Zdareńni

Minčuk dumaŭ, što ratuje hrošy, a straciŭ amal 200 tysiač rubloŭ. Jak tak vyjšła?

U minčuka vymanili 193 000 rubloŭ. U schiemie ŭdzielničali niekalki čałaviek: ludzi, jakija telefanavali, pradstaŭlalisia supracoŭnikami apieratara suviazi, DFR, Nacbanka i navat Śledčaha kamiteta.

Ilustracyjnaje fota

Pavodle źviestak śledstva, u pačatku červienia 41-hadovamu mužčynu patelefanavaŭ z zamiežnaha numara nieznajomiec, jaki pradstaviŭsia supracoŭnikam apieratara suviazi i skazaŭ, što na imia minčuka aformlenaja rasterminoŭka.

Zatym jon paprasiŭ pravieryć, ci sychodziacca dasłanyja ŭ SMS-paviedamleńni ličby z apošnimi čatyrma jaho abanienckaha numara. Akazałasia, što nie sychodziacca, «pradstaŭnik apieratara» vybačyŭsia i skazaŭ čakać zvanka z pravaachoŭnych orhanaŭ.

Litaralna praz chvilinu ŭ miesiendžary z mužčynam źviazaŭsia nibyta pradstaŭnik DFR i skazaŭ, što vyjaviŭ pieraličeńnia vykradzienych hrošaj na rachunki minčuka. Jon skazaŭ, što ŭ najbližejšy čas pa miescy žycharstva mužčyny praviaduć pieratrus, i, kab nie pazbavicca voli na doŭhija hady, jamu terminova treba zadekłaravać usie najaŭnyja źbieražeńni.

Paciarpieły adprasiŭsia z pracy, pajechaŭ dadomu, pieraličyŭ najaŭnaść i pra sumu źbieražeńniaŭ paviedamiŭ užo nibyta śledčamu. Toj patelefanavaŭ jamu pa videasuviazi i raspavioŭ, što hrupa machlaroŭ vykradaje hrošy biełarusaŭ i pieravodzić na zamiežnyja rachunki, i, kab pierajści sa statusu padazravanaha ŭ status śviedki, jamu treba aformić hrošy, jakija zachoŭvajucca doma.

Dla hetaha paciarpiełaha pieraadrasavali da «kansultanta Nacyjanalnaha banka», jaki pierakanaŭ ustalavać dadatak addalenaha dostupu i padzialicca danymi dla ŭvachodu.

Pa słovach śledčych, dalej schiema razhortvałasia tak. Mužčyna sabraŭ hrošy ($18 tysiač) i pajšoŭ u bank papoŭnić rachunak. Jaho papiaredzili, što hrošy pieraviaduć na reziervovy rachunak Nacbanka, i paprasili nie reahavać na apaviaščeńni ab śpisańni srodkaŭ — nibyta heta praces dekłaravańnia.

Potym patelefanavaŭ jašče adzin «pradstaŭnik banka» i skazaŭ, što danyja rachunku minčuka stali viadomyja ašukancam, na jaho imia aformlena try kredyty na bolš čym 112 tysiač rubloŭ. Adziny sposab vyjści ź situacyi — aformić kredyty na tyja ž sumy.

— Nie ŭdajučysia ŭ padrabiaznaści, mužčyna vykanaŭ i hetaje patrabavańnie. Jon spakojna hladzieŭ na ekran svajho mabilnaha, na jaki niekalki hadzin prychodzili SMS-paviedamleńni ab śpisańni hrošaj, — raspaviadaje Śledčy kamitet.

Jak paviedamili śledčyja, paśla taho jak rachunki mužčyny apuścieli, ašukancy pierastali vychodzić na suviaź. Za dziesiać dzion jany vymanili ŭ paciarpiełaha bolš za 193 000 rubloŭ.

Zaviedziena kryminalnaja sprava pa č. 4 art.212 KK («kradziež majomaści šlacham madyfikacyi kampjutarnaj infarmacyi, ździejśnienaje ŭ asabliva bujnym pamiery»).

Kamientary

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii10

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Usie naviny →
Usie naviny

U Rasii dźvie dziaŭčyny zahinuli padčas kvestu — animatar abliŭ ich hazaj, vypadkova padpaliŭ i ŭciok5

Ilustratarku z Bresta asudzili za danaty pałku Kalinoŭskaha na šeść hadoŭ

Pad Babrujskam na trasie dobra nasypała hradu

U Minsku za pratesty buduć sudzić muža i žonku. U ich troje dziaciej3

«Usiakija situacyi ŭ žyćci byvajuć». Pavuk spytaŭ u miascovych uładaŭ pra šachied, što ŭpaŭ u Akciabrskim3

Ihar Strałkoŭ (Hirkin) budzie pracavać kraŭcom u kałonii1

Paśla 2 hadoŭ źniavoleńnia vyjšaŭ na volu staršynia AHP Mikałaj Kazłoŭ9

Borys Džonsan raskazaŭ, u čym źmiest mirnaha płana Donalda Trampa pa Ukrainie7

Łukašenka: My «kinuli jakar» u Rasii i Kitai, ale treba znachodzić šlachi supracoŭnictva i ź ES4

bolš čytanych navin
bolš łajkanych navin

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii10

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Hałoŭnaje
Usie naviny →