Nieruchomaść2929

Błohiery pabudavali vialiki i vielmi darahi dom pad Minskam, pražyli tam usiaho hod i pradali jaho — zdahadajciesia čamu

Biełarusy Vadzim i Alesia — aŭtary jutub-kanała Vadim Key, na jaki padpisana amal 500 tysiač čałaviek. Vialikuju aŭdytoryju kanału prynios raskaz pra toje, jak para budavała dom pad Minskam pa ŭłasnym prajekcie — ad vybaru ŭčastka da navasiella. Ludzi sačyli za ramontam i pierajezdam siamji amal u žyvym efiry. Viasnoj 2020-ha, praz hod z momantu zaliŭki fundamienta, jany, narešcie, tudy zasialilisia. Ale pražyli tam usiaho hod. Niadaŭna Vadzim i Alesia pradali svoj dom-maru. U novym vypusku jany raskazali, čamu pryniali takoje ciažkaje rašeńnie.

Jašče viasnoj 2021-ha siamja abmiarkoŭvała budučyja hradki i pasadki na ŭčastku, jak da ich pryjechali siłaviki.

«U ich byŭ svoj płan pasadak. Im vielmi chaciełasia pabačyć naš dom», — žartuje Vadzim.

Skrynšot ź videa: momant pryjezdu siłavikoŭ da siamji.

Paśla vybaraŭ 2020-ha para nie chavała svajoj pazicyi, i za heta im adpomścili. Mužčynie prysudzili 10 sutak, trymali ŭ kamiery ź niečałaviečnymi ŭmovami dla palityčnych. Zabrali vinčestary, karty pamiaci, noŭtbuki, telefony — z ulikam, što Vadzim zajmajecca zdymkami videa, hadžetaŭ u jaho było šmat.

Jon prajšoŭ praz dopyty i pahrozy, ale vyjšaŭ paśla administracyjnaha aryštu na volu.

Viedajučy, što na hetym sprava moža nie skončycca, siamja vyrašyła časova pabyć za miažoj. Spačatku žyli ŭ Turcyi. Potym — va Ukrainie: u Lvovie, Kijevie i Bučy — źjechali adtul usiaho za 1,5 miesiaca da vajny.

Kali da pačatku vajny va Ukrainie jany jašče mieli nadzieju adnojčy viarnucca, to potym asensavali, što dalej budzie tolki horš i pryniali rašeńnie pierajazdžać u Hiermaniju i tam lehalizoŭvacca.

U pary — dvoje dziaciej i vialiki sabaka Hiendalf. Jaho jany zavodzili ŭžo ŭ pabudavanym domie, z raźlikam na toje, što žyviole tam budzie prastorna. Ciapier jon žyvie ź imi ŭ zdymnych kvaterach i vandruje pa śviecie.

Fota tut i dalej: skrynšoty ź jutub-kanała błohieraŭ

Para sama prydumlała, jakim budzie ich dom, zrabiła tam šmat svaimi rukami. Alesia — architektarka, tamu kantralavała ŭsie budaŭničyja i ramontnyja pracesy.

Jany zapłanavali da drobiaziaŭ navat łandšaft kala chaty — aformiŭšy tam svaju ŭłasnuju mini-horku dla katańnia zimoj na sankach. Mienavita tamu jany doŭha nie chacieli ni zdavać, ni pradavać svoj dom.

Ale niadaŭna rašylisia na heta — ciapier ich stvareńnie znajšło novych haspadaroŭ u Biełarusi.

«My zrazumieli što 5, 10 hod nie budziem žyć u Biełarusi. A prosta trymać dom, kab jon čakaŭ čahości — nierazumna», — kaža Alesia.

«Choć jon darahi, ale heta dom, heta tolki reč. I kaštoŭnaść jaho ŭ momantach, uspaminach. A naša historyja praciahvajecca», — z sumam u vačach dadaje Vadzim.

Kamientary29

  • 1863
    21.06.2024
    Ispanija, niet tam takoj prirody
  • nu takoje
    21.06.2024
    andruś, i ad śpiakoty pad 40.
  • Domik u dziareŭnie
    21.06.2024
    Voś pabuduj chatku i kolki potym z umiacinami ad furažki ŭ čarzie buduć z rasioviadami pra NATO kab nachalavu ijo adžać u cibia )) nu kamunizm

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž7

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →