Hramadstva33

Zakryvajecca adna z najstarejšych pryvatnych VNU

Čutki pra zakryćcio chadzili daŭno, ale rašeńnie dla mnohich było žachlivym siurpryzam.

Fota: Belarusinfo.by

Zakryvajecca adna z najstarejšych pryvatnych VNU: BIP — Univiersitet prava i sacyjalnych technałohij. Pra heta «Lusterku» raspavioŭ adzin sa studentaŭ VNU, u administracyi navučalnaj ustanovy paćvierdzili hetuju infarmacyju. Voś što ŭdałosia daviedacca.

— Čutki chadzili daŭno, ale dniami ad adnaho ź mietadystaŭ ja daviedaŭsia, što ŭsio heta praŭda, — raspavioŭ student BIP Dźmitryj. — Rašeńnie pryniali zasnavalniki, i dla mnohich jano budzie žachlivym siurpryzam. Ja student-zavočnik na apošnim kursie i ciapier navat nie ŭjaŭlaju, jak budu advučvacca hety apošni hod.

Aficyjnaj zajavy ab zakryćci na sajcie VNU niama. 

— Pa rašeńni zasnavalnikaŭ adukacyjnaja dziejnaść univiersiteta spyniajecca z 30 žniŭnia 2024 hoda, — adkazała sakratarka. — Usie studenty, jakija na dadzieny momant u nas majucca, buduć pieraviedzieny ŭ inšyja VNU horada Minska. Usio heta budzie prachodzić centralizavana. Adzinaje, treba troški pačakać, pakul źjavicca aficyjnaja infarmacyja i stanuć viadomyja ŭsie VNU, kudy buduć pieravodzić dziaciej. Ale chvalavacca nie varta: usie buduć pieraviedzieny i vučoba praciahniecca z 1 vieraśnia ŭ inšych VNU.

Pra pryčyny zakryćcia BIP sakratarka rektara ničoha nie skazała.

— Heta rašeńnie zasnavalnikaŭ, — uzdychaje žančyna. — Čamu jany tak vyrašyli, ja nie viedaju.

BIP — adna z najstarejšych pryvatnych VNU Biełarusi. Jaho ŭ 1990-m hodzie adkryŭ Ściapan Sokał — navukoviec i pradprymalnik. Da 2020-ha hoda jon byŭ rektaram univiersiteta. A 5 śniežnia taho ž hoda jon pamior. Vierahodna, ad karanavirusa.

Pieršapačatkova BIP nazyvaŭsia Minskaj vyšejšaj jurydyčnaj škołaj pry Sajuzie jurystaŭ BSSR. U 1991-m škoła była pierajmienavana ŭ Biełaruski instytut pravaznaŭstva, a ŭ sakaviku 1995-ha atrymała licenziju VNU.

U 2021 hodzie ŭstanova stała ŭniviersitetam i była pierajmienavana ŭ «BIP — Univiersitet prava i sacyjalnych technałohij».

U vinšavańni rektara BIP z nahody 30-hodździa VNU ŭ 2020 hodzie śćviardžałasia, što za čas pracy tam było padrychtavana bolš za 30 tysiač śpiecyjalistaŭ roznaha profilu: jurystaŭ, ekanamistaŭ, buchhałtaraŭ, jurystaŭ-mižnarodnikaŭ i inšych. Taksama paviedamlałasia, što vypuskniki pracujuć u dziaržaŭnych orhanach kiravańnia, pravaachoŭnaj sistemie Biełarusi, kamiercyjnych arhanizacyjach. Niekatoryja ź ich zajmajuć vysokija dziaržaŭnyja pasady.

Kamientary3

  • Belarus
    17.06.2024
    A ja-to dumaju, počiemu v niekotorych hosorhanach i v policii vstriečaju biezhramotnych sotrudnikov? Okazyvajetsia, oni BIP okončili.
  • Korol
    17.06.2024
    Belarus, ), oni bhu okončili. Ty ošibsia, łukašist.
  • Ups
    17.06.2024
    Belarus, niejki dziŭny "biełarus". Što za "palicyja"?

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Usie naviny →
Usie naviny

U Homielskaj vobłaści abjaŭlena nadzvyčajnaja situacyja1

Tramp raskazaŭ, što cudam jaho vyratavała ad kuli3

Łatvija z 16 lipienia zabaraniaje ŭjezd mašyn ź biełaruskimi numarami 3

Lidzija Jarmošyna pra svaje strachi ŭ 2020: Z parłamienta prabirałasia čornymi chadami11

U časie bury mocna paciarpieli ptuški. Adziny ŭ krainie prytułak dla ich nie daje rady — jamu patrebnaja dapamoha

Ukrainskija ambicyi mieć F-16 raźbivajucca ab moŭny barjer, uźlotna-pasadačnyja pałosy i zapčastki — Bloomberg29

Cierciel zajaviŭ, što Ukraina adviała vojski ad biełaruskaj miažy jašče 3—4 lipienia1

«Au! Kudy vy źnikli?» Jak minčanka pierajhrała kvaternych afierystaŭ

Biez elektryčnaści zastajecca 851 nasieleny punkt Homielskaj vobłaści. U Mazyry niama śviatła, vady, nie pracujuć pradpryjemstvy

bolš čytanych navin
bolš łajkanych navin

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Hałoŭnaje
Usie naviny →