Sport44

Čamu Aryna Sabalenka admoviłasia vystupić na Alimpijadzie ŭ Paryžy?

Alimpijski turnir usiaho tolki druhi raz za ŭsiu sučasnuju historyju tenisu na Alimpijadach budzie ładzicca na hruntavych kortach.

Fota: Christophe Ena / AP

Hałoŭnaja pryčyna — kłopat pra zdaroŭje, źviartaje ŭvahu žurnalist «Biełsata» Aleś Puciła.

«Ja nie budu hulać na Alimpijadzie ŭ suviazi z usimi praviłami WTA (Žanočaja tenisnaja asacyjacyja), što praduhledžvajuć udzieł u abaviazkovych turnirach. Prychodzicca čymści achviaravać. Na žal, ja mušu vyklučyć mienavita Alimpijskija hulni. Na hetym etapie majoj karjery i asabliva z ulikam usich ciažkaściaŭ, što ja pieražyła za apošnija miesiacy, mnie treba pakłapacicca pra svajo zdaroŭje», — raspaviała Sabalenka na pres-kanfierencyi ŭ Bierlinie.

Pieršapačatkova, paśla zakančeńnia Adkrytaha čempijanatu Francyi, na Alimpijadu byli dapuščanyja 69 tenisistak, u tym liku Sabalenka i inšaja biełaruska Viktoryja Azaranka. Ale ŭžo siamiora ź ich (z ulikam Sabalenki) abviaścili pra niemahčymaść svajoj pajezdki ŭ Paryž z roznych pryčynaŭ.

@nashaniva Aryna Sabalenka razburyła novuju siamju #biełaruś #biełorusy #novostibiełarusi #biełaruskajamova #arinasobolenko #tieńnis ♬ Criminals - F.O.O.L

Samaje hałoŭnaje ŭ tym, što alimpijski turnir usiaho tolki druhi raz za ŭsiu sučasnuju historyju tenisu na Alimpijadach budzie ładzicca na hruntavych kortach.

Raniej piasok dla alimpijcaŭ padściłaŭsia tolki na Hulniach-1992 u Barsełonie. Vyšejšymi za Alimpijadu ŭ tenisistaŭ ličacca čatyry spabornictvy: adkrytyja čempijanaty Aŭstralii, Francyi, Vialikaj Brytanii i ZŠA. Hałoŭnyja turniry čatyrochhodździa adbuducca ŭ Paryžy paśla travianoha «Ŭimbłdanu». A davoli chutka pa Alimpijskich hulniach tenisisty vymušanyja buduć vystupać užo na hardzie, što ścielecca na «US OPEN». I heta, na adroźnieńnie ad piasku i travy, žorstkaja, pieravažna z asfaltu ci bietonu, asnova bieź śpiecyjalnych padkładak i źmiakčalnych płastoŭ. Zrazumieła, što z takim vyklikam — hulnioj na troch roznych pakryćciach za adnosna karotki pieryjad — nichto z sučasnych tenisistaŭ nie sutykaŭsia nikoli. Raniej Sabalenka vystupała na Alimpijadzie tolki adnojčy. Ale Tokia-2020 try hady tamu staŭ dla jaje nieščaślivym. Jana zdoleła pieramahčy tam tolki adnojčy i ŭ druhim kole vybyła z dalejšaj baraćby.

«Heta tak składana… Heta zanadta, kali mieć na ŭvazie raskład. I ja pastanaviła pakłapacicca pra svajo zdaroŭje. Bo na Adkrytym čempijanacie Francyi pieražyła horšy dośvied majho žyćcia na korcie. Ja hulała z traŭmami, ale kali ŭ ciabie jašče i zachvorvańnie straŭnika i ŭvohule nie maješ siłaŭ hulać u čverćfinale turniru «Vialikaha šlema» — sapraŭdy žachlivy dośvied. Ale heta tak. Dumaju, majo cieła prosta prasiła adpačynku i mnie nieabchodna znajści paru dzion, kab rassłabicca i ŭznavicca paśla ciažkich traŭmaŭ», — zaznačyła Sabalenka na pres-kanfierencyi ŭ Bierlinie.

Na Alimpijadach spartoŭcy nie atrymlivajuć nie tolki pryzavych, ale i rejtynhavych bałaŭ. A niekalki miesiacaŭ tamu WTA pryniała dziŭnyja pastanovy, dadaŭšy ŭ lik abaviazkovych adrazu niekalki turniraŭ.

Chacia tenisistki raźličvali, što ŭsio budzie bolš pastupova. Mierkavałasia, što Rym-2024 da nieabchodnych dla hadavoha rejtynhu dałučycca tolki naleta, jašče praz hod — Taronta ci Manreal. Ale ŭžo sioleta kalandar pavialičyŭsia, pa-pieršaje, za košt spabornictvaŭ najhałoŭniejšaj paśla mejdžaraŭ katehoryi «1000» — z 9 da 10 (vierniecca vosieński supierturnir u kitajskim Ŭuchani). A piać z takich tysiačnikaŭ padoŭžanyja pa časie praviadzieńnia i vychodziać za tydniovyja miežy. A voś lik turniraŭ z samym nizkim dla prafiesijanałaŭ statusam — «250» — skaraciŭsia.

Takim čynam, u śpisie ŭdzielnikaŭ Alimpijady ŭ Paryžy pakul zastajecca tolki adna biełaruska — Viktoryja Azaranka [Na Alimpijadzie ŭ Łondanie jana vyjhrała zołata ŭ mikście z Maksimam Mirnym i bronzu ŭ indyvidualnym razradzie — NN].

Siońnia jana startuje na turniry ŭ Bierlinie, dzie hulaje i Sabalenka, jakaja, adnak, dałučycca paźniej. Bo vysoki rejtynh dazvoliŭ joj vystupać u stalicy Niamieččyny pad druhim numaram i pieršaje koła Aryna prapuścić. A ŭ nastupnym zhulaje z čatyrnaccataj rakietkaj śvietu Darjaj Kasatkinaj.

Kamientary4

  • Fiedzia
    18.06.2024
    Ciažkaje pakryćcio , a znajet choť ot koho?:))))
  • Na ščaście
    18.06.2024
    Fiedzia, nie ad ciabie))
  • Lejcar korkavy
    18.06.2024
    Prablema sa straŭnikam. A navošta ŭ jaho hłytaješ?

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam9

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →