Łukašenka stvaryŭ pracoŭnuju hrupu, jakaja budzie sačyć za Akademijaj navuk. Jaje ŭznačaliŭ hałoŭny kantralor
Hrupa budzie analizavać dziejnaść NAN i rabić spravazdačy.
Alaksandr Łukašenka stvaryŭ pracoŭnuju hrupu pa analizie dziejnaść Nacyjanalnaj akademii navuk.
Novy orhan uznačaliŭ staršynia Kamiteta dziaržkantrolu Vasil Hierasimaŭ. U skład hrupy ŭvajšli «niezaležnyja kampietentnyja ekśpierty, aŭtarytetnyja navukoŭcy, jakija vałodajuć hłybokimi viedami, vysokaj kvalifikacyjaj, značnym dośviedam pracy ŭ navukovaj śfiery i sistemie dziaržaŭnaha kiravańnia», piša pres-słužba Łukašenki.
Pry nieabchodnaści da pracy buduć padklučacca čynoŭniki i profilnyja śpiecyjalisty.
Pracoŭnaja hrupa budzie vyvučać pytańni praktyka-aryjentavanaści i vynikovaści navukovych daśledavańniaŭ i raspracovak NAN Biełarusi, ukaranieńnia raspracovak u halinach ekanomiki i sacyjalnaj śfiery, raspracoŭki impartazamiaščalnaj pradukcyi i technałohij, ekspartu navukova-techničnaj pradukcyi.
Pracoŭnaja hrupa budzie abaviazanaja štohod da 15 lipienia (u biahučym hodzie — da 1 listapada) padavać Łukašenku dakład ab vynikach pracy i prapanovy pa rašeńni prablemnych pytańniaŭ.
Kamientary