Hramadstva1616

Roŭna čatyry hady tamu aryštavali Viktara i Eduarda Babarykaŭ

Heta byŭ dzień paśla jakoha kančatkova stała jasna, što dabrom vybarčaja kampanija nie skončycca.

Eks-kiraŭnik Biełhazprambanka, jaki zajaviŭ pra ŭdzieł u prezidenckich vybarach, Viktar Babaryka i jahony syn Eduard, jaki byŭ kiraŭnikom vybarčaha štaba, vieźli ŭ CVK sabranyja podpisy (tady było ŭžo sabrana 368 tysiač podpisaŭ).

Zatrymańnie pravodziŭ Departamient finansavych rasśledavańniaŭ Kamiteta dziaržkantrolu dla «praviadzieńnia śledčych dziejańniaŭ, źviazanych ź niavypłataj padatkaŭ i lehalizacyjaj niezakonna atrymanych dachodaŭ u ramkach rasśledavańnia kryminalnaj spravy pa Biełhazprambanku»

Ceły dzień da zatrymanych nie puskali advakataŭ: u budynku DFR «pravodzilisia vučeńni». U hety ž dzień Viktar Babaryka byŭ źmieščany ŭ SIZA KDB.

Uviečary taho ž dnia sotni, kali nie tysiačy ludziej vyjšli na praśpiekt Niezaležnaści pad mocnaj zalevaj u znak pratestu.

@nashanivanews Čatyry hady tamu zatrymali Viktara i Eduarda Babarykaŭ. #babaryki #babaryka #sud #biełaruś #minsk #novopołock #bobrujsk #kołonija ♬ Paris - 3Hzwave

21 červienia Viktaru Babaryku było vystaŭlenaje abvinavačvańnie pa č. 2 art. 243 («Uchileńnie ad vypłaty sum padatkaŭ i zboraŭ, što paciahnuła škodu ŭ asabliva bujnym pamiery»), č. 2 art. 235 («Lehalizacyja srodkaŭ, zdabytych złačynnym šlacham, ździejśnienaje paŭtorna, albo słužbovaj asobaj z vykarystańniem svaich słužbovych paŭnamoctvaŭ, albo ŭ asabliva bujnym pamiery»), a taksama pa č. 2 art. 431 («Dača chabaru paŭtorna albo ŭ bujnym pamiery»).

Paźniej abvinavačvańnie pa č. 2 art. 431 KK («Dača chabaru paŭtorna abo ŭ bujnoj sumie») było pierakvalifikavana na č. 3 art. 430 («Atrymańnie chabaru ŭ asabliva bujnym pamiery, albo arhanizavanaj hrupaj, albo asobaj, jakaja zajmaje adkaznaje stanovišča»). Taksama jamu było pradjaŭlenaje abvinavačańnie pa č. 2 art. 235 («Lehalizacyja («admyvańnie») srodkaŭ, atrymanych złačynnym šlacham u asabliva krupnym pamiery»).

U vyniku CVK nie zarehistravaŭ kandydytam u prezidenty, a praz hod, 6 lipienia 2021 hoda, jaho asudzili (sudździa Ihar Lubavicki) da 14 hadoŭ kałonii ŭzmocnienaha režymu.

Pakarańnie eks-bankir i miecenat adbyvaje ŭ Navapołackaj kałonii, i ŭžo 14 miesiacaŭ, z 25 krasavika 2023 hoda, pra jaho niama kankrektnaj infarmacyi.

U noč z 24 na 25 krasavika 2023 h. Viktara Babaryku ŭ stanie siaredniaj ciažkaści dastavili ŭ adździaleńnie chirurhii navapołackaha špitalu: u jaho była vadkaść u lohkich. Taksama stała viadoma, što palitviaźnia źmiasščali ŭ pamiaškańnie kamiernaha typu, kali dakładna heta adbyłosia — nieviadoma. Paviedamlałasia, što doŭhi čas zimoj Babaryka pravioŭ u ŠIZA.

Eduard Babaryka dva hady pravioŭ u źniavoleńni, sud nad im pačaŭsia tolki ŭ mai 2023 hoda.

Byli vystaŭlenyja nastupnyja abvinavačvańni:

art. 342 Kryminalnaha kodeksa — Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich,

art. 243 Kryminalnaha kodeksa — Uchileńnie ad vypłaty sum padatkaŭ, zboraŭ,

art. 130 Kryminalnaha kodeksa — Raspalvańnie varožaści ci varažniečy

5 lipienia 2023 hoda jaho asudzili (sudździa Uładzimir Areška) na 8 hadoŭ kałonii va ŭmovach uzmocnienaha režymu. U termin nie zaličyli čas utrymańnia ŭ SIZA KDB da 14 śniežnia 2021 hoda, to-bok paŭtara hoda.

Pakarańnie adbyvaje ŭ Babrujskaj kałonii. Z 1 krasavika 2024 h. Eduarda ŭtrymlivajuć u PKT, zaviedziena kryminalnaja sprava pavodle art. 411 KK.

Kamientary16

  • Cikavy fakt
    18.06.2024
    Babaryku pasadzili, a člena jaho štaba fsbšnika Karako adpuścili. Darečy, dzie jon zaraz, čym zajmajecca?
  • J
    18.06.2024
    Krepki chaziajstvieńnik numar 2. Tolki spačatku dla biełarusaŭ hraŭ tuju rolu staršynia kałhasu, a praz 26 hadoŭ - banku. A ŭ inšym ničoha i nie źmianiłasia.
  • :/
    18.06.2024
    Heta byŭ dzień, paśla jakoha kančatkova stała jasna, što dabrom vybarčaja kampanija nie skončycca.

    ale jany praciahnuli, kinuŭšy ŭ žudasnuju represiŭnuju mašynu ludziej

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii7

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Usie naviny →
Usie naviny

Na jakich umovach biełarusy mohuć atrymać hramadzianstva Ispanii, Partuhalii, Hiermanii i inšych krain12

U Rasii dźvie dziaŭčyny zahinuli padčas kvestu — animatar abliŭ ich hazaj, vypadkova padpaliŭ i ŭciok5

Ilustratarku z Bresta asudzili za danaty pałku Kalinoŭskaha na šeść hadoŭ

Pad Babrujskam na trasie dobra nasypała hradu

U Minsku za pratesty buduć sudzić muža i žonku. U ich troje dziaciej3

«Usiakija situacyi ŭ žyćci byvajuć». Pavuk spytaŭ u miascovych uładaŭ pra šachied, što ŭpaŭ u Akciabrskim3

Ihar Strałkoŭ (Hirkin) budzie pracavać kraŭcom u kałonii1

Paśla 2 hadoŭ źniavoleńnia vyjšaŭ na volu staršynia AHP Mikałaj Kazłoŭ9

Borys Džonsan raskazaŭ, u čym źmiest mirnaha płana Donalda Trampa pa Ukrainie7

bolš čytanych navin
bolš łajkanych navin

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii7

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Hałoŭnaje
Usie naviny →