Hramadstva2828

Žurnalistka «SB. Biełaruś siehodnia» pajechała adpačyć u Rym i trapiła na aŭdyjencyju da Papy

Niahledziačy na toje, što ŭ «SB. Biełaruś siehodnia» Julijana Leanovič piša ŭ asnoŭnym na temu kultury, prapahandy ŭ jaje artykułach vyšej za dach. A ciapier dziaŭčyna pachvaliłasia ŭ sacsietkach adpačynkam u Rymie i aŭdyjencyjaj u Papy Rymskaha.

Julijana Leanovič. Fota ź jaje instahrama

Julijanie Leanovič daviarajuć rabić intervju z zorkami prapahandy. Naprykład, z žurnalistkaj łukašenkaŭskaha puła Alonaj Syrovaj jana abmiarkoŭvała charyzmu Łukašenki. A Kaciarynu Zabiańko z STB raspytvała pra «ckavańnie» ŭ 2020-m. Adna ź fišak žurnalistki — zadavać surazmoŭcam pytańni pra 2020 hod i padkreślivać, jaki pravilny vybar zrabili tyja, chto padtrymaŭ łukašenkaŭski režym.

Darečy, hutarku z Maratam Markavym, jaki niadaŭna staŭ ministram infarmacyi, u svoj čas taksama daručyli Julijanie. Asablivaj uvahi zasłuhoŭvaje razmova Leanovič ź niaviestkaj Łukašenki Hannaj Siałuk paśla taho, jak śviokar uručyŭ toj śpiecyjalnuju premiju — aŭtarka nie škaduje słoŭ pachvały i epitetaŭ, jakija ciešać samalubstva navajaŭlenaj paetki.

Ale ciapier dziaŭčyna vyrašyła zrabić pierapynak u raspoviedach ab pravilnym patryjatyźmie. U svaich sacyjalnych sietkach Julijana pościć zdymki z Ryma i radasna raspaviadaje pra picu, apierol, trufielnuju pastu i idealny tyramisu.

Julijana Leanovič. Fota ź jaje instahrama

Najbolš jaje ŭraziła naviedvańnie Vatykana. Julijana pryjšła tudy a 5-j hadziny ranicy, płanujučy trapić na aŭdyjencyju Papy Rymskaha. Zrazumieła, što ab asabistaj aŭdyjencyi havorka nie išła. Reč u tym, što Papa pieryjadyčna pravodzić ahulnyja aŭdyjencyi ŭ Sabory śviatoha Piatra ci na płoščy pierad im. Zvyčajna źbirajucca tysiačy čałaviek. Dla atrymańnia biaspłatnych kvitkoŭ treba zahadzia nakiravać zajaŭku ŭ prefiekturu Vatykana.

— Ja zastałasia ŭ absalutnym zachapleńni ad taho, što adbyvajecca, tamu što raniej bačyła takoje tolki ŭ filmach. Nu, viedajecie, kali Papa vyjazdžaje na svaim «papamabili», na płoščy Śviatoha Piatra jaho sustrakajuć tysiačy ludziej, kryčać: «Papa, my ciabie lubim!» — i ŭsio takoje inšaje. Karaciej, heta było jak u «Maładym Papie», tolki ŭ sotniu, miljon razoŭ kruciej. Samy śmiešny kamientaryj z hetaj nahody vydała mama: «Padumać tolki, Papa realna isnuje!».

Julijana spadziajecca, što jašče nie raz budzie na adlehłaści vyciahnutaj ruki ad Papy Rymskaha.

Darečy, jašče adzin cikavy fakt ź bijahrafii dziaŭčyny. Na fonie taho, što HUBAZiK paluje na «niapravilnych» ekskursavodaŭ, žurnalistka «SB. Biełaruś siehodnia» taksama vyrašyła stać ekskursavodkaj. Letaś jana prajšła akredytacyju ŭ Nacyjanalnym ahienctvie pa turyźmie i pravodzić ekskursii pa Minsku i nie tolki ŭ volny ad asnoŭnaj pracy čas.

@nashanivanews Prapahandystka SB palacieła adpačyvać u Jeŭropu #biełaruś #biełaruśsiehodnia #našaniva #biełorusy #biełaruskiciktok #propahanda ♬ Paris - 3Hzwave

Kamientary28

  • Ohoniok
    18.06.2024
    I snova vopros, kuda smotriat zapadnyje śpiecsłužby?! Počiemu takoje vot spokojno po Jevropie šastajet?!
  • Kotya
    18.06.2024
    Ohoniok , a skolko ich tam? Eto obyčnaja nievzračnaja propahandistka, kotorych v rb kuča v hazietach i na intierniet portałach. Poprobuj ich vsiech znaj i uśledi za nimi
  • Pytańnie
    18.06.2024
    Normalnomu biełorusu, rieprieśsirovannomu pośle 2020 hoda, vizu nie sdiełať. A u etich vsie v šokoładie.

Zamach na Donalda Trampa: u jaho stralali ŭ čas vystupu ŭ Piensilvanii38

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

Sud zakryŭ spravu akciora Aleka Bołduina, jakoha abvinavačvali ŭ nienaŭmysnym zabojstvie apieratarki-ŭkrainki na zdymkach

Što pryhatavać ź lisičkami: frykadelki, hulaš, kašu

Papularny polski treveł-błohier raskazaŭ pra svaju pajezdku ŭ Biełaruś i daŭ parady20

U minskaj kramie znajšli pradukt, jaki kaštuje 12 tysiač rubloŭ za kiłahram. Jon zapakavany ŭ boks suprać kradziažu

Bujnyja donary-demakraty źbirajucca zamarozić 90 miljonaŭ dalaraŭ unioskaŭ na kampaniju Bajdena1

«Pačuj mianie. Ty — mudak». Prapahandyst Kazakoŭ u žyvym efiry daŭ majstar-kłas zavočnaj palemiki16

U Salihorskim rajonie znajšli vusienia vielmi redkaha matylka. Čamu my tak redka jaho bačym?3

Što adbyvajecca na miažy z Polščaj pierad vychodnymi

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii38

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →