Hramadstva88

«Adna z samych składanych evakuacyj apošniaha času». Ź Biełarusi vyjechaŭ pravaabaronca Alaksandr Ramanovič

Pra evakuacyju ź Biełarusi pinskaha pravaabaroncy i hramadskaha aktyvista Alaksandra Ramanoviča paviedamiŭ kiraŭnik fondu salidarnaści «Bajsoł» Andrej Stryžak, adznačyŭšy, što «heta byŭ adzin z samych składanych evakaŭ apošniaha času». 

Alaksandr Ramanovič. Fota: Bajsoł

Alaksandr Ramanovič pačynajučy z 2003 hoda aktyŭna ŭdzielničaŭ u pieradvybarnych kampanijach u Biełarusi: byŭ naziralnikam, siabram učastkovaj kamisii i kandydatam u deputaty roznych uzroŭniaŭ. Z 2007 hoda byŭ siabram partyi BNF i ruchu «Za Svabodu». 

U 2020 hodzie ŭdzielničaŭ u šmatlikich mirnych akcyjach pratestu suprać falsifikacyi vynikaŭ vybaraŭ. Akazvaŭ pravavuju dapamohu ludziam, jakija sutyknulisia ź pieraśledam: kansultavaŭ, rychtavaŭ da sudovych pracesaŭ. Naviedvaŭ sudovyja pasiadžeńni pa palityčnych pracesach i padtrymlivaŭ ludziej až da apošniaha zatrymańnia ŭ 2024 hodzie.

Ahułam z 2020 pa 2024 hod Ramanovič pryciahvaŭsia da administracyjnaj adkaznaści 7 razoŭ, pieražyŭ niekalki pieratrusaŭ.

U sakaviku 2024 hoda ranicaj, vyłamaŭšy dźviery ŭ chacie, da jaho ŭvarvalisia supracoŭniki HUBAZiK ź siłavikami «Štormu» i brutalna zatrymali. Napiaredadni była zaviedzienaja čarhovaja kryminalnaja sprava suprać pravaabarončaha centru «Viasna», i siłaviki šukali suviaź pamiž im i Ramanovičam. Adnak nieŭzabavie jamu pryznačyli datu suda i adpuścili dadomu.

Praź niekalki dzion u siabie na telefonie pravaabaronca vyjaviŭ ustalavanuju špijonskuju prahramu, zamaskavanuju pad «sistemnyja naładki» z šyrokim dostupam da ŭsich funkcyj telefona: kamiery, mikrafona, miescaznachodžańnia, fajłaŭ i h.d. Kali jon vydaliŭ jaje, jaho znoŭ zatrymali i aryštavali na 15 sutak.

Paśla hetaha, nie čakajučy čarhovaha aryštu, Ramanovič terminova źjechaŭ ź Biełarusi.

Ciapier jon znachodzicca ŭ Polščy, dla jaho padtrymki abvieščany dabračynny zbor na płatformie «Bajsoł».

Kamientary8

  • Usie
    18.06.2024
    chto znachodzicca pad pilnym kaŭpakom biełaruskich śpiecsłužb, moža trapić za miažu tolki praź ich dazvoł i pa ich zadańni.
  • Kient
    18.06.2024
    Usie, kiepačku z folhi nadzieńcie))
  • Śmiešna
    18.06.2024
    [Red. vydalena]

Stała viadoma pra aryšt historyka Ihara Mielnikava3

Stała viadoma pra aryšt historyka Ihara Mielnikava

Usie naviny →
Usie naviny

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

Pucin zrabiŭ Z-śpievaka Šamana zasłužanym artystam Rasii5

Jeŭrasajuz pačynaje pieramovy pra biaźvizavy režym z Armienijaj3

Biaźvizam u Biełaruś pieršym skarystaŭsia hramadzianin Hiermanii9

Zianon Paźniak vydaŭ čarhovuju knihu19

U čornych busłoŭ u Biełarusi stała vyvodzicca bolš ptušaniat. U čym pryčyna?

Stryžak raskazaŭ, jak zmoh tak pachudzieć8

Padrabiaznaści teraktu Kryhiera pad Aziaryščam — razburanyja špały i nivodnaha paranienaha10

bolš čytanych navin
bolš łajkanych navin

Stała viadoma pra aryšt historyka Ihara Mielnikava3

Stała viadoma pra aryšt historyka Ihara Mielnikava

Hałoŭnaje
Usie naviny →