«Armienija ščyra zacikaŭlena va ŭstalavańni miru i stabilnaści na Blizkim Uschodzie, ustanaŭleńni tryvałaha miru pamiž habrejskim i paleścinskim narodami», — havorycca ŭ zajavie MZS.
Armienija zajaviła ab pryznańni paleścinskaj dziaržavy, havorycca ŭ zajavie MZS Respubliki.
«Armienija ščyra zacikaŭlena va ŭstalavańni miru i stabilnaści na Blizkim Uschodzie, ustanaŭleńni tryvałaha miru pamiž habrejskim i paleścinskim narodami. Na roznych mižnarodnych placoŭkach my zaŭsiody vystupali za mirnaje i ŭsioabdymnaje ŭrehulavańnie paleścinskaha pytańnia i padtrymlivajem pryncyp «dźviuch dziaržaŭ» u vyrašeńni izrailska-paleścinskaha kanfliktu. Pierakananyja, što heta adziny sposab harantavać, što paleścincy i izrailcianie zmohuć realizavać svaje zakonnyja spadziavańni», — havorycca ŭ zajavie zamiežnapalityčnaha viedamstva.
«Zychodziačy z vyšejvykładzienaha i paćviardžajučy svaju prychilnaść mižnarodnamu pravu i pryncypam roŭnaści, suvierenitetu i mirnaha suisnavańnia narodaŭ, Respublika Armienija pryznaje paleścinskuju dziaržavu», — zajavili ŭ MZS.
Tam dadali, što katastrafičnaja humanitarnaja situacyja ŭ Hazie i praciahły vajenny kanflikt siońnia źjaŭlajucca adnoj z pryjarytetnych zadač mižnarodnaha palityčnaha paradku dnia, jakaja patrabuje ŭrehulavańnia.
«Armienija kateharyčna adchilaje napady na cyvilnuju infrastrukturu, hvałt u dačynieńni da cyvilnaha nasielnictva, a taksama ŭziaćcie ŭ zakładniki i pałanieńnie cyvilnych asob padčas uzbrojenaha kanfliktu i dałučajecca da patrabavańniaŭ mižnarodnaj supolnaści ab ich vyzvaleńni biez papiarednich umoŭ», — zajavili ŭ MZS Armienii.
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju4
Kamientary