Śviet11

Samuju bahatuju siamju Vialikabrytanii asudzili za ekspłuatacyju prysłuhi

Jany płacili prysłuzie ŭ 10 razoŭ mieniej, čym składaje minimalny taryf apłaty pracy. Navat na sabaku Chindudžy tracili bolej.

Fota: Finam.ru

Šviejcarski sud prysudziŭ čatyroch členaŭ najbahaciejšaj siamji Vialikabrytanii da turemnaha źniavoleńnia na terminy ad čatyroch da čatyroch z pałovaj hadoŭ za ekspłuatacyju prysłuhi, piša Bi-bi-si.

Prakaš i Kamal Chindudža, a taksama ich syn Adžaj i jaho žonka Namrata byli pryznanyja vinavatymi ŭ ekspłuatacyi i niezakonnym najmie na pracu.

Ale jany byli apraŭdanyja pa bolš surjoznym abvinavačvańni ŭ handli ludźmi.

Rabotniki, pryviezienyja ź Indyi, śćviardžali, što siamja płaciła im usiaho 7 funtaŭ sterlinhaŭ (8 dalaraŭ ZŠA) za pracu pa 18 hadzin u dzień, što składaje mienš za dziesiatuju častku minimalnaj sumy, patrabavanaj pa šviejcarskim zakanadaŭstvie.

Jany taksama śćviardžali, što členy siamji, bahaćcie jakich aceńvajecca prykładna ŭ 37 młrd. funtaŭ sterlinhaŭ (amal 47 młrd. dalaraŭ), redka dazvalali im pakidać dom u bahatym rajonie Ženievy Kałoni.

U chodzie pracesu prakurory śćviardžali, što siamja traciła bolš na svajho sabaku, čym na prysłuhu.

Starejšyja členy siamji, jakim za 70 hadoŭ, nie prysutničali na sudovych pasiadžeńniach, spasyłajučysia na drennaje zdaroŭje. Adžaj i Namrata byli tam, ale nie źjavilisia ŭ sud dla vyniasieńnia prysudu. Ich advakat zajaviŭ, što jany majuć namier abskardzić hetaje rašeńnie.

Prakuror Ženievy zaklikaŭ da ich nieadkładnaha zatrymańnia.

Siamja Chindudža vałodaje Hinduja Group, mižnarodnaj hrupaj kampanij, jakaja maje intaresy ŭ śfiery nafty, hazu i bankaŭskich pasłuh. Siamja taksama vałodaje hatelem Raffles u Łondanie.

Heta ŭžo nie pieršy vypadak, kali Ženieva, dzie skancentravana šmat bahatych siemjaŭ i ofisaŭ mižnarodnych kampanij, akazvajecca ŭ centry ŭvahi z-za drennaha abychodžańnia sa słužboŭcami.

U minułym hodzie čatyry chatnija słužanki ź Filipin raspačali spravu suprać adnoj z dypłamatyčnych misij Ženievy pry arhanizacyi Abjadnanych Nacyj, śćviardžajučy, što im nie płacili zarobku na praciahu mnohich hadoŭ.

Kamientary1

  • Moŭny patrul
    22.06.2024
    [Red. vydalena]

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Usie naviny →
Usie naviny

«Hienierał-špic Umka pad kodavym imieniem Bieleńki». Najlepšyja tvity tydnia9

U Minsku na dziaŭčynu, jakaja viartałasia ź plažu, upała dreva. Jana zahinuła3

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

bolš čytanych navin
bolš łajkanych navin

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Hałoŭnaje
Usie naviny →