Navuka i technałohii11

Heta karparacyja stała samaj darahoj kampanijaj śvietu, jana kaštuje bolš za $3,3 tryljona. Hetamu dapamahła staŭka na štučny intelekt

Ciapier kampanija kaštuje daražej, čym Microsoft, jakaja da ŭčorašniaha viečara ŭznačalvała suśvietny rejtynh samych darahich kampanij płaniety.

Kiraŭnik Nvidia Džensen Chuanh zrabiŭ staŭku na štučny intelekt zadoŭha da taho, jak hetaja technałohija stała papularnaj. AP Photo/Chiang Ying-ying

Košt akcyj amierykanskaha vytvorcy čypaŭ Nvidia padniaŭsia da histaryčnaha maksimumu i jana stała samaj darahoj kampanijaj u śviecie. Pośpiech firmy ŭ pieršuju čarhu źviazany ź jaje rašeńniem zrabić staŭku na siektar štučnaha intelektu. Da kanca tarhoŭ u aŭtorak akcyi Nvidia kaštavali amal 136 dalaraŭ — u sto razoŭ bolš, čym vosiem hadoŭ tamu, piša Bi-bi-si.

Ciapier kampanija kaštuje daražej, čym Microsoft, jakaja da ŭčorašniaha viečara ŭznačalvała suśvietny rejtynh samych darahich kampanij płaniety. U pačatku červienia Nvidia abahnała pa hetym pakazčyku Apple, adcisnuŭšy jaje na treciaje miesca.

Ciapier rynak aceńvaje Nvidia u 3,34 trłn dalaraŭ, tolki ź lutaha hetaha hoda košt kampanii vyrasła bolš čym u paŭtara raza.

Akramia hrafičnych kart dla piersanalnych kampjutaraŭ, Nvidia vyrablaje kampjutarnyja čypy, nieabchodnyja dla raspracoŭki i navučańnia štučnaha intelektu, i popyt na jaje pradukcyju imkliva raście — a razam ź im rastuć prodažy i prybytak.

U mai kampanija taksama abviaściła, što praviadzie drabnieńnie akcyj — praściej kažučy, u dziesiać razoŭ pavialičyć ich kolkaść, adpaviedna skaraciŭšy košt.

U kancy maja akcyi Nvidia tarhavalisia pa 1200 dalaraŭ — davoli bujnaja suma dla drobnych inviestaraŭ. Pa ciapierašniaj canie kupić akcyi kampanii moža praktyčna luby žadajučy.

Mnohija inviestary ličać, što dachody Nvidia mohuć vyraści jašče bolš, što pryviało da rezkaha rostu cany akcyj, choć jość i skieptyki, jakija sumniavajucca ŭ tym, što acenka kampanii rynkam adlustroŭvaje jaje sapraŭdny košt.

Adnak kankurencyja siarod raspracoŭščykaŭ štučnaha intelektu vielmi surovaja, i ŭ joj udzielničajuć usie supierciažkavahaviki technałahičnaha rynku — Microsoft, Alphabet (matčyna kampanija Google), Meta, Amazon i Apple.

Nvidia, jakaja vyrablaje pieravažnuju bolšaść čypaŭ dla hetaha rynku, akazałasia ŭ situacyi, kali popyt na jaje tavar prykmietna apiaredžvaje prapanovu.

Suzasnavalnik kampanii ŭ 1993 hodzie Krys Małachoŭski. Fota: Nvidia

Tamu inviestary i ličać, što kampanija praciahnie raści ŭ canie. U apošnija hady pakazčyki prodažaŭ i prybytku Nvidia pieraŭzyšli čakańni mnohich analitykaŭ.

U mai, paśla publikacyi apošnich finansavych vynikaŭ, technałahičny analityk kampanii Quilter Cheviot Ben Baryndžer zajaviŭ, što Nvidia «čarhovy raz uziała vielmi vysoki barjer».

«Popyt [na akcyi] taksama nie demanstruje prykmiet astudžeńnia», — dadaŭ jon.

Praŭda, jość i inšyja acenki: naprykład, u lutym kredytny analityk Barclays Sandyp Hupta zajaviŭ, što kampanii budzie ciažka ŭtrymać hetak vialikuju dolu rynku čypaŭ, uličvajučy jak raście kolkaść kankurentaŭ.

Hupta taksama adznačyŭ, što pakul nie naziraje vidavočnych miechanizmaŭ manietyzacyi prahramnaha zabieśpiačeńnia štučnaha intelektu — praściej kažučy, niezrazumieła, jak mienavita klijenty Nvidia zrobiać ź jaho hrošy.

Nvidia hetyja sumnievy nie spyniajuć. U sakaviku kampanija pradstaviła novaje pakaleńnie mikračypaŭ Blackwell, pryznačanych u pieršuju čarhu dla raspracovak u śfiery štučnaha intelektu.

Apple, Microsoft i Amazon taksama raspracoŭvajuć čypy z padtrymkaj ŠI, adnak pradukty asnoŭnych kankurentaŭ Nvidia pakul nie mohuć paraŭnacca pa mahutnaści i efiektyŭnaści navat z čypam H100, vypuščanym u 2022 hodzie.

Zaraz čypy H100 lažać u asnovie bolšaści isnujučych dadatkaŭ dla štučnaha intelektu. Papularny čat-bot ChatGPT navučaŭsia z dapamohaj 10 tysiač hrafičnych pracesaraŭ Nvidia, ustanoŭlenych u supierkampjutary Microsoft.

Kamientary1

  • Šyz
    19.06.2024
    Nievialikaje ŭdakładnieńnie. Staŭku jon zrabiŭ nie na ŠI, a na chajp vakoł jaho. Bo zabaŭka hetaja nie biaspłatnaja i navat nie tannaja. Pakul vy hulajeciesia z HPT-čatam, atrymlivajučy nol karyści ŭ vyniku, Chuanh zajmajecca zvyčajnym kłasičnym biznesam: vyrablaje i pradaje čypy.

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł23

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Čarha lehkavych aŭto na ŭjezd u Polšču ź Biełarusi pavialičyłasia ŭ čatyry razy5

Juryj Čyž pajšoŭ u rasijski sud, kab pazmahacca za svoj małakazavod u Hielendžyku

Jak transhiendar abvaliŭ prodažy samaha papularnaha amierykanskaha piva15

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam23

Nie rabicie hetuju pamyłku ŭ zachoŭvańni chleba5

Nazirajecca maštabny zboj elektroniki pa ŭsim śviecie. Aeraporty admianiajuć paloty13

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł23

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →