Usiaho patrochu99

Top malaŭničych miescaŭ dla letnich vandrovak pa Biełarusi, dalej ad haradskoj zaduchi

Leta ŭ Biełarusi abiacaje być haračym, u suviazi z čym my vyrašyli sabrać top miescaŭ, dzie možna dychać na poŭnyja hrudzi, płavać i atrymlivać asałodu ad pryrody.

Padviesnyja draŭlanyja masty praz Naračanku ŭ Vilejskim rajonie

Samy zručny transpart dla taho, kab daśledavać usie masty Vilejskaha rajona, kaniečnie, aŭto. Ale možna abyścisia i aŭtobusam — spačatku dajechać da samoj Vilejki, a potym pieramiaščacca pamiž vioskami — na aŭtobusach i pieššu.

Fota: kraj.by

Pieršy aryjencir — vioska Ručyca. Raniej jana nazyvałasia Hanuta i mieła słavutuju historyju: dla Michała Ahinskaha heta miesca słužyła letniaj rezidencyjaj, tut byŭ pabudavany vialiki pałac i haspadarčy dvor. Niekatoryja ličać, što mienavita tut Ahinski napisaŭ pałanez «Raźvitańnie z Radzimaj».

Na žal, u 1943 hodzie viosku spalili, a pałac razabrali na cehłu. Ale naša meta — padviesny most — funkcyjanuje i słužyć srodkam pierachodu praz raku Naračanku da susiedniaj vioski Kraśnica.

Kaardynaty: 54.45088, 26.66602

Jašče adzin padviesny most znojdziecie ŭ čatyroch kiłamietrach piechatoj — u miežach viosak Vajdzieni i Doŭhaje.

Kaardynaty: 54.48251, 26.71886

Samy abnoŭleny i minimalna ekstremalny most čakaje ŭ vioscy Nabiarežnaja. Ruchajučysia tudy, raim zavitać u Pryntu, kab zahadać žadańnie ŭ znakamitaha duba-hihanta. Dreva jašče nazyvajuć Šyvaj. Kažuć, što ŭsio zahadanaje tam ździajśniajecca.

Kaardynaty: 54.50005, 26.73593

Śladami byłych ledavikoŭ

Fota: golubyeozerabelarus.by

Błakitnyja aziory ŭklučajuć u siabie 15 azior, utvoranych u vyniku tapleńnia ledavika. Abramlenyja chvajovymi barami, znachodziacca jany ŭ Miadzielskim rajonie, pobač ź vioskaj Hrumbinienty.

Na miescy možna vypravicca na trekinh-ekskursiju pa adnym z maršrutaŭ — ściežka Trolaŭ, Bałduckaja ci ekaściežka, jakaja tak i nazyvajecca — Błakitnyja aziory, i, kaniečnie ž, napłavacca ad dušy.

Isnuje i varyjant dla samych natreniravanych — pachod pa navakolli praciahłaściu 16 kiłamietraŭ. Praściej za ŭsio tut davierycca prafiesijanałam-hidam. Siarod ich prapanoŭ — supiernasyčanaja prahrama na dzień: mahčymaść ubačyć vadaspad na ruinach lasnoha młyna 1903 hoda, pieraadoleńnie kanatnaj pierapravy praz raku Strača i naviedvańnie sieravadarodnaj krynicy — Voka Cykłopa.

Kali ŭ vas budzie mahčymaść i čas, abaviazkova zapłanujcie vizit u viosku Kamarova pad čas hetaj vandroŭki. Jaje raźvićciu vialikuju častku svajho žyćcia addaŭ eks-deputat Viarchoŭnaha savieta Eduard Vajciachovič, jakoha nie stała ŭ 2022 hodzie. Jon stvaryŭ tam Centr raźvićcia sielskaha pradprymalnictva. Dziakujučy jaho enierhii, u vioscy paŭstali ŭłasnyja piakarnia i syravarnia.

Fota: 34travel.me

Abaviazkova pakaštujcie łakalnyja smakoty i prahulajciesia pa zialonaj terytoryi siadzibnaha kompleksu 19-20-ha stahodździaŭ.

Fota: vedaj.by

Ludzi na bałocie

Kali vy dahetul nie daśledavali śviet biełaruskaj bahny, to samy čas. Adzin z samych papularnych maršrutaŭ u hetym kirunku — zakaźnik «Jelnia». Jaho ekasistema składajecca z bałot, najstarejšaje ź jakich naličvaje kala dzieviaci tysiač hadoŭ.

Fota: walktofolk.by

Prahulvajučysia pa ekaściežcy, možna sustreć ptušak, a taksama roznych žyvioł. Zrabić vialikuju kolkaść sełfi na fonie kalarovych dyvanoŭ z raślin i jahad — u červieni jašče možna zaśpieć durnicy i čarnicy. A samaje hałoŭnaje — nadychacca čystym pavietram: bałota vydzialaje ŭ razy bolš kisłarodu, čym chvajovyja lasy.

Dla zručnaści možna zapisacca na eka-tur u adnoj z ahiencyj — naprykład, jość varyjant z vyjezdam ź Minska i naviedvańniem vadaspada na rečcy Viata. Ale prapanoŭ pa hetym kirunku isnuje vielmi šmat.

Brasłaŭski kurort

Brasłaŭ, badaj, samy kurortny biełaruski horad. Raźmiaściŭšysia siarod troch azioraŭ — Naviaty, Biareža i Dryviaty — i dziasiatka vadajomaŭ, jon budzie idealnaj łakacyjaj dla rełaksu na vychodnyja ci bolej.

