Usiaho patrochu1212

Viadomy błohier raskazaŭ, jak za paŭhoda zajmieŭ zajzdrosnyja kubiki na presie. Foty «da» i «paśla» ŭražvajuć

Viadučy jutub-kanała «ČiestnOK» Jarasłaŭ Pisarenka padzialiŭsia ŭ instahramie fitnes-pośpiechami — za 5 miesiacaŭ jon skinuŭ 11 kh i zajmieŭ zajzdrosnuju muskułaturu. Dla «Našaj Nivy» chłopiec raskryŭ sakrety pieramien.

Fota: pisarenko_jr / Instagram

Jarasłaŭ kaža, što minułaj vosieńniu zrazumieŭ: jahony ład žyćcia daloki ad zdarovaha. Składany psichałahičny stan — Jarasłaŭ nazyvaje heta kryzisam biełarusa ŭ emihracyi — nie spryjaŭ tamu, kab znachodzić siły na sport i adnosna zdarovaje charčavańnie. Chłopiec pryznajecca, što pačaŭ «zabivać» na siabie:

«Časta sustrakaŭsia ź siabrami. Tam było šmat piva, da piva dadavalisia zakuski, taksama nie nadta zdarovyja. Nie mieŭ sistemy ŭ charčavańni, moh paśniedać tolki kavaj — karaciej, aby-što.

Moh udarycca ŭ pracu, tolki kab niečym zaniać hałavu. Prapuskaŭ spartovyja aktyŭnaści. Kličuć mianie ŭ baskiet pahulać ci niešta jašče, a ja taki — blin, niešta niama nastroju, i siadzieŭ doma».

Bližej da śniežnia Jarasłaŭ zrazumieŭ, što dalej tak nielha. Jon napisaŭ u instahramie abjavu, što šukaje fitnes-treniera, i paśla vyvučeńnia varyjantaŭ vyrašyŭ pracavać z trenieram Jahoram Jemieljanavym.

Pačali z taho, što trenier skłaŭ dla padapiečnaha płan zaniatkaŭ u macoŭni — kali tudy chadzić i jakija rabić praktykavańni. Časam Jarasłaŭ zdymaŭ treniroŭki na videa i dasyłaŭ Jemieljanavu, a toj vypraŭlaŭ pamyłki. 

Charčavańnie taksama daviałosia źmianiać. Chłopiec staŭ skidać trenieru foty svajho racyjonu:

«Praz tydzień-dva ja zrazumieŭ, što tak charčavacca nielha, heta vielmi škodna dla zdaroŭja. Pačaŭ pastupova ŭvodzić dobryja zvyčki.

Staŭ pračynacca na hadzinku raniej, kab byŭ čas vypić šklanku vady i trochi prajścisia pa horadzie. Paśla hetaha rablu sabie śniadanak, i nie ź piečyva i kavy, a bolš zdarovy. Tak farmirujecca hrafik: maŭlaŭ, voś u mianie śniadanak, potym ja abiedaju, a potym u mianie musić być peŭnaja viačera.

Pastupova źjaviłasia sistema. Spačatku jana była bolš hnutkaja, da prykładu, moh sabie dazvolić trochi piŭka. Ale apošnija miesiac-paŭtara vyrašyŭ pabyć tolki na pravilnym charčavańni, admovicca ad ałkaholu i tusovak. Zrazumieŭ, jak moža pracavać moj arhanizm, kali jamu nie pieraškadžać».

Finalny vynik chłopca — minus 11 kh za 5 miesiacaŭ z novym ładam žyćcia. I heta nie ŭsio: źjaviłasia šmat enierhii, atrymlivajecca chutčej vykonvać pracoŭnyja zadačy i pierachodzić da adpačynku. Svaje pośpiechi biełarus zafiksavaŭ u paście ŭ instahramie, dzie raźmiaściŭ i fota ŭ novaj formie — toje, jak na fota adreahavali, jon žartaŭliva nazyvaje «abjektyvizacyjaj» i kaža, što «ŭsie byli trochi ŭ šoku».

Trojčy na tydzień chłopiec maje siłavuju treniroŭku, raz na tydzień zajmajecca kardyjo, taksama časta hulaje ŭ skvoš, moža znajści čas na viełasipied ci na chadźbu. Ale taki raskład, kaža Jarasłaŭ, nie musić pužać — usie hetyja aktyŭnaści pakrysie ŭvachodziać u hrafik i robiacca jaho fonavaj častkaj.

Jarasłaŭ tłumačyć: kab zavieści dobryja zvyčki, jak u jaho prykładzie, nie treba ni vialikich hrošaj, ni šmat času, kłopat pra siabie možna zakłaści ŭ luby hrafik.

«Dla mianie heta stała miedytacyjaj. Ciaham pracoŭnaha dnia šmat čaho zdarajecca, ale ja viedaju, što ŭviečary dakładna budu treniravacca ŭ zale, budu słuchać muzło i zastanusia z saboj sam-nasam. Raniej siabie trochi padšturchoŭvaŭ, kab iści treniravacca, a ciapier ja hetaha čakaju.

Hetyja źmieny adbilisia i na pracy, i ŭ inšych śfierach žyćcia, bo źjaviłasia šmat enierhii. Tak što kali chočaš niešta rabić, prosta treba heta zrabić. Tym bolš što nasamreč heta nie tak składana, jak moža padavacca».

«Naša Niva» — bastyjon biełaruščyny

PADTRYMAĆ

Kamientary12

  • hoblen
    22.06.2024
    Hoblen luto plusujet - zdorovyj obraz žiźni i sport - eto očień chorošo! No oni iźviniajeco: a hdie vy tut uvidieli zajzdrostnyja kubiki? ZK nie pojavlajuco č/z połhoda raboty tri raza v niedielu. Do nich jeŝio rabotať i rabotať, da i nie vidno ich - liš namietiliś žieš!
  • hoblen
    22.06.2024
    Jula, vaši priedpočtienija sami ponimajetie :) kački jeŝio i nohi briejut... I, o užosnaach, podmyški tožieš
  • Žora
    22.06.2024
    Voś tak, niezaŭvažna i nienastojliva, NN pijaryć nam ruskamoŭnych "biełarusaŭ" = charošych ruskich = ruski mir i jahonych hierojaŭ.

Jarmošyna raskazała, kaho dapuściać da ŭdziełu ŭ vybarach-202511

Jarmošyna raskazała, kaho dapuściać da ŭdziełu ŭ vybarach-2025

Usie naviny →
Usie naviny

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

«Bunt» z-za rajona, čaŭnaki na paŭzie i los staroha parku. Čym žyvie samy zachodni horad Biełarusi?

Aŭstryjski palitołah sprahnazavaŭ, što pačatku vajny Rasii z NATA moža papiaredničać paŭstańnie palakaŭ u Biełarusi. A čamu nie bunt reptyłoidaŭ?10

«Maje aksesuary prynosiać pośpiech, upeŭnienaść u sabie i hrošy». Śpiavačka Halina Šyškova stała dyzajnierkaj5

bolš čytanych navin
bolš łajkanych navin

Jarmošyna raskazała, kaho dapuściać da ŭdziełu ŭ vybarach-202511

Jarmošyna raskazała, kaho dapuściać da ŭdziełu ŭ vybarach-2025

Hałoŭnaje
Usie naviny →