Kultura1111

Na Słavianskim bazary vystupić adna artystka z Ukrainy. Čamu ŭ Ani Łorak takaja pazicyja?

Sioletni Słavianski bazar strakacić imionami ruskich i biełaruskich artystaŭ, ale siarod anansavanych u prahramie jość i adno imia pradstaŭnika Ukrainy — na fiestyval u Viciebsku z solnym kancertam pryjedzie śpiavačka Ani Łorak.

Ani Łorak. Fota: @anilorak

Ani Łorak (Karalina Kujek) pachodzić z ukrainskaha horada Kicmań Čarnavickaj vobłaści. Jana ŭ svoj čas stała samaj maładoj zasłužanaj artystkaj Ukrainy, pradstaŭlała rodnuju krainu na Jeŭrabačańni-2008, zdabyŭšy druhoje miesca ź pieśniaj Shady Lady.

Paśla pačatku poŭnamaštabnaj vajny va Ukrainie Łorak pradoŭžyła vystupać u Rasii, napramuju nie asudziŭšy ŭvarvańnie, za što stabilna atrymlivaje porcyju krytyki ad ziemlakoŭ.

U sakaviku 2023 pad chvalaj chiejtu śpiavačka była vymušanaja pierarvać maŭčańnie i patłumačyć svaju pazicyju bolš šyroka. U svaim instahramie jana raspaviała, što jašče paśla 2014 hoda ŭkrainskaje kiraŭnictva, pa jaje słovach, vystaviła joj «nieprymalny ŭltymatum», jaki padšturchnuŭ jaje da kančatkovaha pierajezdu ŭ Rasiju.

«U 2014 hodzie niekatoryja palityčnyja dziejačy va Ukrainie chacieli vykarystać mianie ŭ svaich metach, z čym ja nie mahła pahadzicca. U vyniku ja apynułasia ŭ vielmi niazručnaj situacyi i sutyknułasia ź niehatyŭnymi nastupstvami ŭ svaim žyćci, pra jakija viedaje tolki majo blizkaje atačeńnie. Mnie prapanavali tolki dva varyjanty: «Abo ty hulaješ u našu hulniu, robiačy toje, što my tabie kažam, abo ty nie budzieš śpiavać u hetaj krainie».

Ultymatum urada majoj ułasnaj krainy, jaki prycisnuŭ mianie da ściany, staŭ tym pierałomnym momantam, jaki padšturchnuŭ mianie da pierajezdu ŭ Rasiju, dzie ja była pryniataja i praciahvała raści jak artyst, atrymlivajučy pryznańnie pa ŭsim śviecie. Nie zvažajučy ni na što, Ukraina zaŭsiody ŭ maim sercy»,

napisała Łorak, dadaŭšy, što jana — artystka, a nie palityk, jaki nie padtrymlivaje nijakich form hvałtu i ličyć, što tolki «kachańnie i muzyka mohuć abjadnać».

U 2023 hodzie śpiavačka była na miažy zabarony kancertaŭ u Rasii paśla plotak, jakija śćviardžali, što Łorak dapamahła sabrać hrošy na patreby ŭkrainskaj armii. Śpiavačka hety fakt asprečvała, patłumačyŭšy, što zajmajecca tolki adrasnaj humanitarnaj dapamohaj kankretnym siemjam paciarpiełych:

«Moj brat zahinuŭ u Afhanistanie, kali mnie było dzieviać hadoŭ. Ja tamu ničoha nie budu pieradavać na vajskovyja patreby nikoli. Ja chaču być padalej ad hetaha».

Va Ukrainie suprać Łorak ciapier uviedzienyja sankcyi.

Łorak u miuzikle «Viečary na chutary blizu Dzikańki»

Łorak časta byvaje ŭ Biełarusi. Tak, jana była śpiecyjalnym zornym hościem na šou «Faktar.BY». Abminajučy temu palityki i tut, śpiavačka adznačaje, što ŭ Biełarusi adčuvaje «vietlivaść, haścinnaść i mientalnaje svajactva».

«Słavianski bazar» projdzie ŭ Viciebsku z 9 pa 15 lipienia. Na im vystupiać Aleh Hazmanaŭ, Viktoryja Aleška, Zara, Luboŭ Uśpienskaja, Tea, hrupa «Na-na», prajekt «Haršanioŭ», Dzim Dzimyč i inšyja.

Kamientary11

  • Vaŭkałak
    18.06.2024
    Hrošy nia pachnuć. Tak, spadarynia Kujok?
  • Spadar
    18.06.2024
    Narmalny čałaviek takoje nie naviedvaje ---- tolki vata. Asabliva u hety čas...
  • 18.06.2024
    Nu chaj sabie ŭłady jaje pakryŭdzili . Zrazumieła.
    Ale zarablać hroši na adnyjej placoŭcy, razam ź istotami jakija žadajuć źniščyć tvaju Radzimu ?
    Tolki hrošy.

Stryžak raskazaŭ, jak jaho vierbavali śpiecsłužby13

Stryžak raskazaŭ, jak jaho vierbavali śpiecsłužby

Usie naviny →
Usie naviny

«Pa kodavym słovie «Barysaŭna» vykinuła ŭ akno €760 tysiač». 16-hadovy kurjer zabraŭ u dvaich piensijanieraŭ 2,7 młn rubloŭ14

Što adbudziecca, kali Bajden vyjdzie z prezidenckaj honki?1

Ukrainski front na Danbasie pasypaŭsia ŭ niekalkich miescach — analityk Bild10

Biełaruski ajcišnik pierajechaŭ u Aŭstraliju i trapiŭ pad skaračeńni. I zadaŭsia adviečnym pytańniem «Što rabić»?14

U Lidzie zatrymali ŭładalnika kaviarni «Tutaka»

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

Ukraina śpiašajecca stvaryć vajennyja bieśpiłotniki sa štučnym intelektam1

bolš čytanych navin
bolš łajkanych navin

Stryžak raskazaŭ, jak jaho vierbavali śpiecsłužby13

Stryžak raskazaŭ, jak jaho vierbavali śpiecsłužby

Hałoŭnaje
Usie naviny →