Hienprakuratura Ukrainy paviedamiła pra abiezhałoŭlivańnie ŭkrainskich pałonnych rasijskimi vajskoŭcami
Hienieralny prakuror Ukrainy Andrej Kościn u sacsietcy X zhadaŭ pra «novyja žudasnyja dokazy złačynnaj palityki RF, nakiravanaj na źniščeńnie ŭkraincaŭ».
Pavodle Andreja Kościna, jahonaje viedamstva atrymała infarmacyju, što rasijskija kamandziry addali zahad nie brać u pałon ukrainskich vajskoŭcaŭ, zatoje zabivać ich ź niečałaviečaj žorstkaściu — šlacham abiezhałoŭlivańnia. Fakt ździajśnieńnia padobnaha złačynstva, pavodle jaho, byŭ zafiksavany ŭ Danieckaj vobłaści.
Jak śćviardžaje ŭkrainski hienieralny prakuror, «hetyja złačynnyja zahady byli addadzienyja na ŭzroŭni kiraŭnictva bataljona i roty akupacyjnych vojskaŭ».
U paćviardžeńnie słoŭ jon apublikavaŭ fota ŭkrainskaha bronieaŭtamabila «Kozak-7», na kapocie jakoha, miarkujučy pa ŭsim, lažyć hałava čałavieka, jakaja na zdymku zabluranaja.
Niekalki zabitych pry šturmie zachopnikaŭ byli ŭ kajdankach. Što nie tak u aficyjnaj viersii z zakładnikami ŭ rastoŭskim SIZA
«Vyklikaje asacyjacyi z nacysckimi łahierami śmierci». Ukraincy pakazali čałavieka paśla dvuch hadoŭ rasijskaha pałonu
Ukraina i Rasija praviali pieršy ź lutaha abmien vajennapałonnymi
Kamientary