Hramadstva11

Bujnyja pabory, jakija ździrajuć ź ludziej za zroblenyja danaty, iduć na Respublikanski centr arhanizacyi miedycynskaha reahavańnia. Što za jon?

Vydańnie «Lusterka» daviedałasia, što kali raniej «kampiensacyi» za zroblenyja danaty treba było pieravodzić na rachunki RNPC, dziciačych damoŭ ci chośpisaŭ, to ciapier u płaciožkach usio čaściej fihuruje adzin i toj ža atrymalnik — «Respublikanski centr arhanizacyi miedycynskaha reahavańnia». Što heta za ŭstanova?

Respublikanski centr arhanizacyi miedycynskaha reahavańnia znachodzicca ŭ adnym budynku ź Ministerstvam achovy zdaroŭja. Fota: Jandeks-Karty

Na sajcie centra jahonyja zadačy apisvajucca davoli tumanna: «kansultatyŭnaja śpiecyjalizavanaja miedycynskaja dapamoha».

Viadoma, što siarod inšaha hety centr zajmajecca sanitarnaj avijacyjaj — pieravozkaj ciažkachvorych ludziej. Mienavita jon u 2021 hodzie evakujavaŭ ź Jehipta na radzimu biełarusa, jaki paciarpieŭ pry niaščasnym vypadku. Dyśpietčarski adździeł pracuje kruhłasutačna i hatovy akazvać ekstrannuju dapamohu. Praŭda, pasłuhi pieravozki čaściej za ŭsio płatnyja.

«Rašeńnie ab biazvypłatnaj transparciroŭcy prymajecca na ŭzroŭni kiraŭnika kampietentnaha orhana dziaržaŭnaha kiravańnia ŭ vyklučnych vypadkach», — havorycca na sajcie MZS. 

Ciapierašni kiraŭnik Centra arhanizacyi miedycynskaha reahavańnia — Dźmitryj Alchovik, były vajskoviec. Raniej jon zajmaŭ pasadu načalnika vajskova-miedycynskaha ŭpraŭleńnia Ministerstva abarony. Mienavita jon u svoj čas pakazvaŭ na telebačańni biełaruskuju vajskovuju aptečku, jakuju Łukašenka zapatrabavaŭ zrabić «lepš za nataŭskuju».

Dźmitryj Alchovik. Fota: ctv.by

Darečy, mienavita Centr arhanizacyi miedycynskaha reahavańnia byŭ u svoj čas atrymalnikam dapamohi, jakuju vydzialali ŭ Biełarusi na baraćbu z kavidam — jak unutry krainy, tak i z-za miažy. Usiaho ŭ 2020 hodzie na rachunak centra pryjšło dapamohi na sumu bolš za 73 miljony biełaruskich rubloŭ i jašče bolš za 87 miljonaŭ — u nastupnyja dva hady. U ich liku — srodki indyvidualnaj abarony, leki i vakcyny.

Centr častkova publikuje spravazdačy pra svaje vydatki na sajcie — adnak tam jość infarmacyja tolki pra biazvypłatnuju dapamohu z-za miažy. Kab daviedacca dakładnaje pryznačeńnie kankretnaha dabračynnaha płaciažu hramadzianina, supracoŭniki prapanujuć pryjści z kvitancyjaj ab apłacie.

Adnosna ž taho, kudy iduć hrošy, jakija ciapier prymusova zabirajucca ŭ ludziej na karyść hetaj arhanizacyi, u joj samoj žurnalistcy «Lusterka» adkazali:

«Hety rachunak adkryty dla ŭmacavańnia materyjalna-techničnaj bazy ŭstanoŭ achovy zdaroŭja. Na hety momant my ŭžo kupili pierasoŭny FAP dla Vierchniadźvinskaj balnicy. U nas u płanach ramonty roznych dziciačych adździaleńniaŭ. My kuplajem roznym arhanizacyjam abstalavańnie, ramonty robim, usio, što nieabchodna.

Jany pišuć zajaŭki ŭ Ministerstva achovy zdaroŭja, ministerstva razhladaje, i tady ź ich dazvołu my pieraličvajem hrošy abo kuplajem sami dla arhanizacyi, jakoj heta nieabchodna. My na siabie nie tracim, u nas niama kudy tracić, u nas łožkaŭ niama. Našy prafiesary-dacenty jeździać, kansultujuć ciažkachvorych pacyjentaŭ».

Kamientary1

  • Ryhorka
    19.06.2024
    Niama roźnicy, kudy łukašysckija bandyty z hubaziku albo KDB cynična prymušajuć achviar ichnaha teroru pieraličvać hrošy, bo heta dazvalaje vydatkavać bolš hrošaŭ padatkapłatnikaŭ dla ichnaha utrymańnia. Luby padobny prymus - heta rabavańnie, tamu hetyja hrošy musiać być viernutyja.

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam9

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →