž kanał reziumavaŭ, što Łukašenka pa-raniejšamu dapuskaje manieŭry rasiejskich rakiet uzdoŭž dziaržaŭnaj miažy Biełarusi i Ukrainy.

Rakieta Ch-101 na fonie stratehičnych bambavikoŭ VKS RF

U kamientary «Fłahštoku» manitorynhavy kanał «Ukrajinśkij Jenot» udakładniŭ, što terytoryju Biełarusi nočču 22 červienia rakiety X-101 pierasiakali jak minimum dva razy:

«Pieršaja rakieta zafiksavanaja ŭ 3:40 [paznačanaja čyrvonym koleram]. Druhaja hrupa išła paźniej [paznačanaja sinim]. Dzieści ŭ rajonie Čarnobylskaj zony jana źnikła, dalej źjaviłasia ŭ Rovienskaj / Vałynskaj vobłaści i na Łuck zajšła».

Schiema ruchu rakiet ch-101 na terytoryi Biełarusi nočču 22.06.2024 pavodle danych kamientara telehram-kanała «Ukrajinśkij Jenot» dla «Fłahštoka»

U adpaviednaści z danymi manitorynhavaj hrupy «Ukrajinśkij Jenot», rakiety prajšli nad Brahinskim rajonam Homielskaj vobłaści ŭ rajonie pasiołka Kamaryn (jon, darečy, ličycca krajnim paŭdniovym punktam Biełarusi).

Pavietranyja siły USU paviedamili, što ŭsiaho za noč 22 červienia 2024 rasijskaja armija vypuściła pa ŭkrainskaj terytoryi 16 rakiet roznych typaŭ i 13 dronaŭ. Ukrainskija vajskoŭcy źbili 12 rakiet i ŭsie bieśpiłotniki.

Padobny vypadak adbyŭsia ŭ noč z 26 na 27 krasavika 2024 hoda. Tady niekalki rasijskich rakiet prajšli praz pavietranuju prastoru Biełarusi, taksama nad terytoryjaj Brahinskaha rajona.

Kamientary19

  • Korolevstvo krivych zierkał
    22.06.2024
    Pośle etoho Sipatyj snova budiet svoich propahandistov protiahivať čtoby nie silno po ukraincam słovom łupili, a ukraincy budut chorošieho choziajstvieńnika chvaliť. Rakietami možno łupiť a słovom nielzia. Mir sumasšiedšich
  • Vład
    22.06.2024
    A Ukraina kak-to otvietiła riežimu Łukašienko? Niet? Tohda čiemu udivlaťsia?
  • Kot
    22.06.2024
    Nad Polšiej tožie rakieta v Ukrainu letieła, no jejo polaki riešili nie śbivať s objaśnienijem "my vidieli, čto ona letit nie k nam". Čieho tohda už chotieť ot vojennoho sojuźnika RF?

Jakimi buduć vybary 2025 hoda? Razvažajuć Viačorka, Łatuška i Šrajbman13

Jakimi buduć vybary 2025 hoda? Razvažajuć Viačorka, Łatuška i Šrajbman

Usie naviny →
Usie naviny

Ispanija čaćvierty raz u historyi vyjhrała Jeŭra — i heta rekord VIDEA6

Biznesoŭcu i kiraŭnika respublikanskaha turystyčnaha sajuza asudzili za supracu ź litoŭskimi śpiecsłužbami 3

Jašče adna achviara štormu — dreva zabiła chłopčyka pad Rečycaj

Stała viadoma asoba čałavieka, jakoha zastrelili na mitynhu Trampa1

Jarmošyna raskazała, kaho dapuściać da ŭdziełu ŭ vybarach-202520

Jarmošyna pra Cichanoŭskuju: Prosta pradaŭščyca na fonie Karatkievič u 2015-m46

Što źmianiaje zamach na Trampa?4

Viadučaja ANT Iryna Rambalskaja pakazała svaje harsety na tydni mody ŭ Paryžy9

U mašynie chłopca, što stralaŭ u Trampa, znajšli vybuchoŭku7

bolš čytanych navin
bolš łajkanych navin

Jakimi buduć vybary 2025 hoda? Razvažajuć Viačorka, Łatuška i Šrajbman13

Jakimi buduć vybary 2025 hoda? Razvažajuć Viačorka, Łatuška i Šrajbman

Hałoŭnaje
Usie naviny →