Hramadstva

U Vałožynie rychtavalisia da «Dažynak», a znajšli padmurak kaścioła XVII stahodździa

U Vałožynie padčas raskopak vyjavili elemient budynka kaścioła XVII stahodździa. Pra heta raskazaŭ navukovy supracoŭnik Instytuta historyi NAN Biełarusi Siarhiej Linievič.

Fota: Instytut historyi NAN

Raskopki ŭ histaryčnym centry Vałožyna prachodziać u ramkach padrychtoŭki horada da «Dažynak». Pavodle zakona, lubyja budaŭničyja raboty razam z abjektami historyka-kulturnaj spadčyny pavinny supravadžacca archieałahičnymi daśledavańniami, piša BiełTA.

U pryvatnaści, pablizu kaścioła pa prajekcie dobraŭparadkavańnia centra Vałožyna budaŭniki pavinny abstalavać parkoŭku.

«Toje, što było vyjaŭlena pry praviadzieńni ziemlanych rabot, možna ličyć vialikim pośpiecham dla archieołahaŭ. Viadoma, što ŭ hetym miescy niekali stajaŭ kaścioł, pabudavany prykładna ŭ apošniaj čverci XVII stahodździa. Jon byŭ draŭlanym i zhareŭ u 1814 hodzie. Nijakich bolš padrabiaznych źviestak pra abjekt nie zachavałasia», — raskazaŭ Linievič.

Archieołah adznačyŭ, što ŭ adnym z raskopaŭ znajšli padmurak pabudovy, jakaja datujecca XVII stahodździem.

«Niedaloka byŭ zafiksavany vielmi mahutny padmurak vialikaha budynka. Papiarednie možna skazać, što pieršy budynak — heta plabań (dom, u jakim žyli ksiondz i prysłuha), a druhi — kaścioł. Ciapier sprabujem vyznačyć ich miežy», — raskazaŭ Linievič.

Historyki znachodziacca na suviazi ź miascovymi ŭładami, kab znajści rašeńnie i skarektavać dalejšaje ŭparadkavańnie z ulikam kaštoŭnych znachodak.

«Akramia elemientaŭ budynkaŭ, na miescy raskopak było vyjaŭlena mnostva artefaktaŭ. Na miescy mierkavanaj plabani znojdzienyja frahmienty posudu, šklanoha i kieramičnaha, akonnaha škła, u kucie padmurka — zachavanaja piečka, pakrytaja kaflami palivanymi zialonaha koleru. Charakterna, što pieredni bok piečy, paviernuty da ŭvachodu, byŭ palivany, a tylny — terakotavy biez hłazury», — adznačyŭ historyk.

Ciapier archieołahi pravodziać rasčystku padmurka. Na pavierchniu ŭžo vyjšli niekalki frahmientaŭ marmurovaj plitki.

«Sprabujem zrazumieć: heta elemienty kaścioła ci znachodka bolš poźniaha pieryjadu. Raboty ŭ samym razhary, ale zrazumieła adno — historyja Vałožyna adkryłasia jašče na dva stahodździ tamu, bo asnoŭnyja histaryčnyja pabudovy ŭ centry datujucca XIX stahodździem», — dadaŭ Siarhiej Linievič.

Pradstaŭniki miascovaha muzieja pastajanna prychodziać da miesca raskopak, spadziejučysia, što ŭžo ŭ chutkim časie ekspazicyja papoŭnicca novymi ekspanatami. Nie vyklučana, što ŭ haściej horada źjavicca mahčymaść ubačyć frahmienty staroha horada pad škłom, bo častka padmurka, chutčej za ŭsio, u budučyni budzie ekspanavacca.

Kamientary

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Usie naviny →
Usie naviny

Tramp raskazaŭ, što cudam jaho vyratavała ad kuli3

Łatvija z 16 lipienia zabaraniaje ŭjezd mašyn ź biełaruskimi numarami 3

Lidzija Jarmošyna pra svaje strachi ŭ 2020: Z parłamienta prabirałasia čornymi chadami11

U časie bury mocna paciarpieli ptuški. Adziny ŭ krainie prytułak dla ich nie daje rady — jamu patrebnaja dapamoha

Ukrainskija ambicyi mieć F-16 raźbivajucca ab moŭny barjer, uźlotna-pasadačnyja pałosy i zapčastki — Bloomberg29

Cierciel zajaviŭ, što Ukraina adviała vojski ad biełaruskaj miažy jašče 3—4 lipienia1

«Au! Kudy vy źnikli?» Jak minčanka pierajhrała kvaternych afierystaŭ

Biez elektryčnaści zastajecca 851 nasieleny punkt Homielskaj vobłaści. U Mazyry niama śviatła, vady, nie pracujuć pradpryjemstvy

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

bolš čytanych navin
bolš łajkanych navin

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Hałoŭnaje
Usie naviny →