Z tysiačy biełarusaŭ, jakija źviarnulisia pa mižnarodnuju abaronu ŭ Hiermanii, jaje atrymali nie bolš za 40 čałaviek
Biełaruskija palituciekačy sustrakajuć «vysoki biurakratyčny barjer u Hiermanii», tamu aktyvisty ź Biełarusi radziej pierajazdžajuć va ŭ hetuju krainu ŭ paraŭnańni z Ukrainaj, Hruzijaj, Polščaj i Litvoj, zajaviła sustaršynia abjadnańnia biełarusaŭ Hiermanii «RAZAM eV» Maryja Rudź.
Pavodle jaje słoŭ, jakija pryvodzić «Pozirk», 300 biełaruskich palituciekačoŭ atrymali humanitarnuju vizu ŭ Hiermanii. «Dla hetaha patrebnyja vielmi surjoznyja dokazy taho, što čałavieka pieraśledujuć na radzimie. Danyja ab vobyskach, administracyjnyja i kryminalnyja pratakoły. ⟨…⟩ Piersona pavinna znachodzicca nie ŭ Hiermanii i nie ŭ Jeŭrasajuzie».
Što tyčycca atrymańnia mižnarodnaj abarony ŭ Hiermanii, to «kab jaje atrymać, była padadziena tysiača zapytaŭ ad biełarusaŭ, i ŭ vyniku atrymana nie bolš jak 40 stanoŭčych adkazaŭ».
«Heta doŭhi praces, jaki maje nizki pracent pazityŭnych adkazaŭ. Čałaviek pavinien znachodzicca ŭ Hiermanii, abaviazany žyć u łahiery dla biežancaŭ, a taksama pavinny być dakumienty, jakija dakazvajuć realnuju niebiaśpieku znachodžańnia čałavieka ŭ Biełarusi», — padkreśliła Rudź.
Rudź adznačyła, što «ŭ Hiermanii žyvuć kala 30 tys. biełarusaŭ, a heta značyć, što ŭ bližejšy čas prablema pašpartoŭ zakranie ŭsich hetych ludziej».
Pa słovach Rudź, joj viadomyja vypadki, kali ludziam admaŭlali ŭ mižnarodnaj abaronie ŭ Niamieččynie, jany viartalisia ŭ Biełaruś, dzie ich aryštoŭvali.
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj34
Kamientary