Hramadstva66

U Polščy aryštavali biełarusku, asudžanuju za špijanaž

Paśla taho, jak jana nie źjaviłasia na pasiadžeńnie suda, jaje pastanavili viarnuć pad vartu. Ale naŭrad ci jana chavałasia.

Maryja Miadźviedzieva. Fota: jaje instahram

U Polščy aryštavali biełarusku, asudžanuju na 13 miesiacaŭ za špijanaž. Joj zastałosia adsiedzieć jašče niekalki miesiacaŭ. Pra heta paviedamlaje Most sa spasyłkaj na polskaje vydańnie Fakt.

Z usich 16 ustanoŭlenych členaŭ špijonskaj sietki Maryja Miadźviedzieva atrymała samaje niaznačnaje pakarańnie. Jak i bolšaja častka abvinavačanych, jana pryznała vinu i pahadziłasia na dobraachvotnaje adbyćcio terminu.

Paśla abviaščeńnia prysudu jaje adpuścili na volu da času adbyćcia pakarańnia (da taho momantu jana ŭžo paśpieła adsiedzieć kala dzieviaci miesiacaŭ, pakolki była aryštavanaja da suda) i padała zajavu ab umoŭna-daterminovym vyzvaleńni.

Ale jak paviedamlali miedyja ŭ pačatku tydnia, jana nie źjaviłasia na pasiadžeńnie suda, i ŭ vyniku jon pastanaviŭ viarnuć dziaŭčynu pad vartu. Joj treba budzie adbyć jašče kala troch miesiacaŭ pakarańnia, paśla čaho jaje mohuć departavać.

Adnak dziaŭčyna naŭrad ci chavałasia, jak mierkavali niekatoryja miedyja. Jana prychodziła ŭ sud padtrymać svajho maładoha čałavieka — 30-hadovaha biełarusa Uładzisłava P. Praces nad im jašče praciahvajecca.

Maryju abvinavacili ŭ tym, što jana dała svoj rachunak dla pieravodu hrošaj špijonam, a taksama dapamahała rasklejvać ulotki, nakiravanyja na raspalvańnie ŭ polskim hramadstvie niepryjaznaści da ŭkraincaŭ i dapamohi Ukrainie.

Čym zajmałasia złačynnaja hrupa i kolki za heta płacili

Usiaho pa spravie prachodzili 16 čałaviek, ich roli byli roznyja.

U členaŭ hrupy byŭ kuratar, ź jakim jany źviazvalisia praz telehram, vyśvietlić jaho asobu śledstvu nie ŭdałosia. U miesiendžary jon nazvaŭsia Andryjem, Andžejem, a taksama Habryelem. Dziejańniami hrupy kiravali i inšyja ludzi, jakija vykarystoŭvajuć niki Barbados, Pink, Mara, Secret Chat.

Płan-maksimum arhanizataraŭ zaklučaŭsia ŭ adpraŭcy pad adchon ciahnika z vajskovym transpartam dla Ukrainy. Za heta było prapanavana ŭznaharodžańnie ŭ 10 tysiač dalaraŭ.

Ale naohuł zadańni, jakija členy hrupy atrymlivali ad kurataraŭ, byli roznymi.

Pierš za ŭsio, heta nazirańnie za transpartnaj infrastrukturaj i vajennymi abjektami: marskimi partami, aeraportami, čyhunačnymi vakzałami i vajskovymi častkami Polščy. Pavodle źviestak polskaj prakuratury, čalcy hrupoŭki ŭstalavali na čyhunačnych šlachach nie mienš za šeść kamier videanazirańnia, a ŭ ciahnikach ustalavali GPS-pieradatčyki. Takim čynam adsočvalisia pastaŭki vajennaj i humanitarnaj dapamohi Ukrainie.

Za ŭstalavanuju kamieru vykanaŭcam płacili 300-400 dalaraŭ.

Taksama ŭdzielniki hrupy atrymlivali bolš drobnyja zadańni, źviazanyja z prapahandysckaj dziejnaściu: malavali hrafici, rasklejvali stykiery i ŭlotki z antynataŭskimi i antyŭkrainskimi łozunhami.

Za kožnuju ŭlotku vykanaŭca atrymlivaŭ piać dalaraŭ.

Taksama vykanaŭcam vydzielili hrošy na pražyvańnie ŭ haścinicach i na pajezdki pa krainie. Jak vyśvietliła prakuratura, apłata abvinavačanym vyrablałasia ŭ kryptavalucie.

Členy hrupy, jakija pahadzilisia na dobraachvotnaje adbyćcio pakarańnia, atrymali terminy ad 13 miesiacaŭ da šaści hadoŭ pazbaŭleńnia voli. Taksama sud pryznačyŭ im štrafy ad 1 tysiačy da 20 tys. złotych (250 — 5 tysiač dalaraŭ) i pastanaviŭ kanfiskavać srodki, atrymanyja ŭ vyniku złačynnaj dziejnaści.

Kamientary6

  • Treš
    20.06.2024
    Pochožie polaki do sich por nie ponimajut urovień uhrozy, kotoryj ischodit ot putinskoho impierskoho riežima i jeho kołchoznoho satiellita. V RF i RB za pierievod dienieh rodstvieńnikam v Ukrainu dajut 12-20 let tiuŕmy, v Pitierie za 7 antivojennych stikierov dievušku posadili na 8 let. A tut słovili kriemlevskuju ahienturu, pričiem stolko epizodov, hdie zaviazany i dieńhi, i stikiery, i raspalivanije vraždy po nacionalnomu priznaku, i śležka, i ustanovka kamier i gps majačkov, i płany po podryvu pojezdov. I za eto im prisudili nieskolko miesiaciev. S takim podchodom polakov ždiet nieskončajemyj konviejier rośsijskoj ahientury. Odnich budut zadierživať, čieriez nieskolko miesiaciev polaki ich budut otpuskať, no na ich miesto krieml budiet vierbovať novych i tak po kruhu. Łohičnieje było by sažať takich let na 5 minimum, čtoby druhim nie było povadno. A v słučaje čieho, takich vsiehda možno obmieniať na tiech, koho łukaputinskij riežim dieržit v załožnikach.
  • Belarus
    20.06.2024
    Krasivaja Maša )
  • Tak
    20.06.2024
    99% čarhovaja rasiejskamoŭnaja hramadzianka RB.

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →