Śviet1818

Čatyry žonki Ramzana Kadyrava, jakija naradzili jamu 14 dziaciej: chto jany

Novy dakumientalny film raskryŭ tajamnicy asabistaha žyćcia kiraŭnika Čačni. U tym liku imia maci Adama Kadyrava.

Ramzan Kadyraŭ. Skrynšot ź videa jaho pres-słužby. 22 krasavika 2024 hoda

Rasijskaje niezaležnaje miedyja «Prajekt» vypuściła dakumientalny film «Viertykal Kadyrava. Poŭnaja kryvi bijahrafija». Za niapoŭnyja sutki film nabraŭ amal miljon prahladaŭ.

Akramia padrabiaznaha razhladu akaličnaściej palityčnaj karjery Ramzana Kadyrava, u filmie raskazvajecca i pra jaho asabistaje žyćcio.

Viadoma, što ŭ kiraŭnika Čačni, niahledziačy na zabaronu rasijskimi zakonami, niekalki žonak. Akramia ich, Kadyraŭ maje vialikuju kolkaść nałožnic. Dla taho, kab dziaŭčaty nie byli abvinavačanyja ŭ błudzie, afarmlajecca časovy isłamski šlub — nikach.

Žurnalisty pryvodziać słovy znajomaha Ramzana: «Kadyraŭ addaje pieravahu niekranutym junym dziaŭčatam, školnicam abo studentkam pieršych kursaŭ. U jaho jość pamahaty, jaki zachoŭvaje kantakty mnostva maładzieńkich čačenak. Dziasiatki, moža, sotni».

U junactvie Ramzan Kadyraŭ zachaplaŭsia svajoj ravieśnicaj Žanetaj Mukujevaj. Ale jana vyjšła zamuž za inšaha. Kali praź niekatory čas žančyna raźviałasia, to ŭ ich z Ramzanam pačalisia blizkija adnosiny.

U 2003 hodzie Žaneta była rasstralana prosta na vulicy. Dvoje znajomych z Kadyravym ludziej śćviardžajuć, što heta było zroblena na jaho zahad. Pryčynaj mahła stać niejkaja pravinnaść žančyny.

Žaneta Mukujeva. Fota: projekt.media

Siarod byłych nałožnic Ramzana žurnalisty nazyvajuć śpiavačku Chutmat Dadajevu. Aficyjna jana ličyłasia pamočnicaj Ramzana, kurataram moładzievaj palityki i žanočaha kłuba «Iman» (abjadnańnia žančyn — prychilnic Kadyrava). Paśla taho, jak Chutmat u niečym asłuchałasia Kadyrava, jana straciła pasadu.

Chutmat Dadajeva. Fota: projekt.media

Žurnalisty raskazvajuć historyju inšaj papularnaj u minułym u Čačni śpiavački Tamiły Sahaipavaj. U 2012 hodzie jana zapisała pieśniu «Moj Nanak». Nanak — heta trochi źmienienaje chatniaje imia «Nanat», jakim dzieci nazyvajuć Ramzana Kadyrava. U tekście pieśni zhadvajecca šmat imionaŭ blizkich da Ramzana žančyn.

Paśla znajomstva z Kadyravym Tamiła znajšła blizkaha čałavieka, što nie spadabałasia Ramzanu. Žančyna była žorstka źbitaja i vielmi chutka źnikła z estrady. Navat jaje videa pastaralisia prybrać ź internetu. Ciapier žančyna žyvie za miažoju.

Aŭtary śćviardžajuć, što ŭ kiraŭnika Čačni čatyry žonki. Heta aficyjnaja Miedni Kadyrava, a taksama Facima Chazujeva, Aminat Achmadava i Zamira (pa pašparcie Indzira) Džabraiłava. Ad ich usich Kadyraŭ maje dziaciej, maci jakich aficyjna ličycca Miedni. Na siońnia 42-hadovaja žančyna maje 14 dziaciej.

Čatyry žonki Kadyrava. Fota: projekt.media

U materyjale śćviardžajecca, što sapraŭdnaj maci Adama Kadyrava źjaŭlajecca Zamira (Indzira) Džabraiłava.

U 14 hadoŭ jana stała pieramožcaj adzinaha ŭ historyi Čačni konkursu pryhažości, jaki pravodziŭsia ŭ 2006 hodzie. Praz paŭtara hoda jana naradziła Kadyravu syna, maci jakoha aficyjna ličycca Miedni Kadyrava.

Zamira Džabraiłava i Ramzan Kadyraŭ. 2006 hod. Fota: projekt.media

Druhoje miesca na zhadanym konkursie pryhažości zaniała Facima Chazujeva, jakoj, jak i Zamiry, na toj momant było 14 hadoŭ. Kali prachodziŭ konkurs, dziaŭčynka ŭžo była ciažarnaja ad Ramzana. U kancy taho hoda jana naradziła syna Eli. Usiaho ž u jaje ad Kadyrava čaćviora dziaciej.

Siamiejnaje fota Kadyravych. Na im dačka Facimy Chazujevaj abdymaje Miedni Kadyravu, jakaja aficyjna ličycca jaje mamaj. Fota: projekt.media

Svaich žonak Kadyraŭ zabiaśpiečyŭ asobnymi damami. Tak, Aminat Achmatava, jakaja ŭ 2014 hodzie naradziła jamu syna Šejch-Muchamada, jakoha tradycyjna pradstaŭlajuć jak syna Miedni Kadyravaj, žyvie niedaloka ad rezidencyi kiraŭnika Čačni. U niepasrednaj blizkaści ad rezidencyi znachodzicca i dom Facimy Chazujevaj.

Aŭtary rasśledavańnia zaŭvažajuć, što razam sa svaim haremam Ramzan Kadyraŭ pieryjadyčna adpačyvaje ŭ Dubai. Tam, jak raskazaŭ adzin ź vidavočcaŭ, nałožnicy razam z Kadyravym hulajuć u «Mafiju».

Kamientary18

  • Ohoń Błahodatnyj
    18.06.2024
    Vopros armianskomu radio: «Kak oficialno imieť hariem nałožnic?»
    Otviet: «Nikach».
  • Fiedzia
    18.06.2024
    Lubitiel školnic, žarienoj śvininy i ałkohola:)))
  • rdynski śviet, ŭ dzieda vovy i našaha satrapa takaja samaja palihamija
    18.06.2024
    rasijanska - ardynski śviet, ŭ dzieda vovy i našaha satrapa takaja samaja palihamija . ničoha rasiejskamoŭnyja lubiać takich baciak

Jarmošyna raskazała, kaho dapuściać da ŭdziełu ŭ vybarach-202512

Jarmošyna raskazała, kaho dapuściać da ŭdziełu ŭ vybarach-2025

Usie naviny →
Usie naviny

U Minsku na dziaŭčynu, jakaja viartałasia ź plažu, upała dreva. Jana zahinuła3

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

«Bunt» z-za rajona, čaŭnaki na paŭzie i los staroha parku. Čym žyvie samy zachodni horad Biełarusi?

bolš čytanych navin
bolš łajkanych navin

Jarmošyna raskazała, kaho dapuściać da ŭdziełu ŭ vybarach-202512

Jarmošyna raskazała, kaho dapuściać da ŭdziełu ŭ vybarach-2025

Hałoŭnaje
Usie naviny →