Śviet22

Daśledavańnie: usio bolš ludziej u śviecie adčuvaje ahidu da navin

Žadańnie ludziej «adklučycca» ad navinavaha paradku dnia moža być vyklikana vojnami va Ukrainie i na Blizkim Uschodzie.

Paleścincy apłakvajuć svaich svajakoŭ, jakija zahinuli ŭ vyniku izrailskaj bambardziroŭki siektara Haza, u balnicy ŭ Dejr-el-Bałach. Fota: Abdel Kareem Hana / AP

Usio bolš ludziej pa ŭsim śviecie admaŭlajucca ad prahladu navin, nazyvajučy ich sumnymi abo navinami, što ŭhaniajuć u depresiju, vynikaje z hłabalnaha daśledavańnia Instytuta vyvučeńnia žurnalistyki Rejter Oksfardskaha ŭniviersiteta (Reuters Institute for the Study of Journalism), piša Bi-bi-si.

U apytańni, praviedzienym sa studzienia pa luty hetaha hoda, uziali ŭdzieł amal 95 tysiač čałaviek z 47 krain śvietu.

Pavodle atrymanych danych, čaćviora z kožnych 10 respandentaŭ (39%) śviadoma paźbiahajuć prahladu navin.

U 2017 hodzie hety pakazčyk byŭ prykmietna nižej — 29%.

Na dumku aŭtaraŭ dakładu, žadańnie ludziej «adklučycca» ad navinnavaha paradku dnia moža być vyklikana vojnami va Ukrainie i na Blizkim Uschodzie.

U spravazdačy havorycca, što imknieńnie paźbiahać navin ciapier znachodzicca na rekordna vysokim uzroŭni.

Pry hetym elektaralnyja pracesy ŭ šerahu krain, uklučajučy ZŠA, pavysili cikavaść da navin u hetych krainach, adnak ahulnaja tendencyja da spadu zachoŭvaje ŭstojlivaść, havorycca ŭ daśledavańni.

Dola apytanych, jakija zajavili, što vielmi ŭvažliva sočać za navinami, skaraciłasia ŭ cełym pa śviecie da 46% u paraŭnańni z 63% u 2017 hodzie.

U Vialikabrytanii pačynajučy z 2015 hoda cikavaść da navin źniziłasia amal udvaja.

«Vidavočna, što ŭ apošnija hady navinavy paradak byŭ asabliva składanym, — skazaŭ u intervju Bi-bi-si viadučy aŭtar spravazdačy Nik Ńjuman. — Była pandemija, vojny, tak što adčuvać abureńnie da navin — całkam naturalnaja reakcyja dla ludziej, niachaj heta budzie dla abarony svajho psichičnaha zdaroŭja abo prosta dla taho, kab praciahvać žyć dalej».

Papularnaść tyktoku raście

Pavodle spravazdačy, za apošniaje dziesiacihodździe aŭdytoryja tradycyjnych krynic navin, takich jak telebačańnie i drukavanyja vydańni, rezka skaraciłasia. Maładyja ludzi addajuć pieravahu paznavać naviny ŭ Internecie abo praz sacyjalnyja sietki.

U Vialikabrytanii amal try čverci apytanych (73%) zajavili, što atrymlivajuć naviny anłajn, 50% — z telebačańnia, i ŭsiaho 14% — z drukavanych ŚMI.

Samaj važnaj sacyjalnaj płatformaj dla atrymańnia navin pa-raniejšamu zastajecca Facebook, choć jaho papularnaść u apošni čas źnižajecca.

YouTube i WhatsApp taksama zastajucca važnymi krynicami navin, a voś TikTok pieražyvaje ŭzdym: pa svajoj papularnaści hetaja płatforma ŭpieršyniu abahnała X (raniej viadomuju jak «tviter».)

Siarod 18-24-hadovych pa ŭsim śviecie pakazčyk tyktoku jašče vyšejšy — 23%.

Takim čynam, videafarmat stanovicca ŭsio bolš važnaj krynicaj atrymańnia navin u internecie, asabliva siarod moładzi, adznačajuć aŭtary pracy.

Pa danych spravazdačy, najbolšaj pryvabnaściu karystajucca karotkija navinavyja videaroliki-mienavita takim addaje pieravahu tyktoku.

«Karystalniki vybirajuć videa, bo jano prostaje va ŭžyvańni i daje šyroki śpiektr aktualnaha i zajmalnaha kantentu», — kaža Ńjuman.

Kamientary2

  • 123
    17.06.2024
    Strausy
  • Oleh
    17.06.2024
    [Red. vydalena]

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž7

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →