Ekanomika

«Z takoj canoj jana tam piacihodku lažać budzie». Biełarusaŭ uraziła cana na rybu ŭ minskim supiermarkiecie

Žychar Minska padzialiŭsia ŭ tyktoku videarolikam, u jakim prademanstravaŭ canu vialenaj koruški ŭ adnoj z papularnych handlovych sietak. Akazałasia, što za kiło takoj ryby pryjdziecca vykłaści až 165 biełaruskich rubloŭ, zaŭvažyŭ Telegraf.news. I heta pa akcyi.

Supierdarahuju korušku mužčyna prykmieciŭ u adnoj z kramaŭ handlovaj sietki «Karona».

Miarkujučy pa infarmacyi na ceńniku, cana ŭ 165 rubloŭ — akcyjnaja. A biez uliku źnižki kiłahram vialenaj koruški ź ikroj z Rasii abyšoŭsia b uvohule ŭ 199,95 rubla.

«Adkul takaja cana na hetuju rybu? Heta ž nie niejki tam asietr, tuniec abo marlin. Čamu jana kaštuje takich hrošaj, chto viedaje?», — zadaŭsia pytańniem aŭtar videarolika.

@artem2020roma #cieny #koriuška #korona #minsk #čtościenoj ♬ orihinalnyj zvuk - Artiem Romanovič

Mnohija karystalniki sacsietki padzialili ździŭleńnie aŭtara, prytym niekatoryja žartavali, a inšyja aburalisia.

«Z Sachalina da Minska na taksi jechała», — pažartavaŭ adzin kamientatar, a druhi dadaŭ: «Prytym kožnaja na asobnym taksi».

«Ja ŭ šoku. Krab kamčacki kaštuje 99,99 rubla. A tut…», — aburyŭsia inšy karystalnik.

Niekatoryja kamientatary spasłalisia na palityku kramy. Maŭlaŭ, u «Karonie» zaŭsiody vialikaja nacenka. Chtości vykazaŭ zdahadku, što hetuju rybu niaprosta zdabyvać. Znajšlisia i tyja, chto paličyŭ takuju canu apraŭdanaj.

«Heta dalokaŭschodniaja koruška, a nie vaša zvyčajnaja pa 5 sm. Jana vialikaja i ikornaja. Pa smaku ja lepšaj vialenaj ryby nie jeŭ! Ale hałoŭnaje, kab jana była nie pierasušanaja i nie lažała paŭhoda», — napisaŭ adzin kamientatar, u čym ź im nie pahadzilisia: maŭlaŭ, «z takoj canoj jana tam piacihodku lažać budzie».

Niekatoryja kamientatary pryviali canu na hety vid ryby ŭ roznych sietkavych kramach.

«U Śviatłafory 6,99 za kh marožanaj», — zaŭvažyŭ adzin kamientatar. Inšy ŭ «Hipa» bačyŭ korušku chałodnaha vendžańnia pa 26 rub za kiłahram. «Kiło śviežamarožanaj koruški ŭ internet-kramie kaštuje 25 rubloŭ. Astatniaje ŭziali «za pavialić», — zajaviŭ jašče adzin.

Darečy, kiłahram mienavita vialenaj koruški ź ikroj kaštuje davoli doraha i ŭ inšych kramach. Tak, naprykład, na sajcie Beluga.by za kiłahram vialenaj dalokaŭschodniaj koruški ź ikroj prosiać 85 rubloŭ. Ale kupić takuju rybu bieź ikry možna značna tańniej. Tak, u «Jedastaŭcy» kiło nierazabranaj sušana-vialenaj koruški abyjdziecca ŭ 34,95 rubla.

Kamientary

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Usie naviny →
Usie naviny

Rasstrelnaja sprava Ryka Kryhiera tyčycca jaho ŭdziełu ŭ Pałku Kalinoŭskaha — pravaabaroncy5

U centry Minska lehła na bok mašyna milicyi VIDEA9

U Minsku buduć sudzić viadomaha kancertnaha fatohrafa

U Izraili pry atacy drona zahinuŭ repatryjant ź Biełarusi

Interpał vyklučyŭ sa svajho «čyrvonaha śpisu» režysiora Andreja Hniota. Ale heta jašče nie kaniec spravy1

Polskija śpiecsłužby rasśledujuć pahrozu zabojstva Paŭła Łatuški 10

«Dzieci hulali, a źmiaja płavała ŭ łužynie». U rajonie Barysava našeście hadziuk — kamunalniki nie reahujuć5

Pierasadžvacca ŭ inšy aŭtobus u čarzie na miažy bolš nielha? Zdajecca, tak3

Łukašenka prapanavaŭ adsiakać ruki tym, chto kradzie ŭ sielskaj haspadarcy6

bolš čytanych navin
bolš łajkanych navin

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Hałoŭnaje
Usie naviny →