Ekanomika99

Sankcyi suprać Maskoŭskaj biržy ŭdarać pa biełaruskim eksparcie

Siońnia kala 70% biełaruskaha ekspartu aryjentavana na Rasiju. Ź jakimi vyklikami sutykniecca ekanomika Biełarusi ad spynieńnia tarhoŭ u Maskvie, raspaviała ŭ intervju «Jeŭraradyjo» ekanamistka Alisa Ryžyčenka.

Praz uviedzienyja sankcyi na Maskoŭskaj biržy nielha ciapier handlavać ni dołarami, ni jeŭra. Rasijski Centrabank budzie vyznačać valutny kurs pa vynikach pazabiržavych tarhoŭ.

Jak spynieńnie tarhoŭ na Maskoŭskaj biržy moža paŭpłyvać na ekanomiku Biełarusi?

«Viadoma, na pieršy pohlad, zdavałasia b, havorka idzie pra miechanizmy farmavańnia kursa niepasredna ŭ Rasii, i heta nijak nie tyčycca Biełarusi. Ale ŭ toj ža čas heta surjozny ŭdar pa valutnym rynku Rasii, i tut jość šerah nastupstvaŭ, jakija vynikajuć, jakija ŭ dalejšym mohuć paŭpłyvać i na ekanomiku Biełarusi», — adznačaje ekanamistka.

Toje, što sankcyi zabaraniajuć luby handal jeŭra i dołaram, jak i lubyja apieracyi z udziełam valuty na Maskoŭskaj biržy, nanosić udar nie tolki pa samoj biržy i jaje prybytkovaj častcy, ale i akazvaje cisk na akcyi pradpryjemstvaŭ, jakija pradajucca na hetaj biržy, tłumačyć ekanamist.

«I faktyčna kurs ciapier u Rasii budzie farmiravacca, jak u 90-ja hady. Heta značyć handal valutaj budzie adbyvacca na mižbankaŭskim uzroŭni, trejdary buduć vusna paviedamlać adzin adnamu z dapamohaj miesendžaraŭ abo telefonnych zvankoŭ ab ździełkach i na padstavie spravazdačnaści bankaŭ Centrabank Rasii budzie farmiravać kurs.

Usio heta ciahnie za saboj dastatkova vialikija zatrymki pa farmiravańni kursu. I heta jakraz moža pryvieści da taho, što Centrabanku daviadziecca pravodzić valutnyja interviencyi, tamu što pavialičvajecca roźnica pamiž prodažam i kuplaj valuty», — adznačaje Alisa Ryžyčenka.

Miž tym pramoha ŭpłyvu na biełaruski kurs heta, na dumku ekśpierta, nie zrobić. A kali i akaža, to ŭ vielmi małych pracentnych suadnosinach.

«Inšaje pytańnie, što takija sankcyi na hałoŭnyja finansavyja instrumienty ŭ Rasii mohuć pryvieści da taho, što rasijskaja ekanomika budzie skaračacca, akcyi pradpryjemstvaŭ padać, buduć skaračacca inviestycyi ŭ hetyja pradpryjemstvy. Usio heta, u sukupnaści ź niavyznačanaściu, budzie skaračać kolkaść inviestycyj i prytok valuty ŭ krainu. Pryčym prytok luboj zamiežnaj valuty, nie tolki dołara i jeŭra», — tłumačyć ekanamistka.

I heta ŭ svaju čarhu moža paŭpłyvać na biełaruski ekspart, tamu što zaraz biełaruskaja ekanomika, i ŭ tym liku kala 70% ekspartu, zaviazanyja na Rasiju.

Ekanamistka nahadvaje, što pa vyniku pieršych čatyroch miesiacaŭ źniešni handal tavarami i pasłuhami ŭ Biełarusi spracavaŭ u minus.

«I voś jakraz heta moža pryvieści da źmienaŭ u horšy bok i da abiasceńvańnia biełaruskaha rubla. Tamu što, kali ŭ nas farmirujecca admoŭnaje salda źniešniaha handlu, to bok my pradajom mienš, čym zakuplajem, adpaviedna, prytok valuty ŭ nas mienšaja, čym patrebnaść u im na rynku», — tłumačyć Ryžyčenka.

I heta, viadoma ž, užo akazvaje niehatyŭny ŭpłyŭ na kurs nacyjanalnaj valuty. Voś hety faktar ​​našmat bolš važny i značny dla biełaruskaha valutnaha rynku, čym sami hetyja sankcyi.

Kamientary9

  • Acabčyk Ekanamičnieńki
    16.06.2024
    Nasamreč, kaniešnie, birža maje nadzvyčajna važnuju funkcyju nakiravańnia kapitału ŭ aptymalnyja pradpryjemstvy. Ale kamandna-administracyjnyja siastrynska-braterskija respubliki pierastasavalisia z nakiravańniami ŭ pryznačanyja zahadam partyi i ŭradu aptymalnymi miescy
  • Acabčyk Ekanamičnieńki
    16.06.2024
    Acabčyk Ekanamičnieńki, navaliŭ, prybiary za saboj
  • Spadar
    16.06.2024
    Pryjemnaja navina!!

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž7

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →