Hramadstva1717

Navat praŭładny kanał aburyŭsia nakrutkaj padpisčykaŭ prapahandy ŭ jutubie. Hladzicie na ličby

Vypuski niekatorych pieradač nie źbirajuć i tysiaču prahladaŭ, choć padpisčykaŭ — nibyta miljon.

Ilustracyjny zdymak. Fota: «Naša Niva»

Dniami praŭładny telehram-kanał «Hrafač», viadzieńnie jakoha prypisvajuć ministru infarmacyi Maratu Markavu, pakpiŭ z kolkaści prahladaŭ videa na dziaržaŭnych jutub-kanałach. Kolkaść padpisčykaŭ tam «Hrafač» nazvaŭ krucielstvam.

«Nie moža być na jutub-kanałach z 1—1,6 miljona padpisčykaŭ — kolkaść prahladaŭ u bolšaści vidosaŭ pa paru tysiač», — napisaŭ aŭtar kanała.

Na kaho namiakaŭ?

Pad apisańnie traplajuć usie asnoŭnyja dziaržaŭnyja TB-kanały: STB (na ich u jutubie padpisana 1,05 młn), ANT (1,11 młn padpisčykaŭ), BT (na ich kanale Ahienctva telenavin 1,22 młn padpisčykaŭ). A taksama jutub-kanały «SB TV» (vydavieckaha doma «Biełaruś siehodnia») i BiełTA — tam 1,14 młn i 1,65 młn padpisčykaŭ adpaviedna.

Mienš za tysiaču prahladaŭ za miesiac

Pa łohicy, videa na takich kanałach musiać nabirać sotni tysiač prahladaŭ. Na spravie statystyka ŭ niekatorych kanałaŭ vyhladaje zusim inakš.

Najhoršaja situacyja z prahladami ŭ kanała «SB TV». Niahledziačy na miljonnuju aŭdytoryju padpisantaŭ, apošnija videa na kanale ŭ najlepšym vypadku nabirajuć pa niekalki tysiač prahladaŭ.

Fota: skrynšot sa staronki jutub-kanała @sbbytoday

Samym udałym za apošni miesiac było videa, u jakim prapahandystka Ludmiła Hładkaja brała intervju ŭ źbiehłaha polskaha sudździ Tomaša Šmita. Za miesiac jaho prahledzieli 9400 razoŭ.

Fota: skrynšot staronki ź jutub-kanała @sbbytoday

Admietna, što mnohija roliki nie nabirajuć i tysiačy prahladaŭ. I ŭsio heta na kanale-miljońniku.

Krychu lepšaj vyhladaje situacyja z prahladam šortsaŭ — karotkich videa. Ale zalatajuć adzinkavyja videa. Bolšaść karotkich videa taksama redka nabiraje bolš za 10 tysiač prahladaŭ. Samyja papularnyja čaściej za ŭsio nie źjaŭlajucca aŭtarskimi i tyčacca Ukrainy. 

Jutub-kanał STB taksama maje ścipłyja prahlady.

Fota: skrynšot staronki ź jutub-kanała @CTVBY

Kala pałovy videa, apublikavanych tam miesiac tamu, nie nabrali navat 10 tysiač prahladaŭ. Asobnyja roliki nie dasiahnuli i tysiačy.

Redkija roliki nabirajuć pa niekalki dziasiatkaŭ tysiač prahladaŭ, adzinki bolš za sto tysiač. Z šortsami situacyja vyhladaje lepšaj. Bolšaść karotkich videa majuć dziasiatki tysiač prahladaŭ, časam navat sotni tysiač. Ale varta adznačyć, što videa ŭ šortsach zvyčajna hladzić rasijskaja aŭdytoryja, a nie biełaruskaja.

Fota: skrynšot staronki ź jutub-kanała @CTVBY

U BiełTA ź jaje 1,65 miljona padpisantaŭ situacyja z prahladami vyhladaje bolš žyva.

Fota: skrynšot staronki ź jutub-kanała @beltavideo

Videa miesiačnaj daŭnaści mohuć mieć i pa niekalki dziasiatkaŭ tysiač prahladaŭ. Niekatoryja sabrali pa niekalki sotniaŭ tysiač.

