Hramadstva

U Minsku vynieśli prysud doktarcy Cieraškovaj

Sud pakaraŭ Alenu Cieraškovu chatniaj chimijaj.

Alena Cieraškova z bratam. Fota: fejsbuk

Sud Centralnaha rajona Minska razhledzieŭ spravu i vynies prysud skivična-tvarnamu chirurhu Alenie Cieraškovaj, piša Radyjo Svaboda.

Lekarku pryznali vinavataj pavodle častki 1 artykuła 342 Kryminalnaha kodeksu («Aktyŭny ŭdzieł u dziejańniach, jakija hruba parušajuć hramadski paradak»). 20 červienia, pavodle byłoha aktyvista «Jeŭrapiejskaj Biełarusi», jaki prasiŭ na jaho nie nazyvać, Alenie Cieraškovaj «prysudzili 3 hady chatniaj chimii, jana doma ź dziećmi».

Vyrak ahučyła sudździa Juljana Ščerba.

Krynicy, blizkaj da siamji Aleny Cieraškovaj viadoma, što na pracesie taja pryznała vinu častkova. Ci budzie Cieraškova abskardžvać prysud, nieviadoma.

Alenie Cieraškovaj 47 hadoŭ, jana maci čaćviarych dziaciej, dvoje ź jakich jašče niepaŭnaletnija. Alena Cieraškova pracuje lekaram u 11-j haradskoj lakarni Minska, jana skivična-tvarny chirurh, da zatrymańnia ŭ traŭni rehularna pravodziła apieracyi. Cieraškova aktyŭna zajmałasia hramadskaj dziejnaściu, była siabram Partyi BNF, brała ŭdzieł u vybarčych kampanijach. U maładości Alena Cieraškova zajmałasia tekvando, dvojčy zavajoŭvała tytuł čempijonki Biełarusi. Taksama žančyna viadoma jak piśmieńnica i pierakładčyca.

Alenu Cieraškovu da sudu trymali ŭ novym budynku śledčaha izalataru ŭ Kaladzičach pad Minskam, ale pra ŭmovy jaje ŭtrymańnia tam ničoha nieviadoma. Spatkańni sa svajakami žančynie byli zabaronienyja, jaje pierapiska kantralavałasia. Pakul Alena Cieraškova znachodziłasia za kratami, jaje dziaciej dahladali svajaki.

Alena Cieraškova — siastra viadomaha aktyvista «Jeŭrapiejskaj Biełarusi» Maksima Viniarskaha, asudžanaha na 5 hadoŭ źniavoleńnia pavodle č. 2 art. 293 KK («Padrychtoŭka da ŭdziełu ŭ masavych biesparadkach»). Maksim Viniarski adbyvaje pakarańnie ŭ papraŭčaj kałonii № 3 pad Viciebskam.

Kamientary

Banki źnižajuć prybytkovaść pa valutnych depazitach da 0,1%. Tłumačym matematyku1

Banki źnižajuć prybytkovaść pa valutnych depazitach da 0,1%. Tłumačym matematyku

Usie naviny →
Usie naviny

Na Vaŭpšasava ŭ Dražni mašyna amal całkam syšła pad vadu FOTAFAKT

Aryna Sabalenka: Plačo zažyło. Na hetym tydni ja pačynaju hulać1

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

bolš čytanych navin
bolš łajkanych navin

Banki źnižajuć prybytkovaść pa valutnych depazitach da 0,1%. Tłumačym matematyku1

Banki źnižajuć prybytkovaść pa valutnych depazitach da 0,1%. Tłumačym matematyku

Hałoŭnaje
Usie naviny →