Fota: vgr.by

Možna prosta čylić kala vady, a možna pravieści čas aktyŭna — uziać naprakat bajdarku, sap-bord ci rovary, adpraviŭšysia vyvučać navakolle. Bolšuju častku zabavaŭ prapanoŭvaje miascovy fizkulturna-spartovy kłub «Dryviacič».

Abaviazkova naviedajcie Zamkavuju haru — staražytnaje haradzišča ŭ samym centry, ź jakim i źviazanaja lehienda pra zasnavańnie horada. Adtul adkryvajecca cudoŭnaja panarama na Brasłaŭ.

Ad śpioki možna schavacca ŭ parku Bielmont — druhim pa vieličyni ŭ Biełarusi ź jaho 62 hiektarami. Park byŭ zakładzieny jašče ŭ siaredzinie 18 stahodździa. Pierasoŭvajučysia tam pa ekałahičnaj ściežcy, trymajcie ŭ hałavie, što tut ža ŭ svoj čas znachodziłasia staŭka vajskavoda Barkłaja de Toli, siudy zahladvali nieapalitanski karol Miurat, Alaksandr I ci, naprykład, dziekabrysty.

Alternatyva staličnamu Bataničnamu sadu na ŭschodzie krainy

Bataničny sad pry siońniašniaj BDSHA ŭ Mahiloŭskaj vobłaści pačali stvarać jašče ŭ 1840 hodzie dla praktyčnych zaniatkaŭ studentaŭ pa batanicy, lesavodstvie i sadoŭnictvie. Siońnia ŭ kalekcyjach Horackaha bataničnaha sadu i dendraryja naličvajecca 840 rodaŭ, 1476 vidaŭ i 1045 hatunkaŭ dekaratyŭnych raślin. Tak što kali vy ŭžo abyšli ŭzdoŭž i ŭpopierak Bataničny ŭ Minsku, heta cudoŭny płan dla padarožža na vychodnyja.

Fota: reviews.yandex.ru

Pa hrafiku letam u Horkach napoŭnicu kvitniejuć ružy, klematysy, fłoksy i vialikaja kolkaść kustoŭ.

Sam Bataničny sad raźmiaščajecca na terytoryi akademharadka — z karpusami (u tym liku — staroj zabudovy, da jakoj mieŭ dačynieńnie italjanski architektar Kampioni), internatami, biblijatekaj, vozieram i vialikaj kolkaściu zielaniny. Isnuje navat śpiecyjalny piešachodny maršrut, kab dakładna nie prapuścić usie budynki z historyka-kulturnym statusam.

Kamientary9

  • Žvir
    22.06.2024
    Usie ū Tureččynu !
  • Kałmaty Vožyk
    22.06.2024
    Miemuary,  I ja pra toje kazaŭ zaŭsiody! Mont -- hara! Monte-Karła, Montevidea, Monte-Kasina, Monte Nehra (Čarnahoryja)...  Dyk adkul uzialisia roznyja Žyhimantasy, Daŭmantasy zamiž Žyhimontaŭ i Daŭmontaŭ?
  • Profiessor Komarovskij
    22.06.2024
    Kałmaty Vožyk, V takom słučaje objekt nazyvałsia by Monte-Belle. 

    Nastojaŝieje nazvanije proischodit ot imieni bałtskoho pravitiela Montasa, kotoryj, putiešiestvuja po svoim iskonnym vładienijam, zabył na toj horie svoj posoch, votknuv jeho v ziemlu. 

    Posoch dał korni, i iz nieho vyrosło na horie ohromnoje dierievo, iz stvoła kotoroho drievnije litovcy, iskonnyje obitatieli tiech miest, vyrubili priekrasnoho idoła. On był chorošo vidien s bolšoho rasstojanija, kak ohromnaja belka, torčaŝaja iz ziemli.

    Tak i było połožieno piervonačalnoje nazvanije objekta: belka Montasa, kotoroje vpośledstvii obrieło sovriemiennoje zvučanije - Bielmont. 

    Vy, hołubčik, płocho znajetie istoriju svojeho kraja i nazvanija...  

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii10

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Usie naviny →
Usie naviny

Na jakich umovach biełarusy mohuć atrymać hramadzianstva Ispanii, Partuhalii, Hiermanii i inšych krain12

U Rasii dźvie dziaŭčyny zahinuli padčas kvestu — animatar abliŭ ich hazaj, vypadkova padpaliŭ i ŭciok5

Ilustratarku z Bresta asudzili za danaty pałku Kalinoŭskaha na šeść hadoŭ

Pad Babrujskam na trasie dobra nasypała hradu

U Minsku za pratesty buduć sudzić muža i žonku. U ich troje dziaciej3

«Usiakija situacyi ŭ žyćci byvajuć». Pavuk spytaŭ u miascovych uładaŭ pra šachied, što ŭpaŭ u Akciabrskim3

Ihar Strałkoŭ (Hirkin) budzie pracavać kraŭcom u kałonii1

Paśla 2 hadoŭ źniavoleńnia vyjšaŭ na volu staršynia AHP Mikałaj Kazłoŭ9

Borys Džonsan raskazaŭ, u čym źmiest mirnaha płana Donalda Trampa pa Ukrainie7

bolš čytanych navin
bolš łajkanych navin

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii10

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Hałoŭnaje
Usie naviny →