Fota: skrynšot staronki ź jutub-kanała @beltavideo

Šortsy ŭ BiełTA hladziać nie nadta aktyŭna. Mnohija videa nie nabirajuć i 10 tysiač prahladaŭ. I heta na kanale z 1,65 miljona padpisčykaŭ. 

Jak takoje mahčyma?

Ścipłyja pakazčyki prahladaŭ pry miljonnych aŭdytoryjach padpisčykaŭ pakazvajuć na toje, što aŭdytoryi nie cikavy kantent, jaki pradukujuć hetyja kanały. Heta, u svaju čarhu, moža śviedčyć pra toje, što značnuju častku padpisčykaŭ nakrucili, kab ahulnaja ličba vyhladała pryhožaj.

Kali brać BiełTA ź jaje 1,65 młn padpisčykaŭ, možna zaŭvažyć, jak dziŭna rasła aŭdytoryja. Tak, naprykład, zhodna z danymi servisa socialblade.com, u lutym 2024 hoda aŭdytoryja kanała nie rasła, u sakaviku vyrasła adrazu na 80 tysiač, potym jašče na 30 tysiač u krasaviku i na 50 tysiač u mai.

Nakrucić padpisčykaŭ za hrošy — nie prablema. U siecivie možna adšukać mnostva sajtaŭ, jakija prapanujuć padobnyja pasłuhi.

Fota: skrynšot z sajta smmlaba.com

Aproč padpisčykaŭ, možna kuplać kamientaryi pad videa. 

Inšy čyńnik, jakim možna patłumačyć małyja prahlady pry vielizarnaj kolkaści padpisčykaŭ, — vialikaja dola rasijskaj aŭdytoryi. Tak, naprykład, pa stanie na viasnu 2023 hoda dola rasijskaj aŭdytoryi jutub-kanałaŭ biełaruskich dziaržaŭnych miedyja składała ad 42% u ANT da 58% u BiełTA. 

Kamientary17

  • daviedka
    22.06.2024
    «Jeŝio nie viečier!» – hromkaja priemjera (tok-šou) ONT, kotoroje zanimajet bolšie časa efirnoho vriemieni i hdie užie mnoho raz mieniali pary vieduŝich, vklučaja pieriekošiennoje lico HUBOPiK, jedva nabirajet sotni prosmotrov na YouTube.
  • daviedka
    22.06.2024
    Łukašienko poobieŝał novomu ministru pravdy, čto «Markov. Ničieho ličnoho» ostanietsia, no jeho srazu ubrało ONT.
  • Wunderwaffe
    22.06.2024
    Uvažajemyje žurnalisty Našiej Nivy i pročich biełaruskich izdanij. Jeśli by nie podobnyje staťji - ja by dažie nie znał, čto v Biełarusi suŝiestvužt takije kanały milliońniki

Stryžak pra Pratasieviča: Sa mnoj takoha adbycca nie mahło8

Stryžak pra Pratasieviča: Sa mnoj takoha adbycca nie mahło

Usie naviny →
Usie naviny

Biełaruś paćvierdziła rasstrelny prysud Kryhieru: «Hiermanii prapanavanyja kankretnyja rašeńni»7

Alaksiej Tałaj prapanavaŭ dać Łukašenku zvańnie Hieroja Biełarusi23

Zabojca polskaha sałdata na miažy ŭstanoŭleny. Jon usio jašče ŭ Biełarusi2

Što viadoma pra sudździu i prakurorku, jakija vynieśli śmiarotny prysud hramadzianinu Hiermanii2

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia5

U Minsku raspačaŭsia «forum patryjotaŭ», pryśviečany 30-hodździu kiravańnia Łukašenki15

U centry Kijeva źnieśli siadzibu Zialenskich4

U rasijskim Krasnadary ludzi pierakryli vulicu z-za adklučeńniaŭ śviatła1

Žančynu-mera na Filipinach abvinavačvajuć u špijanažy na Kitaj. Vyśvietliłasia, što jana nie taja, za kaho siabie vydavała1

bolš čytanych navin
bolš łajkanych navin

Stryžak pra Pratasieviča: Sa mnoj takoha adbycca nie mahło8

Stryžak pra Pratasieviča: Sa mnoj takoha adbycca nie mahło

Hałoŭnaje
Usie naviny →