Śpiecvytvorčaściu ŭłady nazyvajuć kryminalnyja spravy na ŭdzielnikaŭ pratestaŭ, jakija pavinny skončycca zavočnymi sudami, pakolki hetyja ludzi znachodziacca za miažoj.
Kryminalnyja spravy ŭ paradku śpiecyjalnaj vytvorčaści pačaty ŭ dačynieńni da 108 asob. Pra heta žurnalistam zajaviŭ staršynia Śledčaha kamiteta Dźmitryj Hara, piša BiełTA.
«Na siońniašni dzień my praciahvajem pracu pa vyjaŭleńni ŭsich asob, jakija svajoj ekstremisckaj dziejnaściu pryčyniajuć škodu nacyjanalnaj biaśpiecy i intaresam našaj dziaržavy», — skazaŭ Dźmitryj Hora.
Pa słovach kiraŭnika Śledčaha viedamstva, hetych asob vyjaŭlajuć na sistemnaj asnovie i «źbirajuć dokazy ich viny». U tym liku, vyjaŭlajuć ich majomaść z metaj dalejšaj kanfiskacyi i zvarotu ŭ dachod dziaržavy ŭ jakaści kampiensacyi naniesienaj škody.
«Praca sistemnaja i viadziecca na płanavaj asnovie. My jaje spyniać nie źbirajemsia, pakul usie vinavatyja nie buduć pryciahnutyja da adkaznaści», — zapeŭniŭ Dźmitryj Hara.
Staršynia Śledčaha kamiteta źviarnuŭ uvahu, što pa ŭzhadnieńni z prakuraturaj šerah kryminalnych spraŭ zakančvajecca ŭ paradku śpiecyjalnaj vytvorčaści — heta značyć, biez asoby, jakaja padlahaje pryciahnieńniu ŭ jakaści abvinavačanaha.
«Heta źbiehłyja, jakija chavajucca za miažoj. Ale i jany pavinny panieści zasłužanaje pakarańnie. Na siońniašni dzień kryminalnyja spravy ŭ paradku śpiecyjalnaj vytvorčaści pačaty ŭ dačynieńni da 108 asob. Ź ich 82 spravy ŭžo nakiravana dla razhladu ŭ sud, u vytvorčaści zastajucca 26 spraŭ. Apošnim časam my aktyvizavali hetuju pracu. Sioleta kolkaść kryminalnych spraŭ, nakiravanych u paradku śpiecyjalnaj vytvorčaści, budzie pavialičvacca», — padkreśliŭ jon.
Pa bolšaści kryminalnych spraŭ, dadaŭ Dźmitryj Hara, nakładajecca aryšt na majomaść asob, jakija pryciahvajucca ŭ jakaści abvinavačanych.
«Heta i kvatery, i damy, i ŭčastki, i darahija aŭtamabili. Šmat majomaści, jakaja pavinna być pa rašeńni suda źviernuta ŭ dachod dziaržavy», — skazaŭ na zakančeńnie kiraŭnik Śledčaha viedamstva.
KDB nakłaŭ aryšt na dom uładalnika kramy simvoliki
Zaviali śpiecvytvorčaść na ŭdzielnika strajku na «Biełaruśkalii»
Zavočna buduć sudzić haradzienak Volhu Vieramiejenku i Irynu Čarniaŭku
Zavočna buduć sudzić pravaabaroncu Alenu Maślukovu
Hienprakuratura nakiravała ŭ sud spravu «analitykaŭ Cichanoŭskaj» i vybrała «kiraŭnika»
Łukašenka pra punkty propusku na miažy z Polščaj: Dy chaj choć apošni zakryjuć35
Kamientary
Śledkom podmienił nacionalnyje itieriesy Biełarusi siemiejnymi intieriesami etoho ekstriemista.
Prokuratura i PP zamienili Zakony na uzakoniennoje Biezzakonije v intieriesach etoho ekstriemista.