Vyznačylisia patencyjnyja supierniki biełaruskich kłubaŭ u druhim raŭndzie jeŭrakubkaŭ
Minskaje «Dynama» ŭ vypadku pieramohi nad armianskim «Piunikam» u 2-m raŭndzie kvalifikacyi Lihi čempijonaŭ sustreniecca ź pieramožcam pary «Łudahorac» — «Dynama» Batumi.
U Ńjonie (Šviejcaryja) adbyłosia losavańnie 2-ha kvalifikacyjnaha raŭnda Lihi čempijonaŭ.
Pa jaho vynikach vyznačylisia, z kim moža sustrecca minskaje «Dynama», kali jamu ŭdasca pieraadoleć pieršy raŭnd kvalifikacyi.
Kali minčuki pieramohuć «Piunik», to ŭ druhim raŭndzie kvalifikacyi jany zhulajuć ź pieramožcam pary «Łudahorac» (Bałharyja) — «Dynama» Batumi.
Matčy 1-ha raŭnda projduć 9-10 i 16-17 lipienia, druhoha raŭnda — 23-24 i 30-31 lipienia.
«Łudahorac» z Razhrada — niaźmienny čempijon Bałharyi z 2013 hoda, raniej byŭ zaŭsiodnikam hrupavoha raŭnda Lihi čempijonaŭ, ale apošni raz hulaŭ tam u siezonie 2016-2017.
U minułym siezonie hulaŭ u hrupavym raundzie Lihi kanfierencyj, u hrupie z «Fienierbachče». «Noršełanam» i «Spartakom» Trnava zaniaŭ druhoje miesca, adnak vylecieŭ 1/16 finału, prajhraŭšy šviejcarskamu «Siervietu» (0:0, 0:1).
A «Dynama» Batumi vylecieła ŭ minułym hodzie ŭ pieršym raundzie kvalifikacyi Lihi kanfierencyj, prajhraŭšy ałbanskaj «Tyranie».
U vypadku paražeńnia ad «Piunika» ŭ 1-m kvalifikacyjnym raundzie Lihi čempijonaŭ minskaje «Dynama» sustreniecca ŭ 2-m kvalifikacyjnym raundzie Lihi kanfierencyj z kamandaj, jakaja prajhraje ŭ pary toj ža stadyi «Słovan» (Słavakija) — «Struha» (Paŭnočnaja Makiedonija).
«Nioman», jaki startuje z druhoha raŭndu, zhulaje z rumynskim «Kłužam».
Pieramožca pary «Isłač» — «La Fijaryta» (San-Maryna) zhulaje z tureckim «Istanbuł Bašakšiechir».
A pieramožca pary «Tarpieda-BiełAZ» — «Miłsami» (Małdova) zhulaje suprać «Astany» (Kazachstan).
Matčy projduć 25 lipienia — 1 žniŭnia.
Cichanoŭskaja pavinšavała tvitar z hadavinaj bitvy pad Oršaj. I tut pačałosia6
Cichanoŭskaja pavinšavała tvitar z hadavinaj bitvy pad Oršaj. I tut pačałosia
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2727
Kamientary