Palicyja štata Ńju-Jork aryštavała viadomaha amierykanskaha śpievaka i akciora Džaścina Cimbierlejka za kiravańnie aŭtamabilem u niećviarozym vyhladzie. Nieŭzabavie jamu vystaviać aficyjnaje abvinavačvańnie.
Tymbierłejka aryštavali ŭ miastečku Sah-Charbar na vostravie Łonh-Ajlend, viadomym jak miesca letniaha adpačynku zamožnych žycharoŭ Ńju-Jorka. Pry jakich mienavita abstavinach śpiavak byŭ aryštavany, pakul nie paviedamlajecca.
U najbližejšy čas 43-hadovy Tymbierłejk źbiraŭsia vypravicca ŭ suśvietnaje turne paśla vychadu jaho šostaha alboma Everything I Thought It Was.
Džaścin Tymbierłejk — adzin z najpapularniejšych muzyčnych vykanaŭcaŭ u śviecie. Svoj pieršy solny albom Justified śpiavak vydaŭ u 2002 hodzie, jon razyšoŭsia tyražom bolš za 8 młn asobnikaŭ.
U minułym hodzie ŭ adnym ź intervju Cimbierłejk pryznaŭsia, što ŭ jaho karjery byŭ pieryjad, kali jon złoŭžyvaŭ ałkaholem. Sajt Singersroom raskazaŭ, što jon surjozna mieŭ namier źmianić svajo žyćcio, źviarnucca pa dapamohu, pazbavicca ad ałkaholnaj zaležnaści i ŭ cełym zaniacca svaim zdaroŭjem.
Kamientary